ເທຄວັນໂດລາວ ຢືນຢັນ ພຸດທະສອນ ໄດ້ຮ່ວມ ກົວລາລຳເປີ ເກມ 2017

- advert banner 728 90 728x90 - ເທຄວັນໂດລາວ ຢືນຢັນ ພຸດທະສອນ ໄດ້ຮ່ວມ ກົວລາລຳເປີ ເກມ 2017

- aHR0cDovL3BlMi5pc2Fub29rLmNvbS9sYS8wL3VkLzIvMTI3MTYvdW50aXRsZWQtMS5qcGc 300x180 - ເທຄວັນໂດລາວ ຢືນຢັນ ພຸດທະສອນ ໄດ້ຮ່ວມ ກົວລາລຳເປີ ເກມ 2017ສະຫະພັນເທຄວັນໂດແຫ່ງຊາດລາວ ຢືນຢັນ ທ້າວ ພຸດທະ ສອນທຳມະວົງ ນັກກິລາເທຄວັນ ໂດທີມຊາດລາວ ປະເພດຕໍ່ສູ້ປ້ອງ ກັນໂຕ ຮຸ່ນນ້ຳໜັກ 68 ກິໂລ ກຣາມ ເຈົ້າຂອງຫຼຽນຄຳຊີເກມ ຄັ້ງທີ 27 ທີ່ມຽນມາ ປີ 2013 ທີ່ຮັບບາດເຈັບເອັນຂາຂວາສົ້ນ ນ່ອງຈີກ ຈະເຊົາຈາກອາການ ບາດເຈັບທັນເຂົ້າຮ່ວມລ່າຫຼຽນ ຄຳຊ່ວຍທັບນັກກິລາລາວໃນ ງານມະຫະກຳກິລາຊີເກມ ຄັ້ງທີ 29 ຫຼື ກົວລາລຳເປີ ເກມ ທີ່ປະ ເທດມາເລເຊຍ ຮັບກຽດເປັນເຈົ້າ ພາບ ຈະຈັດຂຶ້ນໃນລະຫວ່າງວັນ ທີ 19-31 ສິງຫານີ້.
ທ່ານ ຈັນທະວົງ ປັນຍາສິລິ ເລາຂາທິການ ສະຫະພັນເທຄວັນ ໂດແຫ່ງຊາດລາວ ລາຍງານໃຫ້ ຮູ້ວ່າ: ພາຍຫຼັງໄດ້ມີການເຝິກ ຊ້ອມຢ່າງຕໍ່ເນື່ອງໃນເວລາ 3 ເດືອນ ນັບມາຮອດປັດຈຸບັນ ກໍ ໄດ້ມີການຄັດເລືອກໄດ້ນັກກິລາ ເທຄວັນໂດທີມຊາດລາວ ໂຕຈິງ ຈຳນວນ 10 ຄົນກໍຄືປະເພດຟ້ອນ ປຸ້ມເຊ 4 ຄົນ, ຍິງ2 ຄົນ ແລະ ປະ ເພດຕໍ່ສູ້ 6 ຄົນ, ຍິງ 3 ຄົນ ໃນຊີ ເກມຄັ້ງນີ້ ສະເພາະກິລາເທຄວັນ ໂດ ມີການຊີງໄຊກັນທັງໝົດ 15 ຫຼຽນຄຳ ທຸກຊາດເຂົ້າຮ່ວມແຂ່ງ ຂັນສາມາດສົ່ງນັກກິລາຊີງໄຊ ຫຼຽນໄດ້ພຽງແຕ່ 3 ລາຍການ ແຕ່ເຈົ້າພາບ ມາເລເຊຍ ສາມາດ ສົ່ງເຂົ້າຮ່ວມໄດ້ທຸກລາຍການ. ແນວໃດກໍຕາມ ປັດຈຸບັນນັກກິລາ ເທຄວັນໂດທີມຊາດລາວ ທຸກ ຄົນມີຄວາມພ້ອມຢ່າງເຕັມຮ້ອຍ ເປີເຊັນແລ້ວ ໂດຍສະເພາະທາງ ດ້ານສະມັດຖະພາບຮ່າງກາຍທີ່ ແຂງແຮງສົມບູນ, ມີຄວາມເຂົ້າ ໃຈໃນເລື່ອງກົດລະບຽບກະຕິກາການແຂ່ງຂັນແບບໃໝ່ ເປັນຫ່ວງ ພຽງແຕ່ເລື່ອງຈິດຕະສາດຂອງ ນັກກິລາ ເນື່ອງຈາກຄະນະນຳ ຂັ້ນເທິງໄດ້ໄວ້ເນື້ອເຊື່ອໃຈມອບ ຄວາມຫວັງ 1 ຫຼຽນຄຳ ເປັນພາ ລະຄວາມຮັບຜິດຊອບເປັນທ່າກົດດັນພໍສົມຄວນ ໃຫ້ຄະນະນຳສະ ຫະພັນ, ຄູເຝິກ ແລະ ນັກກິລາ ໂດຍສະເພາະ ທ້າວ ພຸດສອນ ທຳ ມະວົງ ທີ່ໄດ້ຮັບອາການບາດເຈັບ ເອັນສົ້ນນ່ອງຂາຂວາໄດ້ຮັບາດ ເຈັບຈາກການເຝິກຊ້ອມ ແລະ ເຂົ້າຮ່ວມແຂ່ງຂັນ 2 ລາຍການ ລະດັບໂລກທີ່ ສປປ ເກົາຫຼີ ເມື່ອບໍ່ ດົນມານີ້ ຕ້ອງໄດ້ເລັ່ງການປິ່ນປົວ ໂດຍດ່ວນ ເພື່ອໃຫ້ເຊົາທັນກ່ອນ ເຂົ້າຮ່ວມ ກົວລາລຳເປີ ເກມ 217 ເຊິ່ງໄລຍະນີ້ກຳລັງຢູ່ໃນ ການຕິດຕາມປະເມີນໂຕ ພ້ອມທັງ ເນັ້ນໃຫ້ມີການເຝິກຊ້ອມເບົາໆ ກຳນົດຈັງຫວະໃຊ້ໝັດ ແລະ ເຕະ ຂາຊາຍທີ່ບໍ່ໄດ້ບາດເຈັບ ໄດ້ເປັນ 1 ອາທິດແລ້ວ ເຊື່ອໝັ້້ນວ່າ ພຸດ ທະສອນ ທຳມະວົງ ຈະສາມາດ ປົວໃຫ້ເຊົາທັນກ່ອນເຂົ້າຮ່ວມ ງານດັ່ງກ່າວ ເພາະຈຳເປັນທີ່ສຸດ ໃນຮຸ່ນນ້ຳໜັກ 68 ກິໂລກຣາມນີ້ ບໍ່ມີນັກກິລາຜູ້ໃດທີ່ຈະມາທົດ ແທນລາວໄດ້ ເພື່ອຮັບປະກັນສ້າງ ຜົນສຳເລັດຕາມເປົ້າໝາຍ 1 ຫຼຽນຄຳນັ້ນ ໄດ້ພະຍາຍາມໃກ້ ຊິດຕິດແທດກະຕຸ້ນຄວາມກະ ຫາຍ ແລະ ຄວາມຢາກປະສົບຜົນ ສຳເລັດໃຫ້ນັກກິລາ ເຊື່ອໝັ້ນວ່າ ງານນີ້ດ້ວຍຄວາມພ້ອມບວກກັບແຮງໃຈຂອງນັກກິລາພວກເຮົາ ຈະສູ້ຊົນສ້າງຜົນງານໃຫ້ບັນລຸ ຄາດໝາຍໃນ ກົວລາລຳເປີ ເກມ ໃຫ້ໄດ້.
ຂະນະທີ່ ທ້າວ ພຸດທະສອນ ທຳມະວົງ ໃຫ້ສຳພາດວ່າ: ນ້ອງ ຮູ້ສຶກເຫຼືອໃຈໃຫ້ໂຕເອງຢ່າງແຮງທີ່ບໍ່ໄດ້ລະມັດລະວັງ ແລະ ຮັກສາ ສະພາບຮ່າງກາຍ ໃນໄລຍະເຂົ້າ ຮ່ວມເກັບໂຕເຝິກຊ້ອມ ແລະ ແຂ່ງ ຂັນ ທີ່ປະເທດດັ່ງກ່າວ ອາການ ບາດເຈັບຄັ້ງນີ້ເກີດຈາກການເຂົ້າຮ່ວມແຂ່ງຂັນລາຍການຊີງແຊ໊ມໂລກ ທ່ີ ສປປ ເກົາຫຼີ ຮອບຄັດ ເລືອກທີ່ເສຍໃຫ້ນັກກິລາຈາກ ປະ ເທດໄນຈິເລຍ ໃນຈັງຫວະຂຶ້ນເຕະ ແຕ່ລະຄັ້ງ ເບື້ອງຕົ້ນນ້ອງຮູ້ສຶກ ເຈັບປວດເລີຍ ຫຼັງຈາກການແຂ່ງ ຂັນແລ້ວ ໄດ້ຢ່າງໄລຍະໜຶ່ງກໍຮູ້ ສຶກທັນທີເຈັບເອັນສົ້ນນ່ອງຂາ ຂວາທັນ ຕ້ອງຮັກສາຢ່າງຮີບ ດ່ວນທີ່ ສປປ ເກົາຫຼີ ເອັນສົ້ນນ່ອງ ເບື້ອງຂວາຈີກແຕ່ບໍ່ຂາດ ແລະ ທ່ານໝໍໄດ້ແຕ່ງຢາໃຫ້ກິນເພື່ອຮັກສາ ພ້ອມທັງແນະນຳໃຫ້ຢຸດພັກ ໃນການຫຼິ້ນກິລານີ້ເປັນໄລຍະໜຶ່ງ ຫຼັງກັບມາຮອດບ້ານເກີດ ນະ ຄອນຫຼວງວຽງຈັນ ກໍໄດ້ສືບຕໍ່ ປິ່ນປົວກັບໝໍຊຽວຊານທີ່ລາວ ຕາມຄຳແນະນຳ ເຊິ່ງເຮັດໃຫ້ອາ ການບາດເຈັບດີຂຶ້ນໃນໄລຍະໜຶ່ງ ແລະ ກໍໄດ້ລົງເຝິກຊ້ອມເບົາໆ ຮ່ວມກັບໝູ່ຮ່ວມຊາດ.
ຂ່າວຈາກ:laosportnews.com.

- new3 - ເທຄວັນໂດລາວ ຢືນຢັນ ພຸດທະສອນ ໄດ້ຮ່ວມ ກົວລາລຳເປີ ເກມ 2017
- lattana 1 - ເທຄວັນໂດລາວ ຢືນຢັນ ພຸດທະສອນ ໄດ້ຮ່ວມ ກົວລາລຳເປີ ເກມ 2017
error: Content is protected !!