WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ

WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ - AGL banner - WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ

ອົງການອະນາໄມໂລກຄາດມີບຸກຄະລາກອນການແພດເສຍຊີວິດຈາກໂຄວິດໃນໄລຍະ 17 ເດືອນທຳອິດຂອງການລະບາດ 80.000-180.000 ຄົນ.

ວັນທີ 21 ຕຸລາ 2021, ສຳນັກຂ່າວບີບີຊີ (BBC) ລາຍງານຄຳຖະແຫລງຈາກອົງການອະນາໄມໂລກ (WHO) ທີ່ອອກມາເປີດເຜີຍຕົວເລກປະເມີນວ່າ: ອາດມີບຸກຄະລາກອນທາງການແພດທີ່ເສຍຊີວິດຈາກພະຍາດໂຄວິດ-19 ລະຫວ່າງ 80.000 ເຖິງ 180.000 ຄົນ ໃນໄລຍະເດືອນມັງກອນ 2020 ຈົນເຖິງເດືອນພຶດສະພາ 2021.

ປັດຈຸບັນຄາດວ່າມີບຸກຄະລາກອນທີ່ເຮັດວຽກດ້ານສາທາລະນະສຸກປະມານ 135 ລ້ານຄົນທົ່ວໂລກ ເຊິ່ງທາງ ດຣ. ທີໂດຣ ອັດຮານອມ ກີບຣີເຢຊຸສ ຜູ້ອຳນວຍການໃຫຍ່ WHO ລະບຸວ່າ: ສະເລ່ຍ 2 ໃນ 5 ໄດ້ຮັບວັກຊີນປ້ອງກັນພະຍາດໂຄວິດ-19 ຄົບໂດສແລ້ວ, ແຕ່ຖ້າແບ່ງຕາມອັດຕາໃນແຕ່ລະພື້ນທີ່ ຫລື ຂະໜາດເສດຖະກິດ ພັດແຕກຕ່າງກັນຫລາຍ.

ຕົວເລກທີ່ອອກມາອາດຊີ້ໃຫ້ເຫັນເຖິງຄວາມເຫລື້ອມລ້ຳທີ່ຊັດເຈນ ເນື່ອງຈາກບຸກຄະລາກອນການແພດເປັນກຸ່ມທຳອິດທີ່ຄວນຈະໄດ້ຮັບວັກຊີນ ເພື່ອຫລຸດຄວາມສ່ຽງໃນການຕິດເຊື້ອ, ແຕ່ກວ່າເຄິ່ງໜຶ່ງພັດຍັງບໍ່ໄດ້ຮັບວັກຊີນຄົບໂດສ.

ໂດຍໃນກຸ່ມປະເທດເຂດອາຟຣິກາ ມີບຸກຄະລາກອນການແພດໄດ້ຮັບວັກຊີນບໍ່ເຖິງ 1 ໃນ 10, ແຕ່ໃນປະເທດຮັ່ງມີພັດສາມາດສັກວັກຊີນໄດ້ເຖິງ 8 ໃນ 10 ແລ້ວ.

ການກະຈາຍວັກຊີນທີ່ບໍ່ເທົ່າທຽມ ເຮັດໃຫ້ WHO ເຊື່ອວ່າ: ວິກິດໂຄວິດຄັ້ງນີ້ຈະລາກຍາວໄປຈົນເຖິງປີ 2022 ເຊິ່ງດົນກວ່າທີ່ຄາດການໄວ້ເຖິງ 1 ປີ.

ອ້າງອີງ:

https://www.bbc.com/news/health-58973697

https://news.un.org/en/story/2021/10/1103642

WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ -    AD conten website - WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ
WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ - lattana banner - WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ
WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ - lattana banner 1 - WHO ຊີ້ ໂຄວິດອາດຂ້າຊີວິດ ບຸກຄະລາກອນການແພດ ເກືອບ 2 ແສນຄົນ
error: Alert: ເນື້ອຫາຂ່າວມີລິຂະສິດ !!