5 ເຫດຜົນທີ່ຄົນຖືພາຄວນກິນຊັອກໂກແລັດ

- advert banner 728 90 728x90 -  5 ເຫດຜົນທີ່ຄົນຖືພາຄວນກິນຊັອກໂກແລັດ
  1. ຜົນການວິໄຈຂອງ Dr. Elizabeth Triche ຈາກ Yale University ພົບວ່າ : ແມ່ຍິງທີ່ກິນຊັອກໂກແລັດດຳ ຫລື ດ໊າກ ຊັອກໂກແລັດຂະນະຖືພາ ຈະມີສານເຄມີຊື່ວ່າ ທີໂອໂບຣມີນ ຢູ່ໃນເລືອດຈາກສາຍບື ເຊິ່ງຈະຊ່ວຍຫລຸດຄວາມສ່ຽງໃນການເກີດອາການຖືພາເປັນພິດ. ນອກຈາກນີ້, ຊ່ວຍໃຫ້ກ້າມຊີ້ນຜ່ອນຄາຍ ແລະ ຊ່ວຍຂະຫຍາຍຫລອດເລືອດນຳ (ໂດຍຊັອກໂກແລັດດຳນັ້ນມີທີໂອໂບຣມີນຫລາຍກ່ວາຊັອກໂກແລັດນົມເຖິງ 6 ເທົ່າ).
  2. ຫລຸດໂອກາດຫລຸລູກ : ກາເຟອີນໃນຊັອກໂກແລັດດຳຊ່ວຍຫລຸດການໄຫລໂຕຂອງເລືອດສູ່ສາຍແຮ່ ເຊິ່ງສົ່ງຜົນໃຫ້ໂອກາດທີ່ຈະຫລຸລູກຫລຸດລົງນຳ. ນອກຈາກນີ້, ກາເຟອີນຍັງຊ່ວຍກະຕຸ້ນອັດຕາການເຕັ້ນຂອງຫົວໃຈ, ແຕ່ຜູ້ຊ່ຽວຊານແນະນຳວ່າບໍ່ຄວນກິນກາເຟອີນເກີນມື້ລະ 200 ມິນລີກຣາມ (ຊັອກໂກແລັດດຳໂດຍສະເລ່ຍມີກາເຟອີນ 20 ກຣາມຕໍ່ 30 ມີນລີລິດ) ເພາະຈະເຮັດໃຫ້ເກີດຜົນເສຍຕໍ່ສຸຂະພາບໄດ້.
  3. ຊ່ວຍໃຫ້ແມ່ອາລົມດີ : ຊັອກໂກແລັດຊ່ວຍໃຫ້ແມ່ອາລົມດີ ເພາະຊັອກໂກແລັດຊ່ວຍກະຕຸ້ນການຫລັ່ງຂອງສານເອນໂດຣຟິນໃນສະໝອງ ແລະ ພາກສ່ວນອື່ນໆຂອງຮ່າງກາຍ ໂດຍສານເອັນໂດຣຟິນນີ້ຈະຊ່ວຍໃຫ້ເກີດຄວາມຮູ້ສຶກພໍໃຈ ແລະ ມີຄວາມສຸກ. ນອກຈາກນີ້, ຍັງຊ່ວຍຫລຸດຜ່ອນຄວາມຮູ້ສຶກເຈັບປວດໄດ້ນຳ.
  4. ຫລຸດຄວາມດັນສູງສຳລັບແມ່ຍິງຖືພາ : ການກິນຊັອກໂກແລັດນອກຈາກຈະເຮັດໃຫ້ແມ່ໄດ້ຮັບປະລິມານໂປຣຕິນົມໃນຊັອກໂກແລັດ ແລະ ພະລັງງານຈາກນຳ້ຕານແລ້ວ ນັກວິໄຈຈາກມະຫາວິທະຍາໄລໄອໂອວາ ຍັງພົບວ່າ ຊັອກໂກແລັດຊ່ວຍຫລຸດຄວາມດັນເລືອດສູງໃນແມ່ຍິງຖືພານຳ.
  5. ຫລຸດໂອກາດເກີດມະເຮັງ : ຊັອກໂກແລັດມີສານຟລາໂວນອຍທີ່ເຮັດໜ້າທີ່ເປັນແອນຕີອອກຊິແດນ ຈະຊ່ວຍຫລຸດໂອກາດໃນການເປັນພະຍາດມະເຮັງ ແລະ ພະຍາດອື່ນໆອີກຫລາຍພະຍາດ ໂດຍຊັອກໂກແລັດດຳມີສານຟລາໂວນອຍຫລາຍທ່ີສຸດ.
- new3 -  5 ເຫດຜົນທີ່ຄົນຖືພາຄວນກິນຊັອກໂກແລັດ
- lattana 1 -  5 ເຫດຜົນທີ່ຄົນຖືພາຄວນກິນຊັອກໂກແລັດ
error: Content is protected !!