ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ

ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - Mayor Elect Eric Adams Bitcoin Background Getty Images - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ
ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - kitchen vibe - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ

ເອຣິກ ອາດຳ ຜູ້ຊະນະການເລືອກຕັ້ງເຈົ້າຄອງນະຄອນນິວຢອກ ສະແດງເຈດຕະນາຂໍຮັບເງິນເດືອນ 3 ເດືອນທຳອິດເປັນບິດຄອຍ ພ້ອມຊຸກຍູ້ເມືອງເປັນສູນກາງອຸດສາຫະກຳຄຣິບໂທເຄີເຣນຊີ.

ວັນທີ 5 ພະຈິກ 2021, ສຳນັກຂ່າວຕ່າງປະເທດລາຍງານວ່າ: ເອຣິກ ອາດຳ ວ່າທີ່ເຈົ້າຄອງນະຄອນນິວຢອກ ປະກາດຫລັງຈາກຊະນະການເລືອກຕັ້ງເຈົ້າຄອງນະຄອນນິວຢອກຄົນຫລ້າສຸດວ່າ: ຈະຂໍຮັບເງິນເດືອນ 3 ເດືອນທຳອິດໃນຮູບແບບຂອງສະກຸນເງິນບິດຄອຍ.

ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - Visit Laos Visit SALANA BOUTIQUE HOTEL - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ

“ຢູ່ນິວຢອກ ເຮົາມັກຫລິ້ນໃຫຍ່ສະເໝີ. ດັ່ງນັ້ນ ຫລັງຈາກທີ່ຂ້າພະເຈົ້າເຂົ້າຮັບຕຳແໜ່ງ ຂ້າພະເຈົ້າຂໍຮັບເງິນເດືອນ 3 ເດືອນທຳອິດເປັນບິດຄອຍ” ອາດຳ ໂພສໃນທະວິດເຕີເມື່ອວັນທີ 4 ພະຈິກ. “ນິວຢອກຊິຕີ້ຈະເປັນສູນກາງຂອງອຸດສາຫະກຳຄຣິບໂທເຄີເຣນຊີ ແລະ ອຸດສາຫະກຳນະວັດຕະກຳອື່ນໆທີ່ເຕີບໃຫຍ່ຢ່າງວ່ອງໄວ ມາຖ້າເບິ່ງນຳກັນ”.

ໂພສໃນທະວິດເຕີຂອງ ອາດຳ ເບິ່ງຄືວ່າເປັນການຕອບໂຕ້ ຟຣານຊິສ ຊົວເຣດ ເຈົ້າເມືອງໄມອາມີ ທີ່ອອກມາໂພສໃນທະວິດເຕີກ່ອນໜ້ານີ້ວ່າ: ກຳລັງຈະຮັບເງິນເດືອນງວດຕໍ່ໄປເປັນບິດຄອຍ 100%.

ອາດຳ ໃຫ້ສຳພາດຕໍ່ Bloomberg Radio ວ່າ: ລາວຕ້ອງການເດີມພັນກັບ ຊົວເຣສ ຢ່າງເປັນມິດ ໃນການເຮັດໃຫ້ນິວຢອກກາຍມາເປັນສູນກາງອຸດສາຫະກຳຄຣິບໂຕເຄີເຣນຊີ.

ກ່ອນໜ້ານີ້, ໄມອາມີໄດ້ເຂົ້າຮ່ວມໂຄງການ CityCoins ແລະ ເປີດຕົວສະກຸນເງິນດິຈີຕອນ MiamiCoin ໃນເດືອນສິງຫາຜ່ານມາ.

ທັງນີ້, ອາດຳ ເຊິ່ງມາຈາກພັກເດໂມແຄຣດ ກຳລັງຈະເປັນເຈົ້າຄອງຜິວສີຄົນທີ 2 ຂອງນະຄອນນິວຢອກ ຫລັງຈາກເອົາຊະນະ ເຄີຕິສ ສະລິວາ ຄູ່ແຂ່ງຈາກພັກຣີພັບລິກັນ ໃນການເລືອກຕັ້ງເມື່ອວັນທີ 2 ພະຈິກຜ່ານມາ ໂດຍລາວຈະເຂົ້າຮັບຕຳແໜ່ງຕໍ່ຈາກ ບິລ ເດິ ບລາຊິໂອ ເຊິ່ງຈະໝົດວາລະໃນເດືອນມັງກອນປີໜ້າ.

ອ້າງອີງ:

https://www.cnbc.com/…/new-york-mayor-elect-eric-adams…

https://www.bbc.com/news/business-59166017

ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - 3 - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ
ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - 5 - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ
ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ - 4 - ວ່າທີ່ເຈົ້າຄອງນະຄອນນິວຢອກ ປະກາດຮັບເງິນເດືອນເປັນບິດຄອຍ