ຣັດເຊຍຈະຕອບໂຕ້ໜັກຖ້າທ່ານ ທຣຳ ຜ່ານກົດໝາຍຂວ້ຳບາດຄັ້ງໃໝ່

- advert banner 728 90 728x90 - ຣັດເຊຍຈະຕອບໂຕ້ໜັກຖ້າທ່ານ ທຣຳ ຜ່ານກົດໝາຍຂວ້ຳບາດຄັ້ງໃໝ່

ສື່ຣັດ​ເຊຍ​ອ້າງ​ແຫ​ລ່ງຂ່າວ​ໃນ​ກະຊວງ​ຕ່າງປະ​ເທດ​ວ່າ: ລັດຖະບານຣັດ​ເຊຍ​ຈະ​ຕອບ​ໂຕ້​ໃຫ້​ສາ​ສົມ, ຖ້າ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ​ລົງ​ນາມ​ໃຫ້​ມາດ​ຕະການ​ຂວ້ຳບາດຣັດ​ເຊຍ​ຄັ້ງ​ໃໝ່​ມີ​ຜົນ​ບັງຄັບ​ໃຊ້​ເປັນ​ກົດໝາຍ.

ຄອມ​ເມີ​ແຊນ ​ເຊິ່ງ​ເປັນ​ໜັງສືພິມ​ລະດັບ​ປະ​ເທດ​ຂອງຣັດ​ເຊຍ​ອ້າງ​ແຫ​ລ່ງຂ່າວ​ວ່າ: ລັດຖະບານ​ອາດ​ຈະ​ຍຶດທີ່​ດິນ​ຂອງ​ອາ​ເມ​ລິ​ກາ​​ໃນ​ນະຄອນຫລວງ​ມົດ​ສະ​ກູ ​ແລະ ​ສາງຂອງ​ສະຖານທູດ​ອາ​ເມ​ລິ​ກາ ລວມທັງ​ຂັບ​ໄລ່​ນັກ​ການ​ທູດ​ອາ​ເມ​ລິ​ກາ 35 ຄົນ ຄື​ລັດຖະບານ​ອາ​ເມ​ລິ​ກາສະ​ໄໝ​ປະທານາທິບໍດີ ບາຣັກ ​ໂອ​ບາ​ມາ ສັ່ງ​ຂັບ​ໄລ່​ນັກ​ການ​ທູດຣັດ​ເຊຍ​ໃນ​ເດືອນ​ທັນວາ​ປີ​ກ່ອນ ຫລັງ​ໜ່ວຍ​ຂ່າວ​ອາ​ເມ​ລິ​ກາລະ​ບຸ​ວ່າ: ຣັດ​ເຊຍ​ແຊກ​ແຊງ​ເລືອກ​ຕັ້ງອາ​ເມ​ລິ​ກາ. ນອກຈາກ​ນີ້ ຣັດ​ເຊຍ​ຍັງ​ອາດ​ຈຳກັດ​ຈຳນວນ​ເຈົ້າໜ້າ​ທີ່​ການ​ທູດ​ອາ​ເມ​ລິ​ກາ​ຢູ່​ນະຄອນຫລວງ​ມົດ​ສະ​ກູ ຖ້າ​ມີ​ຈຳນວນ​ຫລາຍ​ກວ່າ​ເຈົ້າໜ້າ​ທີ່​ການ​ທູດຣັດ​ເຊຍ​ຢູ່ນະຄອນຫລວງ​ວໍ​ຊິງ​ຕັນ.

- 1 1 - ຣັດເຊຍຈະຕອບໂຕ້ໜັກຖ້າທ່ານ ທຣຳ ຜ່ານກົດໝາຍຂວ້ຳບາດຄັ້ງໃໝ່
- Tiger Head 728x90 - ຣັດເຊຍຈະຕອບໂຕ້ໜັກຖ້າທ່ານ ທຣຳ ຜ່ານກົດໝາຍຂວ້ຳບາດຄັ້ງໃໝ່

​ເຖິງ​ຢ່າງ​ໃດ​ກໍ​ດີ, ລາຍ​ງານ​ອ້າງ​ນັກທຸລະກິດ ​ແລະ ນັກວິ​ເຄາະ​ວ່າ: ຣັດ​ເຊຍ​ສາມາດ​ສ້າງ​ຄວາມ​ເສຍ​ຫາຍ​ຕໍ່​ເສດຖະກິດ​ອາ​ເມ​ລິ​ກາ​ໄດ້​ຢ່າງຈຳກັດ​ເທົ່າ​ນັ້ນ, ​ແຕ່​ຖ້າ​ຈະ​ຈຳກັດ​ການ​ເຮັດ​ທຸລະ​ກິດ​ຂອງ​ອາ​ເມ​ລິ​ກາ​ໃນຣັດ​ເຊຍ​ອາດ​ຈະ​ສົ່ງ​ຜົນ​ຫລາຍ​ກວ່າ ​ເນື່ອງ​ຈາກ​ບໍລິສັດ​ອາ​ເມ​ລິ​ກາ​ຄອງ​ສ່ວນ​ແບ່ງ​ສຳຄັນ​ໃນ​ຕະຫລາດ​ສິນຄ້າ​ອຸປະ​ໂພ​ກ-ບໍລິ​ໂພ​ກ, ​ໄອ​ທີ ​ແລະ ຢາ​ຂອງຣັດ​ເຊຍ.

error: Content is protected !!