ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ

- 211124 magdalena andersson jm 1215 6ddb99 scaled - ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ
- AGL banner - ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ

    ວັນທີ 24 ພະຈິກ 2021, ສຳນັກຂ່າວຕ່າງປະເທດລາຍງານວ່າ: ທ່ານ ນາງ ມັກດາເລນາ ແອນເດິສັນ ນາຍົກລັດຖະມົນຕີຜູ້ຍິງຄົນທຳອິດຂອງສະວີເດນລາອອກຈາກຕຳແໜ່ງຜູ້ນຳປະເທດ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ ເນື່ອງຈາກພັກກຣີນ ໜຶ່ງໃນສອງພັກຮ່ວມລັດຖະບານ ຕັດສິນໃຈຖອນຕົວ.

ນາງ ແອສນເດິສັນ ຄາດຫວັງວ່າ: ນາງຈະໄດ້ຮັບການແຕ່ງຕັ້ງໃຫ້ດຳລົງຕຳແໜ່ງນາຍົກລັດຖະມົນຕີອີກໃນຖານະຜູ້ນຳພັກລັດຖະບານດຽວທີ່ມີບ່ອນນັ່ງໃນສະພາ 100 ບ່ອນນັ່ງ ຈາກທັງໝົດ 349 ບ່ອນນັ່ງ ກ່ອນໜ້າການເລືອກຕັ້ງທົ່ວໄປຄັ້ງສຳຄັນຈະເກີດຂຶ້ນໃນວັນທີ 11 ກັນຍາ 2022 ໂດຍລັດຖະທຳມະນູນສະວີເດນລະບຸວ່າ: ນາຍົກລັດຖະມົນຕີຈະໄດ້ຮັບການແຕ່ງຕັ້ງ ແລະ ບໍລິຫານປະເທດກໍຕໍ່ເມື່ອໄດ້ຮັບສຽງສ່ວນຫລາຍໃນລັດຖະສະພາ (ໂດຍຕ້ອງມີສຽງສະໜັບສະໜູນຢ່າງໜ້ອຍ 175 ບ່ອນນັ່ງ).

ສາເຫດທີ່ພັກກຣີນຕັດສິນໃຈຖອນຕົວ ເປັນຜົນມາຈາກຮ່າງງົບປະມານຂອງລັດຖະບານບໍ່ໄດ້ຮັບສຽງສະໜັບສະໜູນເທົ່າກັບຮ່າງງົບປະມານຂອງບັນດາພັກຝ່າຍຄ້ານທີ່ໄດ້ຮັບມະຕິສະໜັບສະໜູນ 154-143 ສຽງ ສົ່ງຜົນໃຫ້ເກີດສະພາບສູນຍາກາດທາງການເມືອງ ຫລັງຈາກພັກກຣີນຖອນຕົວຈາກພັກຮ່ວມລັດຖະບານ.

ທາງດ້ານທ່ານ ແອນເດຍ ນໍເລນ ປະທານລັດຖະສະພາສະວີເດນຈະຟ້າວຫາລືກັບບັນດາຫົວໜ້າພັກການເມືອງທັງ 8 ພັກ ກ່ອນຈະປະກາດເຖິງກ້າວຕໍ່ໄປຂອງລັດຖະສະພາວ່າຈະດຳເນີນໄປໃນທິດທາງໃດ.

ໂດຍກ່ອນໜ້ານີ້, ສະມາຊິກລັດຖະສະພາ 117 ທ່ານສະໜັບສະໜູນນາງ ແອນເດິສັນ ຂຶ້ນດຳລົງຕຳແໜ່ງນາຍົກລັດຖະມົນຕີຜູ້ຍິງຄົນທຳອິດຂອງສະວີເດນ. ຂະນະທີ່ 174 ທ່ານປະຕິເສດການແຕ່ງຕັ້ງນາງ ແລະ 57 ທ່ານງົດອອກສຽງ. ອີກ 1 ທ່ານ ບໍ່ເຂົ້າຮ່ວມການລົງມະຕິດັ່ງກ່າວ ເຊິ່ງການສະເໜີຊື່ນາງເກີດຂຶ້ນຫລັງຈາກນາງກ້າວຂຶ້ນຮັບຕຳແໜ່ງຫົວໜ້າພັກລັດຖະບານ ຄືພັກສັງຄົມນິຍົມປະຊາທິປະໄຕ (SAP) ພັກການເມືອງທີ່ເກົ່າແກ່ ແລະ ໃຫຍ່ທີ່ສຸດໃນສະວີເດນ ຕໍ່ຈາກທ່ານ ສະເຕຟານ ເລີເວນ ນາຍົກລັດຖະມົນຕີສະວີເດນ ທີ່ປະກາດລາອອກຈາກຕຳແໜ່ງ ແລະ ຮັກສາການຜູ້ນຳປະເທດນັບແຕ່ວັນທີ 10 ພະຈິກຜ່ານມາ.

ອ້າງອີງ:

- lattana banner 1 - ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ
-    AD conten website - ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ
- lattana banner - ນາຍົກລັດຖະມົນຕີຜູ້ຍິງຄົນທຳອິດ ຂອງສະວີເດນລາອອກຈາກຕຳແໜ່ງ ຫລັງໄດ້ຮັບການແຕ່ງຕັ້ງພຽງບໍ່ເທົ່າໃດຊົ່ວໂມງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!