ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ

ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ - np file 118976 - ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ
ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ - AGL banner - ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ

ຣັດເຊຍສັ່ງພັກວຽກທົ່ວປະເທດ 1 ອາທິດ ຮຽກຮ້ອງປະຊາຊົນອອກມາສັກວັກຊີນ ຫລັງຈຳນວນຜູ້ຕິດເຊື້ອ-ຕາຍຈາກໂຄວິດ-19 ເພີ່ມຂຶ້ນບໍ່ເຊົາ.

ວັນທີ 21 ຕຸລາ 2021, ສຳນັກຂ່າວຕ່າງປະເທດລາຍງານວ່າ: ປະທານາທິບໍດີ ວະລາດິເມຍ ປູຕິນ ຂອງຣັດເຊຍ ອະນຸມັດຂໍ້ສະເໜີຂອງຄະນະລັດຖະບານໃຫ້ມີຄຳສັ່ງພັກວຽກໂດຍໄດ້ຮັບຄ່າແຮງງານທົ່ວປະເທດເປັນເວລາ 1 ອາທິດ ເພື່ອຄວບຄຸມການແຜ່ລະບາດຂອງພະຍາດໂຄວິດ-19 ຫລັງຈາກຈຳນວນຜູ້ຕິດເຊື້ອ ແລະ ຜູ້ເສຍຊີວິດເພີ່ມສູງຂຶ້ນ.

ໜ່ວຍງານສະເພາະກິດດ້ານການຕິດຕາມ ແລະ ຮັບມືພະຍາດໂຄວິດ-19 ຂອງຣັດເຊຍລາຍງານໃນວັນທີ 20 ຕຸລາວ່າ: ໃນໄລຍະ 24 ຊົ່ວໂມງຜ່ານມາ ພົບຜູ້ຕິດເຊື້ອໂຄວິດ-19 ເພີ່ມຂຶ້ນ 34.073 ຄົນ ສົ່ງຜົນໃຫ້ມີຜູ້ຕິດເຊື້ອສະສົມທັງໝົດ 8.094.825 ຄົນ ແລະ ມີຜູ້ເສຍຊີວິດເພີ່ມອີກ 1;028 ຄົນ ເຊິ່ງເປັນຈຳນວນສູງສຸດນັບແຕ່ມີການແຜ່ລະບາດໃນປະເທດ ເຮັດໃຫ້ຍອດລວມຜູ້ເສຍຊີວິດມີ 226.353 ຄົນ.

ທ່ານ ປູຕິນ ກ່າວວ່າ: ທ່ານສະໜັບສະໜູນຂໍ້ສະເໜີຂອງຄະນະລັດຖະບານ ທີ່ສະເໜີໃຫ້ວັນທີ 30 ຕຸລາ -​7 ພະຈິກ ເປັນມື້ພັກທີ່ໄດ້ຮັບຄ່າແຮງງານທົ່ວປະເທດ. ພ້ອມກ່າວວ່າ: ລັດຖະບານທ້ອງຖິ່ນສາມາດພິຈາລະນາປະກາດພັກລ່ວງໜ້າ ຫລື ຂະຫຍາຍມື້ພັກຕໍ່ໄປໄດ້ຕາມສົມຄວນ.

ນອກຈາກນີ້, ປະທານາທິບໍດີຣັດເຊຍຍັງຮຽກຮ້ອງໃຫ້ຊາວຣັດເຊຍອອກມາສັກວັກຊີນປ້ອງກັນໂຄວິດ-19 ໃນຂະນະທີ່ປະຊາຊົນສ່ວນຫລາຍຍັງມີຄວາມລັງເລ ແລະ ບໍ່ໝັ້ນໃຈໃນປະສິດທິພາບຂອງວັກຊີນ ໂດຍປັດຈຸບັນມີຊາວຣັດເຊຍທີ່ສັກວັກຊີນຄົບສອງໂດສແລ້ວປະມານ 47,5 ລ້ານຄົນ ປະມານ 1 ໃນ 3 ຂອງປະຊາກອນທັງໝົດທີ່ມີຢູ່ເກືອບ 146 ລ້ານຄົນ.

ທັງນີ້, ຣັດເຊຍກຳລັງຜະເຊີນວິກິດການແຜ່ລະບາດຂອງພະຍາດໂຄວິດ-19 ຢ່າງໜັກ ທັງຈຳນວນຜູ້ຕິດເຊື້ອທີ່ເພີ່ມຂຶ້ນວັນລະຫລາຍກວ່າ 30.000 ຄົນຕໍ່ເນື່ອງມາເປັນເວລາເກືອບອາທິດ ແລະ ມີຜູ້ເສຍຊີວິດເພີ່ມຂຶ້ນຕະຫລອດຫລາຍອາທິດຜ່ານມາ.

ອ້າງອີງ:

https://www.reuters.com/…/russian-healthcare-system…/

https://www.businessinsider.co.za/putin-russia…

https://www.xinhuathai.com/high/237313_20211021

ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ - lattana banner 1 - ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ
ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ -    AD conten website - ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ
ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ - lattana banner - ຣັດເຊຍວິກິດ ໂຄວິດ-19 ລະບາດໜັກ ທ່ານ ປູຕິນ ໄຟຂຽວສັ່ງພັກຍາວໄດ້ຄ່າແຮງງານ ທົ່ວປະເທດ 1 ອາທິດ
error: Alert: ເນື້ອຫາຂ່າວມີລິຂະສິດ !!