ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”

- 1637674210 91927 web 2021 11 23T202852 - ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”
- AGL banner - ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”

ນັກວິໄຈປອກຕຸຍການພັດທະນາວັກຊີນປ້ອງກັນໂຄວິດ-19 ຊະນິດຮັບປະທານທີ່ຈະມາໃນຮູບແບບຂອງໂຢເກີດ ຫລື ນ້ຳໝາກໄມ້, ຊີ້ມີຕົ້ນທຶນຕໍ່າກວ່າ ເຊິ່ງຈະຊ່ວຍໃຫ້ປະເທດທຸກຍາກເຂົ້າເຖິງໄດ້ງ່າຍຂຶ້ນ.

ວັນທີ 23 ພະຈິກ 2021, ສຳນັກຂ່າວຊິນຮົວລາຍງານວ່າ: ຄະນະນັກວິທະຍາສາດຈາກສະຖາບັນໂພລີເຕັກນິກປໍໂຕ (IPP) ຂອງປອກຕຸຍການ ກຳລັງພັດທະນາວັກຊີນປ້ອງກັນພະຍາດໂຄວິດ-19 ຊະນິດຮັບປະທານໃນຮູບແບບຂອງເຫລວເຊັ່ນ: ໂຢເກີດ ຫລື ນ້ຳໝາກໄມ້.

ທ່ານ ຣູເບນ ເຟີນານເດສ ຜູ້ປະສານງານໂຄງການອະທິບາຍວ່າ: ວັກຊີນດັ່ງກ່າວເຮັດມາຈາກພືດ ແລະ ໂປຣໄບໂອຕິກທີ່ມີຈຸລິນຊີດັດແປງພັນທຸກຳອັນເປັນປະໂຫຍດຕໍ່ສຸຂະພາບ ເຊິ່ງໂດຍປົກກະຕິແລ້ວໂປຣໄບໂອຕິກຈະເປັນຕົວກະຕຸ້ນພູມຕ້ານທານຕາມທຳມະຊາດ, ແຕ່ວ່າໃນກໍລະນີຂອງວັກຊີນຊະນິດນີ້ຈະຖືກກະຕຸ້ນໃຫ້ຜະລິດສານຊະນິດໃໝ່ທີ່ຊ່ວຍສ້າງພູມຕ້ານທານຕໍ່ເຊື້ອໂຄວິດ-19.

“ເຕັກໂນໂລຊີເບື້ອງຕົ້ນບໍ່ໄດ້ມາແທນເຕັກໂນໂລຊີປັດຈຸບັນ ຄວາມຕັ້ງໃຈຂອງເຮົາຄືກະຕຸ້ນການເຮັດວຽກຂອງລະບົບພູມຕ້ານທານ ເພື່ອໃຫ້ວັກຊີນທີ່ນຳໃຊ້ຢູ່ໃນປັດຈຸບັນເຮັດວຽກມີປະສິດທິພາບຫລາຍຂຶ້ນ” ທ່ານ ເຟີນານເດສ ລະບຸ.

ທ່ານ ເຟີນານເດສ ກ່າວວ່າ: ແນວຄິດການນຳໃຊ້ວັກຊີນໃນອາຫານເປັນສິ່ງທີ່ມີຢູ່ແລ້ວ. ຕົວຢ່າງເຊັ່ນການໃຊ້ວັກຊີນໃນມັນຝຣັ່ງ ເພື່ອຕໍ່ຕ້ານພະຍາດຕິດເຊື້ອເຊັ່ນ: ບາດທະຍັກ, ຄໍຕີບ, ໂນໂຣໄວຣັສ ແລະ ຕັບອັບເສບບີ.

“ນອກຈາກມັນຝຣັ່ງແລ້ວ ຍັງມີການຜະລິດວັກຊີນປ້ອງກັນພະຍາດຕັບອັກເສບບີໃນເຂົ້າ ແລະ ໝາກກ້ວຍນຳອີກ ລວມທັງວັກຊີນຊະນິດຮັບປະທານໄດ້ສຳລັບປ້ອງກັນພະຍາດຊາສ (ເຊິ່ງເປັນສາເຫດຂອງພະຍາດທາງເດີນຫາຍໃຈກະທັນຫັນຮຸນແຮງ) ກໍຖືກນຳມາຈັບຄູ່ກັບໝາກເລັ່ນເຊັ່ນດຽວກັນ”.

ທ່ານ ເຟີນານເດສ ກ່າວຕໍ່ໄປວ່າ: ຈົນເຖິງປັດຈຸບັນ ຄະນະນັກວິໄຈໄດ້ມີການທົດສອບແນວຄິດເບື້ອງຕົ້ນກັບພືດ ແລະ ໂປຣໄບໂອຕິກທີ່ມີແບກທີເຣຍບາງຊະນິດ ແລະ ໄດ້ຂໍ້ສະຫລຸບວ່າ: ເຕັກໂນໂລຊີການດັດແປງພັນທຸກຳນີ້ໄດ້ຜົນແທ້.

ສຳລັບຂັ້ນຕອນຕໍ່ໄປຄືການເລືອກພືດທີ່ນຳມາດັດແປງ ນອກເໜືອຈາກການເລືອກໂປຣໄບໂອຕິກ (ແບກທີເຣຍ) ດີທີ່ສຸດໃນຫລອດທົດລອງ ຈາກນັ້ນຈຶ່ງນຳໄປທົດລອງກັບສັດເປັນລຳດັບຕໍ່ໄປ.

ທັງນີ້, ນັກວິໄຈຄາດວ່າວັກຊີນຊະນິດຮັບປະທານໄດ້ຈະແຜ່ຫລາຍເປັນວົງກວ້າງໃນຊ່ວງຫົກເດືອນເຖິງໜຶ່ງປີຂ້າງໜ້າ ຂຶ້ນຢູ່ກັບເງິນທຶນທີ່ຈະໄດ້ຮັບຈາກອຸດສາຫະກຳອາຫານ ໂດຍມີເປົ້າໝາຍຄືການຜະລິດວັກຊີນທີ່ສາມາດຈຳໜ່າຍໃຫ້ປະຊາຊົນໃນຮູບແບບທີ່ຍືນຍົງ ແລະ ມີລາຄາຖືກ.

ທ່ານ ເຟີນານເດສ ກ່າວວ່າ: ການເຮັດໃຫ້ຮູບແບບການສ້າງພູມຕ້ານທານພະຍາດທີ່ງ່າຍຕໍ່ການເຂົ້າໃຈ ແລະ ນຳໃຊ້ ມີຂໍ້ດີທັງທາງຈະລິຍະທຳ, ເສດຖະກິດ ແລະ ການປິ່ນປົວ ໂດຍວັກຊີນດັ່ງກ່າວມີຕົ້ນທຶນການຜະລິດຕໍ່າກວ່າຫລາຍ ເຊິ່ງຈະເຮັດໃຫ້ປະເທດທຸກຍາກເຂົ້າເຖິງໄດ້ງ່າຍຂຶ້ນ.

“ຫລາຍຄົນອາດຍັງຢ້ານກົວວັກຊີນແບບສັກທົ່ວໄປ, ແຕ່ຂ້ອຍເຊື່ອວ່າພວກເຂົາຈະມັກດື່ມໂຢເກີດທີ່ມີໂປຣໄບໂອຕິກສຳລັບກະຕຸ້ນພູມຕ້ານທານ” ທ່ານ ເຟີນານເດສ ກ່າວ.

ອ້າງອີງ:

https://www.xinhuathai.com/high/244341_20211123

-    AD conten website - ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”
- lattana banner - ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”
- lattana banner 1 - ປອກຕຸຍການ ພັດທະນາວັກຊີນ ປ້ອງກັນໂຄວິດ-19 ຊະນິດຮັບປະທານ ໃນຮູບແບບ “ໂຢເກີດ-ນ້ຳໝາກໄມ້”
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!