ອາເຊນອລ-ລີເວີພູລ ພ້ອມຍາດ, ຫລັງ ເຣນາໂຕ ຢາກຍ້າຍມາຫລິ້ນໃນພຣີເມຍລີກ
November 23, 2021 - 12:54 PM




ກອງກາງຊື່ດັງຊາວປັອກຕຸຍການ ຢືນຢັນ ບໍ່ໄດ້ປິດໂອກາດຍ້າຍທີມໃນໄລຍະລະດູການທີ່ຈະມາເຖິງນີ້ ຫລັງມີຂ່າວສອງທີມດັງແຫ່ງເວທີ ພຣີເມຍລີກ ພວມໄລ່ລ່າລາຍເຊັນໄປຮ່ວມທີມ.
ເຣນາໂຕ ຊານເຊສ ກອງກາງອາຍຸ 24 ປີຂອງ ລິລ ກັບມາເປັນນັກຕະເນື້ອຫອມອີກເທື່ອຫນຶ່ງ ຫລັງສ້າງຜົນງານໄດ້ຢ່າງໂດດເດັ່ນໃນລະດູການທີ່ຜ່ານມາ ຈົນຊ່ວຍໃຫ້ຕົ້ນສັງກັດກ້າວຂຶ້ນໄປຄວ້າແຊ໊ມ ລີກ ເອິງ ມາຄອງໄດ້ສຳເລັດ.
ໂດຍຜົນການງານອັນໂດດເດ່ັນນີ້ ເຮັດໃຫ້ມີຂ່າວວ່າ 3 ທີມດັງຂອງພຣີເມຍລີກ ທັງ ອາເຊນອລ, ວູບແຮມຕັນ ແລະ ລີເວີພູລ ຕ່າງໄດ້ໂຕໄປຮ່ວມທີມ ເພື່ອຍົກລະດັບກອງຫນ້າໃຫ້ດີຂຶ້ນກວ່າເກ່ົາ.
ເຮັດໃຫ້ຫລ້າສຸດ ເຣນາໂຕ ເປີດໃຈຜ່ານສື່ຊື່ດັງຂອງຝຣັ່ງວ່າ ພ້ອມແລ້ວສຳລັບການຍ້າຍໄປສູ່ລີກຊັ້ນນຳຂອງເອີຣົບອີກເທື່ອຫນຶ່ງ ຫລັງເຄີຍບໍ່ປະສົບຄວາມສຳເລັດ ລະຫວ່າງທີ່ຢູ່ກັບທີມບາເຢິນ ມິວນິກ ສະໄຫມທີ່ເປັນດາວຮຸ່ງ.