ຈີນ ປະສົບຜົນສຳເລັດໃນການສົ່ງຍານອະວະກາດບັນທຸກຄົນ “ເສີນໂຈ່ວ 13” ຂຶ້ນສູ່ອະວະກາດ.
ສຳນັກຂ່າວ CRI ໄດ້ລາຍງານຂ່າວວ່າ: ເວລາ 00:23 ໂມງ ຂອງວັນທີ 16 ຕຸລາ 2021 ຕາມເວລາປັກກິ່ງ, ຍານອະວະກາດບັນທຸກມຄົນ ເສີນໂຈ່ວ 13 ໄດ້ຖືກສົ່ງ ຂຶ້ນສູ່ອະວະກາດດ້ວຍຈະຫລວດສົ່ງຍານສາງເຈີ່ງ 2 FY13 ຈາກສູນສົ່ງ ດາວທຽມຈິວສວນ ໂດຍບັນທຸກນັກບິນອະວະກາດ 3 ຄົນຄື: ທ່ານ ຈາຍຈື້ກ່າງ, ທ່ານນາງ ຫວາງຢ້າຜິງ ແລະ ທ່ານເຢ້ກວ່າງຟູ້ ຂຶ້ນສູ່ອະວະກາດ.
ຈຸນັກບິນທັງ 3 ຄົນມີສະພາບທີ່ດີ, ການສົ່ງຍານອະວະກາດຄັ້ງນີ້ໄດ້ປະສົບຜົນສຳເລັດຢ່າງຈົບງາມ ແລະ ນີ້ເປັນພາລະກິດການບິນ ຄັ້ງທີ 21 ນັບຕັ້ງແຕ່ຈີນ ຈັດຕັ້ງປະຕິບັດ ໂຄງການ ການບິນອະວະກາດບັນທຸກຄົນເປັນຕົ້ນມາ, ທັງເປັນພາລະກິດ ການບິນອະວະກາດບັນທຸກຄົນ ຄັ້ງທີ 2 ໃນໄລຍະດຳເນີນໂຄງການສະຖານີ ອະວະກາດ. ຫລັງຈາກນັ້ນ, ນັກບິນອະວະກາດຈະເຂົ້າສູ່ຫ້ອງແກນກາງ (core module) ທຽນເຫີ ເພື່ອເລີ່ມປະຈຳການເປັນເວລາ 6 ເດືອນ ໂດຍຈະປະຕິບັດໜ້າທີ່ວຽກງານຕ່າງໆເຊັ່ນ: ບັນຊາແຂນກົນຈັກ, ການເຄື່ອນໄຫວຢູ່ ນອກຍານອະວະກາດ, ການເຄື່ອນຍ້າຍໂມດຸນ ແລະອື່ນໆ ເພື່ອກວດສອບ ເຕັກນິກສຳຄັນຕ່າງໆຕື່ມອີກເຊັ່ນ ນັກບິນອະວະກາດປະຈຳການໃນຍານ ອະວະກາດຢ່າງຍາວນານ, ການຊ່ວຍໃຫ້ມີຊີວິດຢູ່ໄດ້ຍາວນານ regenerative life support ແລະ ອື່ນໆ.
