ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4

- 1501143553593 960x0 - ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4
- Untitled design - ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4

ຄວາມ​ເຊື່ອ​ໝັ້ນຜູ້​ບໍລິ​ໂພ​ກ​ເຢຍລະ​ມັນ​ບັນລຸ​ລະດັບ​ສູງ​ສຸດ​ໃນ​ຮອບ 16 ປີ ​ເປັນ​ຕົວ​ເລກ​ເສດຖະກິດ​ຫລ້າ​ສຸດ​ທີ່​ດີ​ຢ່າງ​ຕໍ່​ເນື່ອງ ​ແລະ ຈະ​ເພີ່ມ​ໂອກາດ​ໃຫ້​ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ​ໄດ້​ດຳລົງ​ຕຳ​ແໜ່​ງຕໍ່​ເປັນ​ສະ​ໄໝ​ທີ 4 ​ໃນ​ການ​ເລືອກ​ຕັ້ງທົ່ວ​ໄປ​ວັນ​ທີ 24 ກັນຍາ​ນີ້.

ກຸ່ມ​ວິ​ໄຈ​ຕະຫລາດ GFK ຄາດ​ວ່າ: ຄວາມ​ເຊື່ອ​ໝັ້ນຜູ້​ບໍລິ​ໂພ​ກ​ເຢຍລະ​ມັນ​ຈະ​ເພີ່ມ​ຂຶ້ນ 0,2% ຈາກ​ເດືອນ​ນີ້​ເປ​ັນ 10,8 ຈຸດ​ໃນ​ເດືອນ​ໜ້າ ​ເຊິ່ງຈະ​ສູງ​ທີ່​ສຸດ​ນັບ​ແຕ່​ເດືອນ​ຕຸລາ 2001 ​ແລະ ຄາດ​ວ່າ​ຕົວ​ເລກ​ການ​ບໍລິ​ໂພ​ກພາກ​ເອກະ​ຊົນ​​ໃນ​ປີ​ນີ້​ຈະ​ເພີ່ມ​ຂຶ້ນຢ່າງໜ້ອຍ 1,5% ສອດຄ່ອງ​ກັບ​ຄວາມ​ເຊື່ອ​ໝັ້ນຂະ​ແໜງ​ທຸລະ​ກິດ ​ແລະ ຕົວ​ເລກ​ຂະ​ແໜງ​ການ​ຜະລິດ​ທີ່​ເພີ່ມ​ຂຶ້ນ. ຂະນະ​ທີ່​ອັດຕາ​ວ່າງ​ງານ​ຫລຸດ​ລົງ​ທຳລາຍ​ສະຖິຕິ​ໃໝ່​ທຸກ​ເດືອນ, ຕົວ​ເລກ​ເສດຖະກິດ​ທີ່​ດີ​ຂຶ້ນຢ່າງ​ຕໍ່​ເນື່ອງ​ນີ້​ຈະ​ເປັນ​ຜົນ​ດີ​ຕໍ່​ທ່ານ​ນາງ ​ແມ​ເຄິລ, ຂະນະ​ທີ່​ພັກ​ສະຫະພາບ​ປະຊາທິປະ​ໄຕຄຣິສຕຽນ (CDU) ຂອງ​ນາງ​ມີ​ຄະ​ແນນ​ນິຍົມ​ນຳ​ພັກ​ສັງຄົມ​ປະຊາທິປະ​ໄຕ​ເຖິງ 13 ຈຸດ.

ທ່ານ ມາຣຕິນ ຊູ​ລ ຫົວໜ້າ​ພັກ​ສັງຄົມ​ປະຊາທິປະ​ໄຕ​ກຳລັງ​ຫາ​ສຽງ​ໂຈມ​ຕີ​ທ່ານ​ນາງ ​ແມ​​ເຄິລ ​ເລື່ອງ​ຄວາມ​ບໍ່​ເທົ່າ​ທຽມ​ໃນ​ສັງຄົມ ​ແລະ ອັນຕະລາຍ​ຈາກ​ວິ​ກິດ​ຜູ້​ອົບ​ພະຍົບວ່າ: ​ເຢຍລະ​ມັນພວມ​ຈະ​ຊ້ຳຮອຍ​ປີ 2015 ທີ່​ຜູ້​ລີ້​ໄພ​ສົງຄາມ​ຊາວ​ຊີຣີຫລັ່ງ​ເຂົ້າປະ​ເທດ​ເກືອບ​ລ້ານ​ຄົນ ​ເຊິ່ງ​ເປັນ​ບັນຫາ​ທີ່​ສັ່ນ​ຄອນ​ນາງ ​ແມ​ເຄິລ ຫລາຍ​ທີ່​ສຸດ​ຕະຫລອດ​ການ​ດຳລົງ​ຕຳ​ແໜ່​ງມາ 12 ປີ.

- Wave100S AD to Website 2020 0 - ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4
- WhatsApp Image 2020 05 27 at 5 - ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4
- WhatsApp Image 2020 05 27 at 5 - ຕົວເລກເສດຖະກິດຮຸ່ງເຮືອງໜຸນໂອກາດທີ່ ນາງ ແມເຄິລ ຈະເປັນນາຍົກເຢຍລະມັນສະໄໝທີ 4
error: Alert: ເນື້ອຫາຂ່າວມີລິຂະສິດ !!