ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ

ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ - l 43x0wh 1196x697z 0 - ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ
ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ - AGL banner - ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ

ທາງການ ສ.ເກົາຫລີ ແລະ ຍີ່ປຸ່ນ ເປີດເຜີຍວ່າ: ສປປ ເກົາຫລີ ໄດ້ຍິງລູກສອນໄຟບໍ່ຮູ້ຊະນິດໄປຕົກໃນນ່ານນ້ຳນອກຊາຍຝັ່ງຍີ່ປຸ່ນໃນວັນທີ 19 ຕຸລາ ໂດຍຖະແຫລງການຈາກຄະນະເສນາທິການທະຫານຮ່ວມຂອງ ສ.ເກົາຫລີ ລະບຸວ່າ: ລູກສອນໄຟດັ່ງກ່າວຖືກປ່ອຍອອກຈາກຊິບໂປ ແລະ ລອຍໄປເບື້ອງທະເລຝັ່ງຕາເວັນອອກຂອງແຫລມເກົາຫລີ, ຂະນະທີ່ຝ່າຍຂ່າວລັບ ສ.ເກົາຫລີ ແລະ ອາເມລິກາ ກຳລັງວິເຄາະຂໍ້ມູນເພີ່ມຕື່ມ.

ການເຄື່ອນໄຫວດັ່ງກ່າວມີຂຶ້ນຫລັງມີລາຍງານວ່າ: ເຈົ້າໜ້າທີ່ຂ່າວລັບຂອງ ສ.ເກົາຫລີ, ຍີ່ປຸ່ນ ແລະ ອາເມລິກາ ໄດ້ພົບປະກັນຢູ່ນະຄອນຫລວງໂຊນຂອງ ສ.ເກົາຫລີ ເພື່ອຫາລືກັນກ່ຽວກັບ ສປປ ເກົາຫລີ.

ໃນໄລຍະຜ່ານມາ, ສປປ ເກົາຫລີ ໄດ້ທົດລອງອາວຸດທາງຍຸດທະສາດຫລາຍຄັ້ງ ບໍ່ວ່າຈະເປັນລູກສອນໄຟໄຮເປີໂຊນິກ, ຈະຫລວດລ່ອນນຳວິຖີ ຫລື ລູກສອນໄຟຕໍ່ຕ້ານເຮືອບິນ ເຊິ່ງເປັນການປະກາດປະສິດທິພາບຂອງກອງທັບ ແລະ ຄວາມພ້ອມໃນການປ້ອງກັນປະເທດ. ຂະນະທີ່ດ້ານໜຶ່ງ ນັກວິເຄາະບາງຄົນເບິ່ງວ່າ: ສປປ ເກົາຫລີ ຕ້ອງການກົດດັນໃຫ້ປະເທດທີ່ກ່ຽວຂ້ອງກັບເຂົ້າສູ່ໂຕະເຈລະຈາກັບ ສປປ ເກົາຫລີ ເພື່ອຍົກເລີກມາດຕະການຂວ້ຳບາດຕ່າງໆ.

ຂະນະທີ່ການທົດລອງລູກສອນໄຟໃນໄລຍະຜ່ານມາ ຖືກເບິ່ງວ່າລະເມີດມະຕິສະຫະປະຊາຊາດທີ່ຫ້າມ ສປປ ເກົາຫລີ ທົດລອງລູກສອນໄຟໄລຍະກາງ. ເຖິງຢ່າງໃດກໍຕາມ, ສປປ ເກົາຫລີ ອ້າງວ່າຕົນມີສິດເຕັມທີ່ໃນການທົດລອງ ແລະ ພັດທະນາອາວຸດ.

ອ້າງອີງ:

https://www.bbc.com/news/world-asia-58963654

ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ - lattana banner 1 - ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ
ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ - lattana banner - ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ
ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ -    AD conten website - ສປປ ເກົາຫລີ ຍິງລູກສອນໄຟບໍ່ຮູ້ຊະນິດ ໄປຕົກທະເລນອກຊາຍຝັ່ງຍີ່ປຸ່ນ
error: Alert: ເນື້ອຫາຂ່າວມີລິຂະສິດ !!