ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ ໃນ 4 ເມືອງ ຂອງແຂວງໄຊຍະບູລີ

- 2599272 - ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ  ໃນ 4 ເມືອງ ຂອງແຂວງໄຊຍະບູລີ
- AGL banner - ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ  ໃນ 4 ເມືອງ ຂອງແຂວງໄຊຍະບູລີ
ໃນວັນທີ 21 ພະຈິກ 2021, ທ່ານ ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມເຮັດວຽກທີ່ ແຂວງໄຊຍະບູລີ ເພື່ອຕິດຕາມການເຄື່ອນໄຫວວຽກງານ ແລະຊຸກຍູ້ວຽກງານຕ່າງໆທີ່ກຳລັງຈັດຕັ້ງປະຕິບັດ, ທີ່ໃຫ້ການຊ່ວຍປະຊາຊົນຜູ້ທຸກຍາກພາຍໃນແຂວງທີ່ມີຫລາຍວຽກສຳຄັນເປັນຕົ້ນການຊ່ວຍເຫລືອຜູ້ໄດ້ຮັບຜົນກະທົບພະຍາດໂຄວິດ19, ຈາກນັ້ນ,ກໍໄດ້ໃຫ້ການຊ່ວຍເຫລືອໃຫ້ແກ່ຜູ້ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ໃນເດືອນ ມິຖຸນາ 2021 ທີ່ຜ່ານມາ ຢູ່ໃນ 4 ເມືອງຂອງແຂວງໄຊຍະບູລີໄດ້ແກ່: ເມືອງໄຊຍະບູລີ, ເມືອງ ເງິນ, ເມືອງໄຊສະຖານ ແລະ ເມືອງ ຊຽງຮ່ອນ ຈຳນວນ 40 ບ້ານ ເປົ້າໝາຍ 2,094 ຄົນ; 10,091 ຄົນ.
ການຊ່ວຍເຫລືອໃນຄັ້ງນີ້ແມ່ນໄດ້ຮັບການຮ່ວມມືລະຫວ່າງ ອົງການກາແດງລາວ, ກະຊວງ ແຮງງານ ແລະ ສະຫວັດດີການສັງຄົມ ແລະ ອົງການອາຫານໂລກ ແມ່ນຈະໄດ້ເລີ່ມຈັດຕັ້ງວັນທີ 22 ພະຈິກ ຫາ 4 ທັນວາ 2021 ແມ່ນໃຫ້ສຳເລັດພາຍໃນແຂວງ ໄຊຍະບູລີ ຫລັງຈາກນັ້ນ, ແມ່ນຈະໄດ້ສືບຕໍ່ມອບໃຫ້ແກ່ແຂວງສະຫວັນນະເຂດ ໃນໄລຍະຕໍ່ໄປໃຫ້ສຳເລັດໃນທ້າຍເດືອນ ທັນວາ 2021 ນີ້, ເຄື່ອງທີ່ນຳມາມອບໃຫ້ປະຊາຊົນໃນຄັ້ງນີ້ ປະກອບມີ: ເຂົ້າສານຈຳນວນ 266,20 ໂຕນ ແລະ ນ້ຳມັນພືດ 20,39 ໂຕນ  ລວມມູນຄ່າ: 305,304,97  ໂດລາສະຫະລັດ ຫລື ເທົ່າກັບ 3, 273,175,000 ກີບ ເຊິ່ງໄດ້ຮັບການສະໜັບສະໜູນຈາກອົງການອາຫານໂລກ; ໂດຍການມອບ-ຮັບ ລະຫວ່າງ ທ່ານ ພູທອນ ເມືອງປາກ ປະທານອົງການກາແດງລາວ ແລະ ທ່ານ ເພັດພິໄຊ ສູນວິໄລ ຮອງເຈົ້າແຂວງ ແຂວງ ໄຊຍະບູລີ ຫົວໜ້າຄະນະສະເພາະກິດໄພພິພັດຂັ້ນແຂວງ.
ໂອກາດນີ້, ທ່ານ ເພັດພິໄຊ ສູນວິໄລ ຮອງເຈົ້າແຂວງ ແຂວງໄຊຍະບູລີ ຫົວໜ້າຄະນະສະເພາະກິດໄພພິພັດຂັ້ນແຂວງ ກໍໄດ້ກ່າວສະແດງຄວາມຂອບໃຈຕໍ່ທາງ ປະທານອົງການກາແດງລາວ ທີ່ໄດ້ປະກອບສ່ວນຍາດແຍ່ງເອົາທຶນຮອນ ການຊ່ວຍເຫຼືອຈາກອົງການຈັດຕັ້ງສາກົນ ເພື່ອໃຫ້ການຊ່ວຍເຫລືອປະຊາຊົນຊາວແຂວງ ໄຊຍະບູລີ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ໃນຄັ້ງນີ້, ເຄື່ອງຈຳນວນດັ່ງກ່າວ ແມ່ນຈະໄດ້ນຳໄປມອບໃຫ້ເຖິງມືປະຊາຊົນຢ່າງແນ່ນອນ ຕາມເງື່ອນໄຂຫລັກການ ພ້ອມທັງຮັບປະກັນ ການແຈກຢາຍໃຫ້ວ່ອງໄວ ທັນເຫດການ, ເພື່ອໃຫ້ມີປະສິດທິພາບ ປະສິດທິຜົນ ຕາມທີ່ໄດ້ປຶກສາຫາລືກັນ, ນອກຈາກວຽກງານຊ່ວຍເຫຼືອບັນເທົາທຸກແລ້ວ, ທ່ານຍັງໄດ້ສະເໜີມາຍັງທ່ານປະທານອົງການກາແດງລາວ ໃນການຊອກຫາແຫລ່ງທຶນມາຊ່ວຍໃນວຽກງານຕ້ານພະຍາດໂຄວິດ-19 ທີ່ພວມລະບາດເປັນບໍລິເວນກ້ວາງ ພາຍໃນແຂວງໄຊຍະບູລີ ໂດຍສະເພາະຄ່າໃຊ່ຈ່າຍຄ່າອາຫານ ໃຫ້ແກ່ໂຮງຫມໍພາກສະໜາມ ແລະ ສູນຈຳກັດບໍລິເວນ ໃນປັດຈຸບັນແມ່ນມີຄວາມຕ້ອງການທຶນຮອນເຂົ້າໃນວຽກງານນີ້ຢ່າງຮີບດ່ວນ.
-    AD conten website - ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ  ໃນ 4 ເມືອງ ຂອງແຂວງໄຊຍະບູລີ
- lattana banner - ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ  ໃນ 4 ເມືອງ ຂອງແຂວງໄຊຍະບູລີ
- lattana banner 1 - ອົງການກາແດງລາວ ຈະຊ່ວຍເຫລືອປະຊາຊົນຜູ້ປະສົບໄພພິບັດ ຢູ່ 40 ບ້ານ  ໃນ 4 ເມືອງ ຂອງແຂວງໄຊຍະບູລີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!