Yara Birkeland ເຮືອໄຮ້ຄົນຂັບລໍາທໍາອິດຂອງໂລກ ບັນທຸກຕູ້ຄອນເທນເນີໄດ້ເກີນ 100 ແຕ່ບໍ່ງໍ້ຄົນ

- advert banner 728 90 728x90 - Yara Birkeland ເຮືອໄຮ້ຄົນຂັບລໍາທໍາອິດຂອງໂລກ ບັນທຸກຕູ້ຄອນເທນເນີໄດ້ເກີນ 100 ແຕ່ບໍ່ງໍ້ຄົນ

ການໃຫ້ລະບົບຄອມພິວເຕີເຂົ້າໃນອົງກອນ ເຮັດໜ້າທີ່ຄວບຄຸມພວງມະໄລຂອງຍານພາຫະນະໃດໆ ເປັນເລື່ອງທີ່ຂ້ອນຂ້າງກັງວົນໃຈໃນຄວາມຮູ້ສຶກຂອງໃຜຫຼາຍໆຄົນ ມັນມີຄວາມໜ້າສົງໄສໃນຫຼາຍໆເລື່ອງ ໂດຍສະເພາະບັນຫາເລື່ອງຄວາມປອດໄພ, ​ເຖິງ​ວ່າບໍລິສັດຜະລິດຍານພາຫະນະຫຼາຍໆແຫ່ງຍັງບໍ່ກ້າຢືນຢັນໃນເລື່ອງນີ້ຢ່າງເຕັມປາກ ແຕ່ບໍລິສັດດ້ານການຂົນສົ່ງທາງເຮືອຂອງປະເທດນອກ​ແວລາຍໜຶ່ງ ກໍາລັງວາງແຜນທີ່ຈະສ້າງເຮືອຂົນສົ່ງສິນຄ້າຕູ້ຄອນເທນເນີລໍາໃຫຍ່ ທີ່ເດີນທາງຜ່ານແນວຊາຍຝັ່ງຂອງປະເທດນອກ​ແວ ນໍ້າໜັກລວມຂອງເຮືອລໍານີ້ຢູ່ທີ່ 4.500 ເມຣິກຕັນ ແລະ ເຮືອສົ່ງສິນຄ້າລໍາໃຫຍ່ນີ້ ບໍ່ຕ້ອງການລູກເຮືອເລີຍພຽງຄົນດຽວ ແລະ ເຮືອລໍານີ້ຊື່ວ່າ Yara Birkeland ແລະ ຈະພິກໂສມໜ້າຂອງການຂົນສົ່ງສິນຄ້າທາງເຮືອໄປຢ່າງສິ້ນເຊີງ.

- lattana 1 - Yara Birkeland ເຮືອໄຮ້ຄົນຂັບລໍາທໍາອິດຂອງໂລກ ບັນທຸກຕູ້ຄອນເທນເນີໄດ້ເກີນ 100 ແຕ່ບໍ່ງໍ້ຄົນ

Yara Birkeland ເຮືອຄອນເທນເນີໄຮ້ຄົນຂັບລໍາໃຫຍ່ ຈະຖືກສ້າງຂຶ້ນໂດຍການຮ່ວມມືລະຫວ່າງບໍລິສັດດ້ານການຂົນສົ່ງເຊັ່ນ Yara ແລະ ກຸ່ມວິສະວະກອນດ້ານການເດີນເຮືອຂອງເມືອງ Kongsberg. ເຮືອລໍານີ້ສາມາດຂົນສົ່ງຕູ້ຄອນເທນເນີໄດ້ເກີນ 100 ແລະ ແນ່ນອນວ່າມັນບໍ່ຕ້ອງການລູກເຮືອພຽງແຕ່ຄົນດຽວ ດ້ວຍລະບົບນໍາທາງແບບອັດຕະໂນມັດສົມບູນແບບ ແລະ ເໜືອອື່ນໃດ. ເຮືອລໍານີ້ຍັງບໍ່ໄດ້ປ່ອຍມົນລະພິດດ້ວຍລະບົບຂັບເຄື່ອນທີ່ໃຊ້ພະລັງງານໄຟຟ້າສົມບູນແບບ ແລະ ມີຄວາມໄວໄດ້ 18,5 ກິໂລແມັດຕໍ່ຊົ່ວໂມງ.

ເມື່ອເຮືອ Yara Birkeland ເລີ່ມປະຕິບັດງານ ມັນຈະຊ່ວຍຫຼຸດຄ່າໃຊ້ຈ່າຍຈາກການຂົນສົ່ງດ້ວຍລົດບັນທຸກໄດ້ຢ່າງມະຫາສານ ເຖິງຂະໜາດຍົກເລີກລະບົບການຂົນສົ່ງດ້ວຍລົດບັນທຸກທີ່ໃຊ້ນໍ້າມັນກວ່າ 40.000 ຖ້ຽວຕໍ່ປີໄປໄດ້ ແລະ ທາງບໍລິສັດ Yara ວາງແຜນທີ່ຈະໃຊ້ລະບົບການຈັດການລັງສິນຄ້າ ລວມເຖິງລະບົບການຂົນຖ່າຍຕູ້ຄອນເທນເນີ (ຂຶ້ນ ແລະ ລົງຈາກເຮືອ) ໃນຮູບແບບໃຫມ່ ທີ່ບໍ່ກໍ່ໃຫ້ເກີດມົນລະພິດ.

ໂດຍເຮືອ Yara Birkeland ຈະເລີ່່ມສ້າງໃນປີ 2018 ແລະ ຈະເລີ່ມເດີນທາງຄັ້ງທໍາອິດໃນປີ 2019 ໂດຍຈະມີລູກເຮືອຮ່ວມທາງໄປກັບເຮືອກ່ອນ ແລະຈະເລີ່ມເດີນທາງແບບອັດຕະໂນມັດເຕັມລະບົບ ໄຮ້ລູກເຮືອໃນປີ 2020.

 

- 1 1 - Yara Birkeland ເຮືອໄຮ້ຄົນຂັບລໍາທໍາອິດຂອງໂລກ ບັນທຸກຕູ້ຄອນເທນເນີໄດ້ເກີນ 100 ແຕ່ບໍ່ງໍ້ຄົນ
- Tiger Head 728x90 - Yara Birkeland ເຮືອໄຮ້ຄົນຂັບລໍາທໍາອິດຂອງໂລກ ບັນທຸກຕູ້ຄອນເທນເນີໄດ້ເກີນ 100 ແຕ່ບໍ່ງໍ້ຄົນ