ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ

- 261084756 614640116651359 1099441633782706961 n - ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ
- AGL banner - ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ

ໃນວັນທີ 25 ພະຈິກ 2021 ນີ້, ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ນຳພາຄະນະຜູ້ແທນລາວເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຜ່ານລະບົບກອງປະຊຸມທາງໄກ.

ກອງປະຊຸມຄັ້ງ​ນີ້ ຈະດຳເນີນໃນລະຫວ່າງ ວັນທີ 25-26 ພະຈິກ 2021 ພາຍໃຕ້ການເປັນປະທານຂອງ ສົມເດັດ ຮຸນເຊັນ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ ຊຶ່ງໄດ້ກໍານົດຫົວຂໍ້ກອງປະຊຸມໃນຄັ້ງນີ້ແມ່ນ: “ສ້າງຄວາມເຂັ້ມແຂງການຮ່ວມມືຫລາຍຝ່າຍ ເພື່ອການຈະເລີນເຕີບໂຕຮ່ວມກັນ” ແລະ ມີບັນດາຜູ້ນຳຈາກຄູ່ຮ່ວມມື 51 ປະເທດ ແລະ 2 ອົງການຈັດຕັ້ງສາກົນ ຈາກພາກພື້ນອາຊີ ແລະ ເອີຣົບ ເຂົ້າຮ່ວມ.

ກອງປະຊຸມຄັ້ງດັ່ງກ່າວ ຈັດຂຶ້ນທ່າມກາງທີ່ປະຊາຄົມໂລກ ກຳລັງປະເຊີນໜ້າກັບການແຜ່ລະບາດຂອງເຊື້ອພະຍາດໂຄວິດ-19 ຊຶ່ງໄດ້ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມ ແລະ ການດຳລົງຊີວິດຂອງປະຊາຊົນ ຂອງສອງພາກພື້ນອາຊີ-ເອີຣົບ ກໍຄືໃນໂລກ. ກອງປະຊຸມໄດ້ຍົກເອົາຫລາຍຫົວຂໍ້ພົ້ນເດັ່ນຂຶ້ນມາປຶກສາຫາລື ເພື່ອເປີດໂອກາດໃຫ້ບັນດາສະມາຊິກອາເຊັມໄດ້ແລກປ່ຽນຄຳຄິດຄຳເຫັນຕໍ່ກັບບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເພື່ອສະທ້ອນໃຫ້ເຫັນເຖິງຄວາມມຸ່ງໝັ້ນໃນການຮ່ວມມືຂອງຄູ່ຮ່ວມມືອາເຊັມ ໃນການສ້າງຄວາມເຂັ້ມແຂງໃຫ້ແກ່ກົນໄກການຮ່ວມມືຫລາຍຝ່າຍ ທີ່ສາມາດຮັດແໜ້ນການຮ່ວມມື ອາຊີ-ເອີຣົບ ເພື່ອສັນຕິພາບ ແລະ ຄວາມສົມບູນພູນສຸກຮ່ວມກັນ ຂອງສອງພາກພື້ນ ແລະ ທົ່ວໂລກ. ພ້ອມນີ້, ກໍສຸມໃສ່ປຶກສາຫາລືການຟື້ນຟູເສດຖະກິດ-ສັງຄົມຈາກຜົນກະທົບຂອງການແຜ່ລະບາດຂອງເຊື້ອພະຍາດໂຄວິດ-19 ໃນສອງພາກພື້ນ.

ກອງປະຊຸມສຸດຍອດ ອາຊີ-ເອີຣົບ ຖືກສ້າງຕັ້ງຂຶ້ນໃນປີ 1996 ແລະ ໄດ້ວາງເປົ້າໝາຍເພື່ອເພີ່ມທະວີຄວາມເຂົ້າໃຈຊຶ່ງກັນ ແລະ ກັນ, ສົ່ງເສີມ ແລະ ຮັດແໜ້ນການຮ່ວມມື ລະຫວ່າງ ອາຊີ-ເອີຣົບ ໂດຍຜ່ານການປຶກສາຫາລື, ສ້າງເງື່ອນໄຂທີ່ເໝາະສົມ ເພື່ອພັດທະນາເສດຖະກິດ-ສັງຄົມ ແນໃສ່ຮັດແໜ້ນການຮ່ວມມືອັນດີ ລະຫວ່າງສອງພາກພື້ນ ອາຊີ-ເອີຣົບ.

ຂ່າວ-ພາບ: ຫ​ສນຍ

 

- lattana banner - ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ
-    AD conten website - ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ
- lattana banner 1 - ກອງປະຊຸມສຸດຍອດອາຊີ-ເອີຣົບ ຄັ້ງທີ 13 ໄດ້ເປີດຂຶ້ນຢ່າງເປັນທາງການ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!