ຢາກໃຫ້ລູກຜົມດົກ ກັບ 6 ອາຫານທີ່ແມ່ຄວນກິນ

     ເຮັດແນວໃດດີ ໃຫ້ລູກເກີດມາມີຜົມທີ່ດົກດຳ ແລະ ແຂງແຮງ ແມ່ມານສາມາດຊ່ວຍໄດ້ໂດຍການກິນອາຫານທີ່ມີປະໂຫຍດ ແລະ ມີສ່ວນຊ່ວຍກະຕຸ້ນການຈະເລີນເຕີບໃຫຍ່ຂອງເສັ້ນຜົມຂະນະທີ່ລູກຍັງຢູ່ໃນທ້ອງ ໂດຍມື້ນີ້ພວກເຮົາຈະມາແນະນຳອາຫານ 6 ຊະນິດທີ່ກິນແລ້ວເຮັດໃຫ້ລູກເກີດມາມີຜົມດົກດຳໄດ້ ດັ່ງນີ້ :

1. ຜັກໃບຂຽວ : ມີທັງວິຕາມິນ A ແລະ ວິຕາມິນ C ດັ່ງນັ້ນ ການກິນຜັກໃບຂຽວຈຶ່ງມີສ່ວນຊ່ວຍໃຫ້ຜົມຂອງລູກຍາວ ແລະ ດົກດຳຫລາຍຂຶ້ນ.
2. ຖົ່ວ ແລະ ທັນຍາພືດ : ນອກຈາກຊ່ວຍໃຫ້ລະບົບຂັບຖ່າຍເຮັດວຽກດີແລ້ວ ຍັງມີສານບຳລຸງໃຫ້ເສັ້ນຜົມໜາ, ບໍ່ແຕກປາຍ, ມີວິຕາມິນ B ຫລາຍຊະນິດ ແລະ ມີໂປຣຕິນທີ່ໃກ້ຄຽງກັບຊີ້ນສັດຫລາຍ ໂດຍສະເພາະຖົ່ວອາວມັອນ, ຂ້າວເບລ, ໝາກເດືອຍ ເປັນຕົ້ນ.
3. ໄຂ່ໄກ່ : ມີປະໂຫຍດຕໍ່ແມ່ມານຫລາຍ ທັງຍັງຊ່ວຍໃຫ້ລູກໃນທ້ອງມີເສັ້ນຜົມທີ່ໜາ ແລະ ດົກດຳນຳອີກ ເຊິ່ງກໍເປັນຜົນກຳ ໄລທີ່ໄດ້ຈາກການທີ່ແມ່ກິນໄຂ່ທຸກມື້ໃນເວລາຖືພານັ້ນເອງ.
4. ງາດຳ : ອຸດົມໄປດ້ວຍວິຕາມິນ ແລະ ແຮ່ທາດທີ່ສຳຄັນຕໍ່ການຈະເລີນເຕີບໃຫຍ່ຂອງເສັ້ນຜົມ ເພາະມີສານອາຫານທີ່ສຳ ຄັນຫລາຍຊະນິດເມື່ອກິນແລ້ວໝັ້ນໃຈໄດ້ເລີຍວ່າລູກຂອງທ່ານຈະມີຜົມທີ່ດົກດຳ ແລະ ໜາຫລາຍຂຶ້ນ ບໍ່ແມ່ນແຕ່ລູກໃນ ທ້ອງເທົ່ານັ້ນ ແຕ່ແມ່ເອງກໍຍັງມີຜົມທີ່ດຳເຫລື້ອມງາມຄືກັນ.
5. ນ້ຳດອກອັນຊັນ : ໂດຍສ່ວນຫລາຍຈະໃຊ້ດອກອັນຊັນທາຕາມຄິ້ວ ແລະ ໜັງຫົວຂອງລູກເພື່ອໃຫ້ມີຄິ້ວ ແລະ ຜົມທີ່ດົກ ດຳ, ແຕ່ການກິນນ້ຳອັນຊັນໃນເວລາຖືພາຈະໄດ້ຜົນດີກ່ວາ ເພາະຈະຊ່ວຍກະຕຸ້ນການໄຫລວຽນຂອງເລືອດໃຫ້ໄປລ້ຽງ ໜັງຫົວ ແລະ ຮາກຜົມຂອງລູກນ້ອຍໄດ້ດີກ່ວານັ້ນເອງ.
6. ປາແຊວມັອນ : ຈະມີໂອເມກ້າ 3 ແລະ ກົດອະມິໂນທີ່ມີປະໂຫຍດຫລວງຫລາຍ ເຊິ່ງກົດເຫລົ່ານີ້ຈະຊ່ວຍໃນການຈະເລີນ ເຕີບໃຫຍ່ຂອງລູກ.