ສປປ ເກົາຫລີ ອາດຈະຍິງ ລູກສອນໄຟໃໝ່ 27 ກໍລະກົດ

- advert banner 728 90 728x90 - ສປປ ເກົາຫລີ ອາດຈະຍິງ ລູກສອນໄຟໃໝ່ 27 ກໍລະກົດ

ສື່​ອາ​ເມ​ລິ​ກາ ​ແລະ ສ.​ເກົາຫລີ ​ເປີດ​ເຜີຍ​ວ່າ: ສປປ ​ເກົາຫລີ ກຳລັງ​ກຽມ​ຈະ​ທົດ​ລອງ​ລູກ​ສອນ​ໄຟ​ຮອບ​ໃໝ່​ໃນ​ມໍ່​ໆ​ນີ້ ​ເນື່ອງ​ໃນ​ໂອກາດ​ຄົບຮອບ 64 ປີວັນ​ສິ້ນສຸດ​ສົງຄາມ​ເກົາຫລີ ຄາດ​ວ່າ​ຈະ​ເປັນ​ການ​ຍິງ​ລູກ​ສອນ​ໄຟ​ຂ້າມ​ທະວີບ​ຮຸ່ນ​ໃໝ່.

- new3 - ສປປ ເກົາຫລີ ອາດຈະຍິງ ລູກສອນໄຟໃໝ່ 27 ກໍລະກົດ

ສຳນັກ​ຂ່າວ​ຢອນ​ຮັບ​ຂອງ ສ.​ເກົາຫລີ ລາຍ​ງານ​ໂດຍ​ອ້າງ​ແຫ​ລ່ງຂ່າວ​ຈາກ​ທາງ​ການ​ລະບຸ​ວ່າ: ພົບ​ການ​ເຄື່ອນ​ໄຫວ​ຂົນ​ຍ້າຍ​ຖານ​ຍິງ​ລູກ​ສອນ​ໄຟ​ຂ້າມ​ທະວີບ​ຢູ່​ແຂວງ​ຢອງ​ອັນ​ເໜືອ ຈຶ່ງ​ເປັນ​ໄປ​ໄດ້​ຫລາຍ​ວ່າ: ສປປ ​ເກົາຫລີ ອາດ​ຈະ​ພວມ​ກຽມ​ທົດ​ລອງ​ຍິງ​ລູກ​ສອນ​ໄຟ​ໃນ​ວັນ​ທີ 27 ກໍລະກົດ​ນີ້ ​ເຊິ່ງກົງ​ກັບ​ວັນ​ຄົບຮອບ​ສິ້ນສຸດ​ສົງຄາມ​ເກົາຫລີ. ທັງ​ນີ້ ສປປ ​ເກົາຫລີ ປະກາດ​ໃຫ້​ວັນ​ດັ່ງກ່າວ​ເປັນ​ວັນພັກ​ທົ່ວ​ປະ​ເທດ ​ແລະ ກຳນົດ​ໃຫ້​ເປັນ​ວັນ​ແຫ່ງ​ໄຊຊະນະ. ສຳນັກ​ຂ່າວ​ຢອນ​ຮັບ​ລາຍ​ງານ​ອີກ​ວ່າ: ລູກ​ສອນ​ໄຟ​ທີ່​ຈະ​ມີ​ການ​ທົດ​ລອງ​ໃນ​ຄັ້ງນີ້​ອາດ​ຈະ​ເປັນ​ລູກ​ສອນ​ໄຟ​ຂ້າມ​ທະວີບ ຫລື ອາດ​ເປັນ​ລູກ​ສອນ​ໄຟ​ໄລຍະ​ກາງ.

ສ່ວນ​ສະຖານີ​ຂ່າວ​ເຄ​ເບິ​ລ ນິວ ​ເນັດ​ເວີກ (CNN) ຂອງ​ອາ​ເມ​ລິ​ກາ​ລາຍ​ງານ​ໂດຍ​ອ້າງ​ໜ່ວຍ​ຂ່າວ ​ແລະ ​ເຈົ້າໜ້າ​ທີ່​ກະຊວງ​ປ້ອງ​ກັນ​ປະ​ເທດ ກົງກັນ​ວ່າ: ສປປ ​ເກົາຫລີ ພວມ​ກຽມ​ຈະ​ທົດ​ລອງ​ລູກ​ສອນ​ໄຟ​ຄັ້ງ​ໃໝ່, ພາຍຫລັງ​ພົບ​ການ​ຂົນ​ຍ້າຍ​ອຸປະກອນ​ຍິງ​ຈະ​ຫລວດ​ໃນ​ເຂດ​ຄູ​ຊອງ ​ແຂວງ​ຢອງ​ອັນ​ເໜືອ ​ໃນ​ທ້າຍ​ອາທິດ​ຜ່ານ​ມາ.

- lattana 1 - ສປປ ເກົາຫລີ ອາດຈະຍິງ ລູກສອນໄຟໃໝ່ 27 ກໍລະກົດ
error: Content is protected !!