ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ

ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ - 5a5d5950 d82f 4f8f a97a 870b3cabe5ec - ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ
ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ - AGL - ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ

ວັນທີ 10 ພະຈິກ 2021 ນີ້, ທີ່ກະຊວງການເງິນ, ໄດ້ຈັດກອງປະຊຸມຜ່ານລະບົບ Video Conference ເພື່ອປຶກສາຫາລືປະກອບຄໍາຄິດຄໍາເຫັນກ່ຽວກັບຮ່າງລັດຖະບັນຍັດຂອງປະທານປະເທດວ່າດ້ວຍລາຍການສິນຄ້າ ແລະ ອັດຕາພາສີຂາອອກ, ໂດຍການເປັນປະທານຂອງທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ, ມີຫົວໜ້າກົມ, ຮອງຫົວໜ້າກົມ, ຄະນະວິຊາການຈາກສະພາແຫ່ງຊາດ, ສໍານັກງານງານນາຍົກລັດ ຖະມົນຕີ, ກະຊວງຍຸຕິທໍາ, ກະຊວງພະລັງງານ ແລະ ບໍ່ແຮ່, ກະຊວງອຸດສາຫະກໍາ ແລະ ການຄ້າ, ກະຊວງກະສິກໍາ ແລະ ປ່າໄມ້, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມເຂົ້າຮ່ວມ.

ກອງປະຊຸມຄັ້ງນີ້ເປັນຄັ້ງທໍາອິດຂອງຄະນະຮັບຜິດຊອບຄົ້ນຄ້ວາປັບປຸງຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ ຕາມຂໍ້ຕົກລົງຂອງລັດຖະມົນຕີກະຊວງການເງິນ ສະບັບເລກທີ 1546/ກງ, ລົງວັນທີ 26 ມີນາ 2021, ຊຶ່ງໄດ້ປັບປຸງມາເປັນ ສະບັບເລກທີ 5417/ກງ, ລົງວັນທີ 28 ຕຸລາ 2021, ຈຸດປະສົງເພື່ອປຶກສາຫາລືກ່ຽວກັບຮ່າງລັດຖະບັນຍັດທີ່ໄດ້ສໍາເລັດໃນເບື້ອງຕົ້ນ, ຊຶ່ງຄະນະວິຊາການໄດ້ປັບປຸງໂດຍໄດ້ເນັ້ນໃສ່ເນື້ອໃນສໍາຄັນເປັນຕົ້ນ: ປັບປຸງ, ຊັບຊ້ອນລາຍການໃຫ້ສອດຄ່ອງກັບລະຫັດເຂົ້າ ແລະ ລະຫັດຍ່ອຍ ຕາມການກໍານົດຂອງສາກົນ. ພ້ອມນີ້, ກໍໄດ້ກໍານົດເພີ່ມເນື້ອໃນລາຍການເກັບເຂົ້າຫຼາຍສົມຄວນ, ຈາກລັດຖະບັນຍັດຂອງປະທານປະເທດວ່າດ້ວຍລາຍການສິນຄ້າ ແລະ ອັດຕາພາສີຂາອອກ ສະບັບເລກທີ 002/ປປທ, ລົງວັນທີ 27 ເມສາ 2012 ກໍານົດ 40 ລາຍການປັບປຸງມາເປັນ 515 ລາຍການ; ການປັບປຸງ ແລະ ກໍານົດອັດຕາການເກັບພາສີຂາອອກຄືນ, ເພື່ອໃຫ້ສອດຄ່ອງກັບສາກົນ ແລະ ການປະຕິບັດຕົວຈິງ.

ຮ່າງລັດຖະບັນຍັດຂອງປະທານປະເທດວ່າດ້ວຍລາຍການສິນຄ້າ ແລະ ອັດຕາພາສີຂາອອກ, ປະກອບດ້ວຍ 4 ມາດຕາ. ໃນນັ້ນ, ມາດຕາ 1 ກໍານົດຈຸດປະສົງ ຂອງລັດຖະບັນຍັດເພື່ອກໍານົດອັດຕາພາສີຂາອອກສໍາລັບສິນຄ້າທີ່ຕ້ອງເສຍພາສີຂາອອກ,ແນໃສ່ເຮັດໃຫ້ການເກັບພາສີຂາອອກມີຄວາມເປັນເອກະພາບໃນຂອບເຂດທົ່ວປະເທດ, ປະ ກອບສ່ວນເຂົ້າໃນການພັດທະນາເສດຖະກິດ-ສັງຄົມແຫ່ງຊາດ; ມາດຕາ 2 ລາຍການສິນຄ້າ ແລະ ອັດຕາພາສີຂາອອກ ແມ່ນລາຍການ ແລະ ອັດຕາພາສີສິນຄ້າທີ່ຕ້ອງເສຍພາສີຂາອອກ; ມາດຕາ 3 ການຈັດຕັ້ງປະຕິບັດ ແລະ ມາດຕາ 4 ຜົນສັກສິດ.

ໃນກອງປະຊຸມຕາງໜ້າຈາກສະພາແຫ່ງຊາດ, ສໍານັກງານງານນາຍົກລັດຖະມົນຕີ, ກະຊວງຍຸຕິທໍາ, ກະຊວງພະລັງງານ ແລະ ບໍ່ແຮ່, ກະຊວງອຸດສາຫະກໍາ ແລະ ການຄ້າ, ກະຊວງກະສິກໍາ ແລະ ປ່າໄມ້, ກະຊວງຊັບພະຍາ ກອນທໍາມະຊາດ ແລະ ສິ່ງແວດລ້ອມ, ໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງລັດຖະບັນຍັດສະບັບນີ້ກ່ຽວກັບໂຄງສ້າງຂອງຮ່າງລັດຖະບັນຍັດ, ການປັບປຸງໃນມາດຕາ 2 ທີ່ຕິດພັນກັບລາຍການສິນຄ້າ ແລະ ອັດຕາພາສີ, ການກໍານົດລາຍການສິນຄ້າ ແລະ ອັດຕາພາສີຂາອອກເພື່ອໃຫ້ສອດຄ່ອງກັບສະພາບການຕົວຈິງໃນປັດຈຸບັນ.

ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ - lattana banner - ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ
ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ - lattana banner 1 - ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ
ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ -    AD conten website - ກອງປະຊຸມປຶກສາຫາລືກ່ຽວກັບຮ່າງລັດຖະບັນຍັດວ່າດ້ວຍລາຍການສິນຄ້າ ແລະ ອັດຕາພາສີຂາອອກ
error: Alert: ເນື້ອຫາຂ່າວມີລິຂະສິດ !!