ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ

ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ -              12 - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ
ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ - kitchen vibe - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ

ມີລາຍງານວ່າ: ທະຫານຊູດານເຂົ້າຈັບກຸມສະມາຊິກສ່ວນຫລາຍໃນຄະນະລັດຖະບານຂອງຊູດານ ແລະ ຫົວໜ້າກອງທັບປະກາດຍຸບລັດຖະບານໃນໄລຍະປ່ຽນຜ່ານປະເທດ ທ່າມກາງສິ່ງທີ່ກະຊວງຂໍ້ມູນຂ່າວສານລະບຸວ່າເປັນການ “ກໍ່ລັດຖະປະຫານ” ເຊິ່ງເຮັດໃຫ້ຝ່າຍທີ່ຕໍ່ຕ້ານລັດຖະປະຫານລົງໄປລວມຕົວປະທ້ວງຕາມທ້ອງຖະໜົນ.

ດ້ານກະຊວງຂໍ້ມູນຂ່າວສານຊູດານ ເຊິ່ງຊັດເຈນວ່າຍັງຢູ່ພາຍໃຕ້ການຄວບຄຸມຂອງຜູ້ສະໜັບສະໜູນຂອງນາຍົກລັດຖະມົນຕີ ອັບດັລລາ ຮຳດອກ ລະບຸວ່າ: ທ່ານ ຮຳດອກ ຖືກຄວບຄຸມຕົວ ແລະ ຖືກນຳສົ່ງໄປສະຖານທີ່ທີ່ບໍ່ເປີດເຜີຍຫລັງຈາກທ່ານປະຕິເສດຈະອອກຖະແຫລງການສະໜັບສະໜູນການລັດຖະປະຫານ. ນອກຈາກນີ້ ຍັງບອກວ່າກອງທັບໄດ້ຈັບກຸມສະມາຊິກພົນລະເຮືອນຂອງສະພາປົກຄອງ ແລະ ສະມາຊິກຂອງຄະນະລັດຖະບານຫລາຍຄົນ. ຖະແຫລງການຂອງກະຊວງທີ່ສົ່ງເຖິງສຳນັກຂ່າວ Reuters ລະບຸວ່າ: ກະຊວງຂໍໃຫ້ຊາວຊູດານປິດກັ້ນການເຄື່ອນໄຫວຂອງກອງທັບທີ່ສະກັດກັ້ນການປ່ຽນຜ່ານສູ່ປະຊາທິປະໄຕ.

ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ - Visit Laos Visit SALANA BOUTIQUE HOTEL - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ

ທ່ານ ອາດຳ ເຮເຣອິກາ ຜູ້ອຳນວຍການສຳນັກງານຂອງນາຍົກລັດຖະມົນຕີ ຮຳດອກ ລະບຸຕໍ່ສະຖານີໂທລະພາບ Al-Arabiya ວ່າກອງທັບເຂົ້າຢຶດອຳນາດເຖິງວ່າທ່ານ ຮຳດອກ ຈະບັນລຸຂໍ້ຕົກລົງກັບທ່ານ ອັບເດລ ຟັດຕາ ອັລ-ບູຮັນ ນາຍທະຫານທີ່ເປັນຫົວໜ້າສະພາປົກຄອງປະເທດຕໍ່ໜ້າທ່ານ ເຈບຟຣີ ເຟລແມນ ທູດພິເສດອາເມລິກາ ທີ່ມາຢ້ຽມຢາມກໍຕາມ. ທ່ານ ເຮເຣອິກາ ກ່າວຫາວ່າທະຫານປຸກລະດົມໃຫ້ເກີດຄວາມບໍ່ສະຫງົບທາງຕາເວັນອອກຂອງຊູດານ ແລະ ໃຊ້ວິກິດການນີ້ເພື່ອກໍ່ລັດຖະປະຫານ.

ນັກຂ່າວສຳນັກຂ່າວ Reuters ໃນເມືອງຄາທູມ ລະບຸວ່າ: ເຫັນກອງກຳລັງຮ່ວມຈາກກອງທັບ ແລະ ກອງກຳລັງສະໜັບສະໜູນເຄິ່ງທະຫານປະຈຳການຢູ່ຖະໜົນຕ່າງໆໃນເມືອງ ແລະ ຈຳກັດການເຄື່ອນໄຫວຂອງພົນລະເຮືອນ. ຂະນະທີ່ມີຜູ້ປະທ້ວງ ເຊິ່ງຖືທຸງຊາດ ແລະ ຈູດຢາງຕີນລົດໃນສ່ວນຕ່າງໆຂອງເມືອງ, ສ່ວນຮູບຈາກສະຖານີໂທລະພາບ Al-Jazeera Mubasher ໃນກາຕາສະແດງໃຫ້ເຫັນວ່າມີຜູ້ປະທ້ວງຈຳນວນໜຶ່ງເຄື່ອນຜ່ານແນວເຄື່ອງກີດຂວາງ ແລະ ເຂົ້າໄປໃນຖະໜົນອ້ອມກອງບັນຊາການທະຫານໃນເມືອງຄາທູມ ແລະ ມີຮູບຜູ້ປະທ້ວງຍ່າງຜ່ານທະຫານທີ່ຢືນຢູ່ ແລະ ຍ່າງໄປຕາມຖະໜົນ. ສະຖານີໂທລະພາບ Al-Arabiya ຍັງອ້າງພະຍານທີ່ລະບຸວ່າມີຜູ້ບາດເຈັບຈາກການປະທະຢູ່ໜ້າກອງບັນຊາການທະຫານ.

ນອກຈາກນີ້ ມີລາຍງານວ່າອິນເຕີເນັດອາດຈະລົ້ມໃນເມືອງຄາທູມ, ສ່ວນ Al-Arabiya ບອກວ່າສະໜາມບິນຖືກປິດ ແລະ ຖ້ຽວບິນລະຫວ່າງປະເທດຖືກໂຈະ. ຄະນະກຳມະການແພດຂອງຊູດານລະບຸວ່າມີຜູ້ບາດເຈັບຢ່າງໜ້ອຍ 12 ຄົນຈາກເຫດປະທະ, ແຕ່ຍັງບໍ່ມີລາຍລະອຽດເພີ່ມຕື່ມ.

ການເຄື່ອນໄຫວຫລ້າສຸດ ສຳນັກຂ່າວຕ່າງປະເທດລາຍງານວ່າ: ທ່ານ ອັລ-ບູຮັນ ປະກາດສະຖານະການສຸກເສີນທົ່ວປະເທດ ແລະ ປະກາດຍຸບສະພາປົກຄອງໃນຊ່ວງປ່ຽນຜ່ານປະເທດ ແລະ ຍຸບຄະນະລັດຖະບານ. ພ້ອມລະບຸວ່າ: ຢືນຢັນຄວາມມຸ້ງໝັ້ນຂອງກອງທັບໃນການເຮັດໃຫ້ການປ່ຽນຜ່ານສູ່ປະຊາທິປະໄຕນັ້ນສົມບູນ ຈົນກວ່າຈະມີການສົ່ງມອບຄວາມເປັນຜູ້ນຳຂອງປະເທດໃຫ້ລັດຖະບານພົນລະເຮືອນທີ່ໄດ້ຮັບການເລືອກຕັ້ງ ໂດຍມີແຜນຈັດການເລືອກຕັ້ງໃນເດືອນກໍລະກົດ 2023.

ສະຖານະການຂອງຊູດານຢູ່ໃນຄວາມຫລໍ່ແຫລມນັບແຕ່ແຜນລັດຖະປະຫານທີ່ລົ້ມເຫລວໃນເດືອນກັນຍາ ເຮັດໃຫ້ເກີດການກ່າວຫາກັນລະຫວ່າງກຸ່ມພົນລະເຮືອນ ແລະ ທະຫານ ເຊິ່ງແບ່ງອຳນາດກັນຫລັງຈາກການໂຄ່ນລົ້ມທ່ານ ໂອມາ ອັລ-ບາຊີ ອະດີດປະທານາທິບໍດີ ເຊິ່ງປົກຄອງປະເທດມາກວ່າ 25 ປີເມື່ອປີ 2019 ແລະ ມີຂະບວນການປ່ຽນຜ່ານທາງການເມືອງເກີດຂຶ້ນ. ທັງນີ້ໃນເດືອນນີ້ກໍມີການປະທ້ວງຈາກກຸ່ມທີ່ຕ້ອງການລັດຖະບານທະຫານ ແລະ ຕ້ອງການໃຫ້ຍຸບລັດຖະບານຂອງທ່ານ ຮຳດອກ. ຂະນະທີ່ມີສະມາຊິກຄະນະລັດຖະບານສ່ວນໜຶ່ງເຂົ້າຮ່ວມການປະທ້ວງໃຫຍ່ໃນເມືອງຄາທູມ ແລະ ເມືອງອື່ນໆ ເພື່ອຕໍ່ຕ້ານການເຂົ້າປົກຄອງຂອງທະຫານ.

ກອງທັບຖືກຄາດວ່າຈະສົ່ງຜ່ານຄວາມເປັນຜູ້ນຳຂອງສະພາປົກຄອງຮ່ວມໄປໃຫ້ຜູ້ທີ່ເປັນພົນລະເຮືອນໃນມໍ່ໆນີ້, ແຕ່ເຈົ້າໜ້າທີ່ດ້ານການປ່ຽນຜ່ານຕ້ອງພະຍາຍາມຢ່າງຍາກລຳບາກໃນການເດີນໜ້າບັນຫາຕ່າງໆ ເຊິ່ງລວມທັງວ່າຈະສົ່ງທ່ານ ອັລ-ບາຊີ ໃຫ້ສານອາຍາສາກົນ ຫລື ບໍ່ ເຊິ່ງທ່ານ ອັລ-ບາຊີ ເປັນທີ່ຕ້ອງການໃນຂໍ້ຫາກໍ່ອາດຊະຍາກຳສົງຄາມ. ນອກຈາກນີ້ ຊູດານຍັງຢູ່ໃນທ່າມກາງວິກິດເສດຖະກິດທີ່ຮຸນແຮງ ໂດຍມີອັດຕາເງິນເຟີ້ສູງເປັນປະຫວັດສາດ ແລະ ການຂາດເຂີນສິນຄ້າພື້ນຖານ, ແຕ່ເລີ່ມມີສັນຍານຫລຸດຜ່ອນທ່າມກາງກະແສການຊ່ວຍເຫລືອຈາກນາໆຊາດ.

ທ່ານ ເຟລແມນ ທູດພິເສດຂອງອາເມລິກາ ຜູ້ເດີນທາງໄປຢ້ຽມຢາມຊູດານໃນວັນທີ 23-24 ຕຸລາ ໂພສຂໍ້ຄວາມວ່າ: ອາເມລິກາກັງວົນຕໍ່ລາຍງານການເຮັດລັດຖະປະຫານໂດຍກອງທັບ ເຊິ່ງຈະເຮັດໃຫ້ການຊ່ວຍເຫລືອໂດຍອາເມລິກາຕົກຢູ່ໃນຄວາມສ່ຽງ.

ອ້າງອີງ:

ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ - 4 - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ
ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ - 3 - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ
ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ - 5 - ກອງທັບຊູດານຢຶດອຳນາດ ປະກາດພາວະສຸກເສີນ ຍຸບຄະນະລັດຖະບານ-ສະພາປົກຄອງ ແລະ ມີການປະທ້ວງຕ້ານລັດຖະປະຫານຕາມທ້ອງຖະໜົນ