ນໍ້າປະປາຈຳປາສັກຊີ້ແຈງສາເຫດທີ່ພາໃຫ້ນໍ້າປະປາຂຸ່ນ

- advert banner 728 90 728x90 - ນໍ້າປະປາຈຳປາສັກຊີ້ແຈງສາເຫດທີ່ພາໃຫ້ນໍ້າປະປາຂຸ່ນ

ຈາກຫາງສຽງຂອງປະຊາຊົນບ້ານໂຊກອຳນວຍ, ຫ້ວຍຍາງຄຳ ແລະ ບ້ານກາງ ເມືອງປາກເຊແຂວງຈຳປາສັກ, ໄດ້ໂທລະສັບເຂົ້າສາຍດ່ວນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງຈຳປາສັກຊຸດທີ 1 ທີ່ອັດລົງໃນວັນທີ 21 ກໍລະກົດຜ່ານມານີ້, ໂດຍໄດ້ສະເໜີກ່ຽວກັບບັນຫານໍ້າປະປາຂຸ່ນ ແລະ ນໍ້າບໍ່ໄດ້ຄຸນນະພາບເປັນຕົ້ນ: ນໍ້າປະປາທີ່ຜະລິດຈາກເມືອງປາກຊ່ອງ.

ທ່ານ ຄຳໄໝ ຈັນທາສັກ ຮອງຫົວໜ້າລັດວິສາຫະກິດນໍ້າປະປາແຂວງຈໍາປາສັກ ໄດ້ອອກມາສະແດງຄວາມຮັບຜິດຊອບຜ່ານສື່ມວນຊົນວ່າ: ຕໍ່ບັນຫາ ດັ່ງກ່າວບໍລິສັດໄດ້ສົມທົບກັບນໍ້າປະປາປາກຊ່ອງລົງໄປກວດກາສາເຫດທີ່ພາ ໃຫ້ນໍ້າປະປາຂຸ່ນຢ່າງຮີບດ່ວນ ແລະ ພົບວ່າເກີດຈາກ 3 ສາເຫດຄື: 1. ສະ ພາບທຳມະຊາດໃນຄັ້ງວັນທີ 18-19 ກໍລະກົດ 2017 ເກີດມີຝົນຕົກແຮງ ແລະ ເຮັດໃຫ້ນໍ້າໃນຫ້ວຍທີ່ເອົາມາຜະລິດນໍ້າປະປາມີຄວາມຂຸ່ນເພີ່ມຂຶ້ນສູງ, ໂຮງງານບໍ່ສາມາດຜະລິດນໍ້າໄດ້ຕາມມາດຕະຖານ, 2. ພະນັກງານທີ່ປະຈໍາຢູ່ໂຮງງານບໍ່ໄດ້ຕິດຕາມກວດກາປົກກະຕິຕໍ່ເນື່ອງບວກກັບມີປະສົບການບໍ່ສູງໃນການນໍາໃຊ້ສານຕ່າງໆເຂົ້າໃນຂະບວນການຜະລິດໃນເວລານໍ້າມີຄວາມຂຸ່ນເພີ່ມຂຶ້ນ, 3. ຍ້ອນມີການຂະຫຍາຍເສັ້ນທາງແລ້ວສົ່ງຜົນກະທົບໃສ່ທໍ່ສົ່ງນໍ້າຈາກໂຮງງານຫລັກ 33 ເມືອງປາກຊ່ອງຫາເມືອງປາກເຊ ເວລາສ້ອມແປງສຳເລັດແລ້ວພັດໄລນໍ້າເປື້ອນອອກບໍ່ໝົດ.

- lattana 1 - ນໍ້າປະປາຈຳປາສັກຊີ້ແຈງສາເຫດທີ່ພາໃຫ້ນໍ້າປະປາຂຸ່ນ
- 1 1 - ນໍ້າປະປາຈຳປາສັກຊີ້ແຈງສາເຫດທີ່ພາໃຫ້ນໍ້າປະປາຂຸ່ນ

ແນວໃດກໍຕາມ, ຕໍ່ເຫດການດັ່ງກ່າວລັດວິສາຫະກິດນໍ້າປະປາໄດ້ເລັ່ງແກ້ໄຂໃຫ້ຄືນສູ່ສະພາບປົກກະຕິແລ້ວ, ໂດຍໄດ້ປະສານສົມທົບກັນລ້າງທໍ່ໃນທຸກ ເຂດທີ່ມີນໍ້າຂຸ່ນອອກໃຫ້ໝົດ, ນຳເອົາວິຊາການສຳນານງານຈາກນໍ້າປະປາ ແຂວງໄປຊ່ວຍແນະນຳວິທີເຝົ້າລະວັງຄຸນນະພາບການຜະລິດນໍ້າປະປາຢູ່ໂຮງ ງານຫລັກ 33 ເມືອງປາກຊ່ອງ ແລະ ປະສານສົມທົບດ້ານເຕັກນິກໃນການສ້ອມແປງທໍ່ນໍ້າ ແລະ ເອົາໃຈໃສ່ກວດກາຄຸນນະພາບນໍ້າໃຫ້ໄດ້ມາດຕະຖານກ່ອນຈະປ່ອຍນ້ຳອອກໃຫ້ສັງຄົມຊົມໃຊ້.

error: Content is protected !!