ທະຫານຊູດານອອກມາສັງຫານປະຊາຊົນ ຫລັງກໍ່ລັດຖະປະຫານແລ້ວມີຄົນປະທ້ວງ ເສຍຊີວິດ 7 ຄົນ ບາດເຈັບນັບຮ້ອຍ
ທະຫານຊູດານອອກມາສັງຫານປະຊາຊົນ ຫລັງກໍ່ລັດຖະປະຫານແລ້ວມີຜູ້ປະທ້ວງ ເສຍຊີວິດ 7 ຄົນ ບາດເຈັບກວ່າຮ້ອຍຄົນ.
ວັນທີ 26 ຕຸລາ 2021, ສຳນັກຂ່າວຣອຍເຕີລາຍງານວ່າ: ຫລັງກອງທັບຊູດານກໍ່ລັດຖະປະຫານຈາກລັດຖະບານທີ່ຕັ້ງມາໃນຄາບກ່ຽວເພື່ອປ່ຽນຜ່ານສູ່ປະຊາທິປະໄຕ ໄດ້ມີປະຊາຊົນອອກມາປະທ້ວງ. ລັດຖະມົນຕີກະຊວງສາທາລະນະສຸກຖະແຫລງວ່າມີຜູ້ເສຍຊີວິດ 7 ຄົນ ຈາກອາວຸດປືນ ແລະ ມີຜູ້ໄດ້ຮັບບາດເຈັບຢ່າງໜ້ອຍ 140 ຄົນ ລະຫວ່າງມີການປະທະລະຫວ່າງທະຫານ ແລະ ຜູ້ປະທ້ວງ.
ກ່ອນໜ້າຈະມີລັດຖະບານທີ່ຫາກໍຖືກຢຶດອຳນາດນີ້, ຊູດານຜ່ານຄວາມຜັນຜວນທາງການເມືອງ ເນື່ອງຈາກກ່ອນໜ້ານີ້ຖືກປົກຄອງໂດຍປະທານາທິບໍດີ ໂອມາ ອັລບາເຊຍ ເຊິ່ງເປັນຜະເດັດການທີ່ຄອງອຳນາດມາຢ່າງຍາວນານ ກ່ອນຖືກໂຄ່ນລົ້ມໂດຍຂະບວນການປະຊາຊົນເມື່ອສອງປີກ່ອນ ແລະ ຕັ້ງສະພາທີ່ມີອັດຕາສ່ວນເຈລະຈາກັນລະຫວ່າງທະຫານ-ປະຊາຊົນ ເພື່ອປ່ຽນຜ່ານເຂົ້າສູ່ປະຊາທິປະໄຕ, ໃນວັນທີ 25 ຕຸລາຜ່ານມາ ສະພານີ້ຖືກລັດຖະປະຫານ ໂດຍຜູ້ນຳທະຫານ ນາຍພົນອັບເດລ ຟັດຕາ ອັລ-ບາຮັນ.
ຫລັງການລັດຖະປະຫານ ນາຍພົນບາຮັນ ປະກາດກົດໄອຍະການເສິກ ກ່າວວ່າຈະມີການໃຊ້ກຳລັງໃນການຮັກສາຄວາມສະຫງົບຮຽບຮ້ອຍ ແລະ ສັນຍາວ່າຈະໃຫ້ມີເລືອກຕັ້ງພາຍໃນກາງປີ 2023.
ອ້າງອີງ:
https://www.reuters.com/…/military-forces-arrest…/
