ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ

ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ -                                      2021 10 29              12 - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ
ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ - kitchen vibe - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ

ອີງຕາມການໃຫ້ສຳພາດຂອງ ທ່ານ ຄຳໝູນ ຕຽງທະລາດ ເຈົ້າເມືອງ ເມືອງປາກງື່ມ ຜ່ານໂທລະພາບນະຄອນຫລວງວັນທີ 27 ຕຸລາ 2021 ນີ້ວ່າ: ພາຍຫລັງໄດ້ຮັບເລື່ອງລາວທີ່ເກີດຂຶ້ນຢູ່ໄທ ຄືມີກຸ່ມພິສູດບັ້ງໄຟພະຍານາກ ຍື່ນຄຳຮ້ອງຕໍ່ສະຖານທູດລາວປະຈຳໄທ ພ້ອມທັງໄດ້ຮັບການຊີ້ນຳຈາກນະຄອນຫລວງ ຈຶ່ງໄດ້ສົມທົບກັບຫລາຍພາກສ່ວນ ເພື່ອລົງກວດສອບ ລົງເຮັດບົດບັນທຶກກັບແຕ່ລະບ້ານຄື ບ້ານໜອງຂຽດ, ບ້ານປາກງື່ມ, ບ້ານນາກຸງ ແລະ ບ້ານໂດນເໜືອ ເຊິ່ງລ້ວນແຕ່ຢືນຢັນວ່າບໍ່ມີມູນຄວາມຈິງ ແລະ ຮັບປະກັນໄດ້.

ທ່ານ ພັນໂທ ຄຳສິງ ລໍວັນໄຊ ຮັກສາຫົວໜ້າກອງບັນຊາການ ປກສ ເມືອງປາກງື່ມ ໃຫ້ຮູ້ວ່າ: ໃນທ່າມກາງປະເຊີນສະພາບການລະບາດໂຄວິດ-19 ແລະ ໃນໄລຍະບຸນອອກພັນສາໄດ້ມີການຈັດການເວນຍາມ ຕະຫລອດ 24 ຊົ່ວໂມງ ຕາມບ້ານແຄມຝັ່ງແມ່ນໍ້າຂອງ ທີ່ເຄີຍມີປະຊາຊົນມາຢ່າງໜາແໜ້ນ ແຕ່ປີນີ້ມີລະບຽບຫ້າມເຂົ້າອອກໃນບ້ານເຂດແຄມຝັ່ງແມ່ນໍ້າຂອງຍ້ອນການລະບາດໂຄວິດ-19.

ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ - Visit Laos Visit SALANA BOUTIQUE HOTEL - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ

ອີກປະການໜຶ່ງ ການນຳໃຊ້ອາວຸດໃນ ສປປ ລາວ ເປັນມາດຕະການເຂັ້ມງວດ ບໍ່ໄດ້ອະນຸຍາດໃຫ້ຍິງປືນຊະຊາຍ, ບໍ່ມີການຍິງໃນງານບຸນປະເພນີຕ່າງໆ ເຊິ່ງຖືວ່າເປັນມາດຕະການລະບຽບຂອງກອງທັບ ຫາກໃຜລະເມີດແມ່ນໄດ້ ແມ່ນເຖິງຂັ້ນຕ້ອງປະຕິບັດວິໄນ, ໃສ່ລະບຽບກົດໝາຍ ແລະ ຈະຖືກໄລ່ອອກຈາກກອງບັນຊາການ.

ນອກຈາກນີ້ ທາງດ້ານ ປກສ ກຸ່ມ, ນາຍບ້ານທີ່ມີລາຍຊື່ໃນເອກະສານຂອງເພຈກໍລ້ວນແຕ່ເຫັນວ່າບໍ່ມີຄວາມເປັນຈິງ, ບໍ່ມີການຍິງປືນໃດໆ ສ່ວນປະຊາຊົນຊາວບ້ານກໍອອກມາຢືນຢັນວ່າຕົນເຄີຍເບິ່ງ ມາແຕ່ນ້ອຍ, ແຕ່ພໍ່ແຕ່ແມ່ພາເບິ່ງຈົນອາຍຸເກືອບ 70 ປີ.

ເຈົ້າເມືອງປາກງື່ມຢໍ້າຕື່ມວ່າ ການອອກຂ່າວ ຫລື ການສະເໜີຂອງກຸ່ມດັ່ງກ່າວອາດມີເງື່ອນງຳແອບແຝງ, ມີການບິດເບືອນ ເພື່ອສ້າງຄວາມແຕກແຍກປະຊາຊົນ ແລະ ສາຍສຳພັນອັນດີຂອງລາວ-ໄທ ກໍເປັນໄດ້.

ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ - 5 - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ
ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ - 3 - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ
ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ - 4 - ເຈົ້າເມືອງປາກງື່ມ ຢືນຢັນວ່າບໍ່ມີການຍິງປືນສ່ອງແສງ ໃນຄືນອອກພັນສາ