ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ

ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ - Screenshot 20211022 200120 com - ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ
ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ - AGL banner - ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ

ຫລາຍຄົນຍັງງົງໆ ກັບເຫດການຂາຍຫວຍຕາມແຄມທາງ ໃນມື້ວັນພຸດ ວັນທີ​ 20​ ຕຸລາ ​ຜ່ານມາ​ ແລະ​ ມາຮອດວັນວັນສຸກ ວັນທີ​ 22​ ຕຸລາ​ 2021 ນີ້ ກໍມີການຂາຍຫວຍພັດທະນາ ຕື່ມ.

ໃນຄວາມເປັນຈິງ ຫວຍພັດທະນາສາຂາຫວຍພະຍານາກ ແລະ​ ຫວຍອິນຊີໄດ້ມີການແຈ້ງການລົງໃນໜ້າເພຈ​ໃນວັນທີ​ 15​ ຕຸລາ​ 2021  ກໍລະນີຈະມີການເລີ່ມຈຳໜ່າຍຫວຍ 3​ ຄັ້ງ/ອາທິດ​ ຄື:ວັນຈັນ,​ພຸດ​ ແລະ​ ສຸກ .

ໃນໄລຍະຜ່ານ​ມາ​ຫວຍພັດທະນາໄດ້ມີການ­ຈັດ­ຕັ້ງ​ການ​ອອກ​ເລກ​ລາ­ງວັນ​ຫວຍ​ພັດ­ທະ­ນາ​ແຕ່​ລະ​ໄລ­ຍະ ເຊັ່ນ: ປີ 2015  ອອກ 2 ຄັ້ງ​ຕໍ່​ອາ­ທິດ (ວັນ​ອັງ­ຄານ ແລະ ວັນ​ສຸກ), ປີ 2016  ໄດ້ເພີ່ມມື້ອອກເປັນ 3 ຄັ້ງ​ຕໍ່​ອາ­ທິດ ຄື: (ວັນ​ຈັນ,ວັນ​ພຸດ ແລະ ວັນ​ສຸກ),  ປີ 2017  ກັບໄປອອກ 2 ຄັ້ງ​ຕໍ່​ອາ­ທິດ  ຄື: (ວັນ​ຈັນ ແລະ ວັນ​ພະ­ຫັດ) ພໍມາ​ຮອດ​ທ້າຍ​ປີ 2017-2019 ໄດ້ປັບ­ປຸງ​ມາ​ເປັນອອກຫວຍ 1 ຄັ້ງ​ຕໍ່​ອາ­ທິດ ຄື: (ວັນ​ພຸດ).

ການ​ອອກ​ເລກ​ລາ­ງວັນ​ຈາກ 1 ຄັ້ງ​ຕໍ່​ອາ­ທິດ​ຜ່ານໄປໄລຍະໜຶ່ງ ຈຶ່ງກັບມາ​ເປັນ 2 ຄັ້ງ​ຕໍ່​ອາ­ທິດ (ວັນ​ຈັນ ແລະ ວັນ​ພະ­ຫັດ) ແລະ ເລີ່ມ​ຈັດ​ຕັ້ງ​ປະ­ຕິ­ບັດ​ນັບ​ເດືອນ​ກຸມ­ພາ 2020​ ຈົນມາເຖິງວັນທີ 18​ ຕຸລາ ​2021​ ໄດ້ມີການປັບປ່ຽນມາເປັນ 3ຄັ້ງ/ອາທິດ ( ວັນຈັນ, ພຸດ, ສຸກ ).

ການປັບປ່ຽນນີ່ອາດເປັນກົນໄກາງການຕະຫລາດຂອງຫວຍພັດທະນາ​ ເພື່ອຕອບສະໜອງຄວາມຮຽກຮ້ອງຕ້ອງການຂອງກຸ່ມຜູ້ຂາຍຫວຍ,​ ເປັນການ​ຜ່ອນຄາຍ​ສຳລັບຜູ້ສ່ຽງໂຊກຊີງລາງວັນ (ຄຳເວົ້າຂອງຜູ້ອຳນວຍການລັດວິສາຫະກິດຫວຍພັດທະນາ)​ ແລະ​ ເປັນການຕ້ານປາກົດການຫວຍເຖື່ອນ​ ແລະ​ ອື່ນໆ.

ສຳລັບແມ່ຄ້າຜູ້ປະກອບອາຊີບເສີມໃນການຂາຍຫວຍແມ່ນມີຄວາມເຫັນດີເຫັນຊອບ ເພາະຈະໄດ້ມີລາຍໄດ້ເພີ່ມຂຶ້ນໃນແຕ່ລະອາທິດ,​ ໃນທາງກົງກັນຂ້າມ ຍັງມີອີກຫລາຍພາກສ່ວນມີຄວາມຄິດເຫັນວ່າເປັນການມອມເມົາສັງຄົມເກີນຄວາມພໍດີ ຫລື​ ເກີນຄວາມຜ່ອນຄາຍຕາມນະໂຍບາຍແລ້ວ.

ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ - lattana banner 1 - ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ
ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ - lattana banner - ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ
ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ -    AD conten website - ຫວຍພັດທະນາ​ ປ່ຽນຈາກການອອກຫວຍ 2​ ຄັ້ງ​ມາເປັນ​ 3​ ຄັ້ງ/ອາທິດ
error: Alert: ເນື້ອຫາຂ່າວມີລິຂະສິດ !!