ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້

ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້ - south korea rocket october 21 2021 reuters 1634820950132 - ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້
ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້ - AGL banner - ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້

ສ.ເກົາຫລີ ປ່ອຍຈະຫວດທີ່ພັດທະນາເອງພາຍໃນປະເທດເປັນລຳທຳອິດ ເຊິ່ງເປັນຈະຫລວດສຳລັບປ່ອຍດາວທຽມທີ່ມີຊື່ວ່າ: “ນູຣີ” ໂດຍມີການປ່ອຍຈະຫລວດລຳນີ້ຈາກເມືອງໂກຮິງ ເຊິ່ງຢູ່ຫ່າງຈາກນະຄອນຫລວງໂຊນໄປທາງຕອນໃຕ້ປະມານ 500 ກິໂລແມັດ.

ໂດຍປະທານາທິບໍດີ ມຸນແຈອິນ ຂອງ ສ.ເກົາຫລີ ລະບຸວ່າ: ຈະຫລວດລຳນີ້ສາມາດດຳເນີນການຕາມລຳດັບຂັ້ນຕອນທາງການບິນໄດ້ສົມບູນ, ແຕ່ລົ້ມເຫລວໃນເປົ້າໝາຍທີ່ຈະນຳເອົາດາວທຽມຈຳລອງໜັກ 1,5 ໂຕນຂຶ້ນສູ່ວົງໂຄຈອນທີ່ສູງ 600-800 ກິໂລແມັດເໜືອຈາກໂລກໄດ້ ເຖິງວ່າທ່ານ ມຸນແຈອິນ ຈະຍອມຮັບວ່າ: ການປ່ອຍຈະຫລວດນັ້ນບໍ່ເປັນໄປຕາມເປົ້າໝາຍຄົບທັງໝົດ, ແຕ່ທ່ານກໍໄດ້ກ່າວຍົກຍ້ອງຜູ້ປະຕິບັດງານ ແລະ ບອກວ່າ: ເຖິງວ່າພາລະກິດຈະບໍ່ສົມບູນ ແຕ່ໂຄງການນີ້ຈະເດີນໜ້າຕໍ່ໄປ. ນອກຈາກນັ້ນ ສ.ເກົາຫລີ ຍັງວາງແຜນຈະທົດລອງປ່ອຍຈະຫລວດນູຣີຄັ້ງຕໍ່ໄປໃນເດືອນພຶດສະພາປີໜ້າ.

ທ່ານ ລິມເຢຊຸກ ລັດຖະມົນຕີວິທະຍາສາດ ແລະ ໄອຊີທີ ສ.ເກົາຫລີ ລະບຸວ່າ: ດາວທຽມຈຳລອງບໍ່ສາມາດເຂົ້າເຖິງວົງໂຄຈອນໄດ້ ເພາະລົ້ມເຫລວໃນການບັນລຸຄວາມໄວໃນລະດັບ 7,5 ກິໂລແມັດຕໍ່ວິນາທີ ໂດຍເຄື່ອງຈັກໃນຈະຫລວດທ່ອນສຸດທ້າຍມີການເຜົາໄໝ້ພຽງ 475 ວິນາທີຈາກທີ່ຄວນຈະເຜົາໄໝ້ເປັນເວລາ 521 ວິນາທີ ເຮັດໃຫ້ຈະຫລວດຊ້າລົງໃນຕອນທ້າຍ ເຊິ່ງຕ້ອງມີການຫາສາເຫດທີ່ແນ່ນອນຕໍ່ໄປ.

ການພັດທະນາຈະຫລວດນູຣີໃຊ້ຕົ້ນທຶນປະມານ 2 ພັນຕື້ວອນ ຫລື ປະມານ 1,6 ພັນລ້ານໂດລາສະຫະລັດ ຈະຫລວດນີ້ມີຄວາມຍາວ 47,2 ແມັດ, ມີນ້ຳໜັກ 200 ໂຕນ ແລະ ຕິດຕັ້ງເຄື່ອງຈັກເຊື້ອໄຟເຫລວຈຳນວນ 6 ເຄື່ອງ. ກ່ອນໜ້ານີ້ ສ.ເກົາຫລີ ເຄີຍປ່ອຍຈະຫລວດນຳສົ່ງສອງລຳທຳອິດໃນປີ 2009 ແລະ 2010 ເຊິ່ງໃຊ້ເຄື່ອງຈັກທີ່ພັດທະນາໂດຍຣັດເຊຍ ເຊິ່ງທັງສອງລຳລົ້ມເຫລວໃນການເຂົ້າເຖິງວົງໂຄຈອນ. ຈາກນັ້ນຈຶ່ງມາປະສົບຜົນສຳເລັດໃນການສົ່ງຈະຫລວດນຳສົ່ງເຂົ້າສູ່ວົງໂຄຈອນລະດັບຕໍ່າຂອງໂລກໃນປີ 2013 ແຕ່ຄັ້ງນັ້ນເປັນຈະຫລວດທີ່ຖືກພັດທະນາຮ່ວມກັບຣັດເຊຍ.

ແຜນຂອງ ສ.ເກົາຫລີ ນັ້ນຍັງຕ້ອງການປ່ອຍດາວທຽມທາງການທະຫານອີກຈຳນວນໜຶ່ງໃນອະນາຄົດ, ແຕ່ເຈົ້າໜ້າທີ່ທາງການປະຕິເສດວ່າບໍ່ມີການໃຊ້ຈະຫລວດນູຣີເອງໃນຖານະອາວຸດແຕ່ຢ່າງໃດ.

ການປ່ອຍຈະຫລວດດັ່ງກ່າວເກີດຂຶ້ນທ່າມກາງຄວາມເຄັ່ງຕຶງກ່ຽວກັບການທົດລອງຍິງລູກສອນໄຟໃໝ່ຈາກເຮືອດຳນ້ຳຂອງ ສປປ ເກົາຫລີ ເມື່ອວັນທີ 19 ຕຸລາຜ່ານມາ.

ອ້າງອີງ:

ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້ -    AD conten website - ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້
ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້ - lattana banner 1 - ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້
ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້ - lattana banner - ສ.ເກົາຫລີ ປ່ອຍຈະຫລວດທີ່ພັດທະນາເອງ ໃນປະເທດເປັນລຳທຳອິດ ແຕ່ຍັງບໍ່ສາມາດນຳເອົາ ດາວທຽມຈຳລອງຂຶ້ນສູ່ວົງໂຄຈອນໄດ້
error: Alert: ເນື້ອຫາຂ່າວມີລິຂະສິດ !!