21 ວັນ ມີຄົນເສຍຊີວິດ 5 ຄົນ ຈາກອຸປະຕິເຫດ ແລະ ລົດຈັກຖືກລັກ 24 ຄັນ

ອີງຕາມການລາຍງານຂ່າວຂອງ ປກສ ນະຄອນຫລວງວຽງຈັນ ໃນວັນທີ 05 ພະຈິກ 2021 ນີ້, ໃຫ້ຮູ້ວ່າ: ນັບແຕ່ວັນທີ 5-25 ຕຸລາ 2021 ຜ່ານມານັ້ນ, ຢູ່ ນະຄອນຫລວງວຽງຈັນ ມີປະກົດການຫຍໍ້ທໍ້ເກີດຂຶ້ນ 89 ກໍລະນີ ສ້າງຜົນເສຍຫາຍເປັນເງິນ 270 ລ້ານກວ່າກີບ, ຄໍາຮູບປະພັນ 5 ບາດ, ຄອມພິວເຕີໂນດບຸກ 5 ໜ່ວຍ, ລົດໃຫຍ່ 1 ຄັນ, ລົດຈັກ 26 ຄັນ ໃນນີ້ເກີດຈາກການລັກຊັບ ( ລັກລົດຈັກ 24 ຄັນ ) ແລະ ວັດຖຸມີຄ່າອີກຈໍານວນໜຶ່ງ ແລະ ມີຄົນເສຍຊີວິດຍ້ອນອຸບັດຕິເຫດຶ 5 ຄົນ.

ຕໍ່ກັບສະພາບປະກົດການຫຍໍ້ທໍ້ທີ່ເກີດຂຶ້ນ ກອງບັນຊາການ ປກສ ນະຄອນຫລວງວຽງຈັນ ແກ້ໄຂໄດ້ 82 ເລື່ອງ, ກັກຕົວຜູ້ຖືກຫາໄດ້ 154 ຄົນ, ຍິງ 26 ຄົນ ເກັບກູ້ຂອງກາງປະເພດຢາບ້າ 13,871 ເມັດ, ຢາໄອ 9 ຖົງນ້ອຍ, ຄັນຊາແຫ້ງ 1 ຖົງນ້ອຍ, ປືນສັ້ນ 2 ກະບອກ, ລູກປືນ 12 ລູກ, ປືນດັດແປງ 2 ກະບອກ, ລູກປືນ 22 ລູກ, ປືນລ່າເນື້ອ 2 ກະບອກ, ເງິນລາວ 3 ລ້ານກວ່າກີບ, ເງິນໄທ 4.800 ບາດ, ເງິນຈີນ 15.800 ຢວນ, ສາຍຄໍຄໍາ 1 ເສັ້ນ, ແຮ່ທາດ 1,8 ໂຕນ, ລົດໃຫຍ່ 1 ຄັນ, ລົດຈັກ 9 ຄັນ ແລະ ວັດຖຸຈໍານວນໜຶ່ງ.