ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ

- www - ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ
- AGL banner - ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ

ສ.ເກົາຫລີ ທຸບສະຖິຕິພົບຜູ້ຕິດເຊື້ອວັນດຽວສູງເຖິງ 4.116 ຄົນ. ຂະນະທີ່ຈຳນວນຜູ້ຕິດເຊື້ອວິກິດໃນປະເທດສູງສຸດເປັນປະຫວັດການ ຫລັງເລີ່ມຜ່ອນຄາຍລັອກດາວພາຍໃຕ້ມາດຕະການຢູ່ຮ່ວມກັບໂຄວິດ-19.

ວັນທີ 24 ພະຈິກ 2021, ສຳນັກຂ່າວຢອນຮັບລາຍງານໂດຍອ້າງຂໍ້ມູນຈາກສູນຄວບຄຸມ ແລະ ປ້ອງກັນພະຍາດຂອງ ສ.ເກົາຫລີ (KDCA) ວ່າ: ພົບຜູ້ຕິດເຊື້ອໂຄວິດ-19 ໃໝ່ຈຳນວນ 4.116 ຄົນ ເຊິ່ງເປັນຈຳນວນຜູ້ຕິດເຊື້ອລາຍວັນສູງສຸດນັບແຕ່ກວດພົບຜູ້ຕິດເຊື້ອເປັນຄັ້ງທຳອິດໃນປະເທດໃນເດືອນມັງກອນປີຜ່ານມາ ສົ່ງຜົນໃຫ້ປັດຈຸບັນ ສ.ເກົາຫລີ ມີຜູ້ຕິດເຊື້ອໂຄວິດ-19 ສະສົມທັງໝົດ 425.065 ຄົນ.

ນອກຈາກນີ້, ຈຳນວນຜູ້ຕິດເຊື້ອໂຄວິດ-19 ຂັ້ນວິກິດຍັງເພີ່ມຂຶ້ນເຖິງ 586 ຄົນ ເຊິ່ງເປັນຕົວເລກສູງສຸດເປັນປະຫວັດການເຊັ່ນດຽວກັນ. ຂະນະທີ່ຈຳນວນຜູ້ເສຍຊີວິດເພີ່ມຂຶ້ນ 35 ຄົນ ຖືເປັນການພົບຜູ້ເສຍຊີວິດລາຍວັນສູງສຸດນັບແຕ່ ສ.ເກົາຫລີ ຜະເຊີນການແຜ່ລະບາດຮອບ 4 ຊຸກຍອດລວມຜູ້ເສຍຊີວິດສະສົມໃນປະເທດເພີ່ມຂຶ້ນເປັນ 3.363 ຄົນ ໂດຍມີອັດຕາການເສຍຊີວິດຢູ່ທີ່ 0,79%.

ລາຍງານຂອງຢອນຮັບລະບຸວ່າ: ສ.ເກົາຫລີ ພົບຜູ້ຕິດເຊື້ອໂຄວິດ-19 ໃໝ່ເພີ່ມຂຶ້ນຕໍ່ເນື່ອງ ຫລັງຈາກລັດຖະບານໄດ້ຜ່ອນຄາຍມາດຕະການຄວບຄຸມການແຜ່ລະບາດພາຍໃຕ້ນະໂຍບາຍ “ຢູ່ຮ່ວມກັບໂຄວິດ-19” ເຊິ່ງແບ່ງອອກເປັນ 3 ໄລຍະ ໂດຍຈະຄ່ອຍໆໃຫ້ປະຊາຊົນກັບມາໃຊ້ຊີວິດຕາມປົກກະຕິເຊັ່ນດຽວກັບໃນຊ່ວງເວລາກ່ອນເກີດການແຜ່ລະບາດ.

ສ່ວນນາຍົກລັດຖະມົນຕີ ຄິມ ບູ-ຢອມ ໄດ້ອອກມາຮຽກຮ້ອງໃຫ້ເຈົ້າໜ້າທີ່ສາທາລະນະສຸກເລັ່ງສະຫລຸບມາດຕະການຄວບຄຸມການລະບາດຮອບໃໝ່ ໂດຍສະເພາະໃນນະຄອນຫລວງເຊອຸນ ເຊິ່ງສະຖານະການເຂົ້າຂັ້ນວິກິດ ພ້ອມຈະປະກາດແຜນການສຸກເສີນໄດ້ທຸກເວລາ.

ນາຍົກລັດຖະມົນຕີ ສ.ເກົາຫລີ ຍັງແນະນຳໃຫ້ໜ່ວຍງານສາທາລະນະສຸກຈັດປະເພດຜູ້ຕິດເຊື້ອຕາມຄວາມຮຸນແຮງຂອງອາການ ໂດຍຜູ້ຕິດເຊື້ອທີ່ມີອາການບໍ່ຮຸນແຮງ ຫລື ບໍ່ສະແດງອາການໃຫ້ໃຊ້ວິທີປິ່ນປົວເອງຢູ່ເຮືອນເພື່ອຫລຸດພາລະຂອງລະບົບສາທາລະນະສຸກ.

ຂະນະທີ່ KDCA ລະບຸວ່າ: ອາດມີການປະກາດແຜນການສຸກເສີນ ຖ້າຈຳນວນຜູ້ຕິດເຊື້ອໜັກໃນຫ້ອງໄອຊີຢູເກີນ 75% ຂອງຕຽງທັງໝົດທີ່ມີຢູ່ທົ່ວປະເທດ ຫລື ຂຶ້ນຢູ່ກັບການປະເມີນຄວາມສ່ຽງກ່ຽວກັບສະຖານະການໂຄວິດ-19 ໃນກໍລະນີທີ່ພິຈາລະນາແລ້ວວ່າບຸກຄະລາກອນການແພດອາດບໍ່ພຽງພໍ ຫລື ມີຈຳນວນຜູ້ຕິດເຊື້ອສູງອາຍຸເພີ່ມຂຶ້ນ.

ເຖິງຢ່າງໃດກໍຕາມ, ຈາກລາຍງານຂອງສຳນັກຂ່າວຣອຍເຕີ ເຊິ່ງອ້າງການເປີດເຜີຍຂອງເຈົ້າໜ້າທີ່ຈາກກະຊວງສາທາລະນະສຸກ ສ.ເກົາຫລີ ພົບວ່າ: ປັດຈຸບັນມີຜູ້ຕິດເຊື້ອທີ່ປິ່ນປົວຢູ່ຫ້ອງໄອຊີຢູທົ່ວປະເທດປະມານ 69% ຂອງຈຳນວນຕຽງທີ່ມີຢູ່ທັງໝົດ, ແຕ່ໃນພື້ນທີ່ນະຄອນຫລວງເຊອຸນ ແລະ ເຂດໃກ້ຄຽງມີຜູ້ຕິດເຊື້ອຄອງຕຽງໃນຫ້ອງໄອຊີຢູໄປແລ້ວສູງເຖິງ 83% ສົ່ງຜົນໃຫ້ເຈົ້າໜ້າທີ່ກຳລັງເລັ່ງຫາຕຽງເພີ່ມເພື່ອຮອງຮັບຄວາມຕ້ອງການຢ່າງຮີບດ່ວນ.

ທັງນີ້, ສ.ເກົາຫລີ ເປັນໜຶ່ງໃນປະເທດທຳອິດຂອງໂລກທີ່ມີຜູ້ຕິດເຊື້ອໂຄວິດ-19 ຈຳນວນຫລາຍນັບແຕ່ເກີດການແຜ່ລະບາດໃນປະເທດເມື່ອປີຜ່ານມາ ໂດຍປັດຈຸບັນມີປະຊາຊົນທີ່ໄດ້ຮັບວັກຊີນປ້ອງກັນໂຄວິດ-19 ຄົບສອງເຂັມແລ້ວຄິດເປັນອັດຕາສ່ວນ 79,1% ຈາກປະຊາຊົນທັງໝົດ 52 ລ້ານຄົນ. ຂະນະທີ່ 4,1% ໄດ້ຮັບການສັກວັກຊີນເຂັມກະຕຸ້ນຮຽບຮ້ອຍແລ້ວ.

ອ້າງອີງ:

https://en.yna.co.kr/view/AEN20211124002051320

https://www.reuters.com/…/south-korea-reports-daily…/

- lattana banner - ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ
- lattana banner 1 - ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ
-    AD conten website - ສ.ເກົາຫລີ ຕິດໂຄວິດເພີ່ມກວ່າ 4.000 ຄົນ ທຸບສະຖິຕິພົບຜູ້ຕິດເຊື້ອລາຍວັນສູງສຸດ ຫລັງເລີ່ມມາດຕະການຜ່ອນຄາຍລັອກດາວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!