ລັດຖະມົນຕີ ຜທ ລົງຊຸກຍູ້ວຽກງານພັດທະນາເສດຖະກິດຢູ່ແຂວງເຊກອງ

- advert banner 728 90 728x90 - ລັດຖະມົນຕີ ຜທ ລົງຊຸກຍູ້ວຽກງານພັດທະນາເສດຖະກິດຢູ່ແຂວງເຊກອງ

ໃນວັນທີ 24 ກໍລະກົດນີ້ ທ່ານ ສຸພັນ ແກ້ວມີໄຊ ລັດຖະມົນ ຕີກະຊວງແຜນການ ແລະ ການ ລົງທຶນ (ຜທ) ໄດ້ລົງເຜີຍແຜ່, ແນະນຳ ແລະ ຊຸກຍູ້ການຈັດຕັ້ງ ປະຕິບັດແຜນ ພັດທະນາ ເສດຖະກິດ-ສັງຄົມ, ກໍຄືການສະຫລຸບ 6 ເດືອນຕົ້ນປີ, ວຽກງານຈຸດສຸມ 6 ເດືອນທ້າຍປີ 2017 ແລະ ກະ ກຽມສ້າງແຜນປະຈໍາປີ 2018 ຢູ່ແຂວງເຊກອງ, ໂດຍມີທ່ານ ເຫລັກໄຫລ ສີວິໄລ ຮອງເຈົ້າ ແຂວງເຊກອງ, ແລະ ຄະນະໃຫ້ ການຕ້ອນຮັບຢ່າງອົບອຸ່ນ.

- new3 - ລັດຖະມົນຕີ ຜທ ລົງຊຸກຍູ້ວຽກງານພັດທະນາເສດຖະກິດຢູ່ແຂວງເຊກອງ

 

 

 

+ ລັດຖະມົນຕີຕ່າງປະເທດເຄື່ອນໄຫວເຮັດວຽກຢູ່ແຂວງບໍ່ແກ້ວ

+ ຮອງນາຍົກລັດຖະມົນຕີລົງຊຸກຍູ້ການເກັບລາຍຮັບຢູ່ແຂວງບໍລິຄຳໄຊ

+ ອົງການໄອຍະການແຂວງເຊກອງ ດຳເນີນຊີວິດການເມືອງປັບປຸງປົວແປງພັກ

- lattana 1 - ລັດຖະມົນຕີ ຜທ ລົງຊຸກຍູ້ວຽກງານພັດທະນາເສດຖະກິດຢູ່ແຂວງເຊກອງ

 

 

ທ່ານ ທອງຄຳ ມະນີວົງ ຫົວໜ້າພະແນກແຜນການ ແລະ ການລົງທຶນ ແຂວງເຊກອງ ໄດ້ ລາຍງານວ່າ: ໃນ 6 ເດືອນຕົ້ນ ປີ 2017 ນີ້ ການຈັດຕັ້ງປະຕິ ບັດແຜນພັດທະນາເສດຖະກິດ- ສັງຄົມ ແລະ ໂຄງການລົງທຶນ ຂອງແຂວງ ມີທ່າອາຽງດີຂຶ້ນ ເລື້ອຍໆ ເຮັດໃຫ້ອັດຕາການ ຂະຫຍາຍຕົວເສດຖະກິດຂອງ ແຂວງເພີ່ມຂຶ້ນທຽບໃສ່ປີຜ່ານ ມາ ແລະ ຄາດຄະເນໝົດປີ 2017 ຈະບັນລຸຕາມແຜນທີ່ວາງໄວ້ຄື: ອັດຕາການຂະຫຍາຍຕົວ GDP ເພີ່ມຂຶ້ນ 9,0%, ສະເລ່ຍຕໍ່ຫົວ ຄົນບັນລຸໄດ້ 12 ລ້ານກວ່າກີບ ຫລື 1.590 ໂດລາສະຫະລັດ; ສາມາດເກັບລາຍຮັບເຂົ້າງົບ ປະມານພູດຂອງແຂວງໄດ້ 22 ຕື້ ກວ່າກີບ, ທຽບໃສ່ແຜນການ ປະຕິບັດໄດ້ 32,32% ແລະ ປະ ຕິບັດລາຍຈ່າຍງົບປະມານໄດ້ 127,68 ຕື້ກີບ, ທຽບໃສ່ແຜນ ປີປະຕິບັດໄດ້ 31,69%; ການ ນຳເຂົ້າສິນຄ້າປະຕິບັດໄດ້ 41 ລ້ານໂດລາສະຫະລັດ, ປະຕິບັດ ລື່ນແຜນທີ່ວາງໄວ້ໃນປີ 2017 ເກືອບ 3 ເທົ່າຕົວ. ສາຍເຫດທີ່ ພາ ໃຫ້ສິນຄ້ານໍາເຂົ້າເພີ່ມຂຶ້ນ ສ່ວນໃຫຍ່ແມ່ນການນໍາເຂົ້າ ເຄື່ອງກົນຈັກ ທີ່ນຳມາສ້ອມ ແປງເຂື່ອນໄຟຟ້າ ເຊຂະໝານ 3, ພາຫະນະ ແລະ ເຄື່ອງມືຮັບ ໃຊ້ການຜະລິດ ແລະ ການສົ່ງ ອອກສິນຄ້າບັນລຸໄດ້ 8,18 ລ້ານ ໂດລາທຽບໃສ່ແຜນປະຕິບັດ ໄດ້ 39,37%.

ດ້ານການລົງທຶນຂອງລັດ ໃນປີ 2017 ສະພາແຫ່ງຊາດ ໄດ້ອະນຸມັດໂຄງການລົງທຶນ ຂອງລັດ ໃຫ້ແຂວງເຊກອງ ລວມທັງໝົດ 286 ໂຄງການ, ມີມູນຄ່າລວມທັງໝົດ 198,43 ຕື້ກີບ,ໃນນັ້ນມີທຶນຕ່າງປະເທດ 10 ໂຄງການ, ມູນຄ່າ 75,59 ຕື້ກີບ, ທຶນພາຍໃນ 276 ໂຄງ ການ, ມູນຄ່າ 122,84 ຕື້ກີບ; ໂຄງການສະເໜີໃໝ່ 63 ໂຄງ ການ, ມູນຄ່າ 6,37 ຕື້ກີບ, ໂຄງ ການສືບຕໍ່ 105 ໂຄງການ, ມູນ ຄ່າ 169,73 ຕື້ກີບ ແລະ ໂຄງ ການປະຕິບັດໜ້າວຽກສໍາເລັດ 100% ມີ 118 ໂຄງການ, ມູນ ຄ່າ 22,324 ຕື້ກີບ, ປັດຈຸບັນ ສາມາດຈັດປະຕິບັດໄດ້ 285 ໂຄງການ.

ໃນໂອກາດນີ້, ທ່ານ ສຸພັນ ແກ້ວມີໄຊ ໄດ້ຍ້ອງຍໍຊົມເຊີຍຕໍ່ ຜົນງານທີ່ແຂວງເຊກອງຍາດ ມາໄດ້ ແລະ ຮຽກຮ້ອງໃຫ້ພະ ແນກແຜນການເກັບກໍາຂໍ້ມູນ ຄືນໃຫ້ລະອຽດຈະແຈ້ງກວ່າ ເກົ່ານຳບັນດາຂະແໜງການ ທີ່ກ່ຽວຂ້ອງ ແລະ ໃຫ້ກວດກາ ຄືນກ່ຽວກັບຕົວເລກທີ່ປະຕິບັດ ໄດ້ ແລະ ຕົວເລກຄາດໝາຍວ່າ ຖືກຕ້ອງແທດເໝາະກັບວຽກ ງານຕົວຈິງທີ່ຂະແໜງການ ຕົນປະຕິບັດ. ທັງນີ້, ເພື່ອເປັນ ຕົວຊີ້ວັດພື້ນຖານຄາດຄະເນໃນ ຊຸມປີຕໍ່ໜ້າ ໂດຍສະເພາະຕົວ ເລກລາຍຮັບຕໍ່ບຸຄົນ, ຕົວເລກຊັບ ສິນ, ຕົວເລກຄວາມສ່ຽງທາງ ດ້ານເສດຖະກິດ; ນອກນີ້ ທ່ານ ຍັງໄດ້ແນະນຳຕື່ມກ່ຽວກັບການສ້າງແຜນການ ປະຈໍາປີ 2018 ໂດຍໃຫ້ສຸມໃສ່ບູລິມະສິດ ແກ້ໄຂ ຄວາມ ທຸກຍາກຂອງປະຊາຊົນ, ການພັດທະນາຊັບພະຍາກອນມະນຸດ, ການພັດທະນາດ້ານ ພື້ນຖານໂຄງລ່າງຕາມທ່າແຮງ ບົ່ມຊ້ອນຂອງແຂວງຕິດພັນ ກັບການຍົກລະດັບລາຍຮັບ ຂອງປະຊາຊົນ.

error: Content is protected !!