ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19

- 260630 e1637892738341 - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
- AGL banner - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
 ໃນວັນທີ 25 ພະຈິກ 2021 ທີ່ ຫໍປະຊຸມແຫ່ງຊາດ, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຜ່ານລະບົບກອງປະຊຸມທາງໄກ ພາຍໃຕ້ຫົວຂໍ້: “ສ້າງຄວາມເຂັ້ມແຂງການຮ່ວມມືຫລາຍຝ່າຍ ເພື່ອການຈະເລີນເຕີບໂຕຮ່ວມກັນ”. ກອງປະຊຸມຄັ້ງນີ້ ໄດ້ຈັດຂຶ້ນໂດຍການເປັນປະທານຂອງ ສົມເດັດ ອັກຄະມະຫາ ເສນາບໍດີ ເຕໂຈ ຮຸນເຊນ ນາຍົກລັດຖະມົນຕີ ແຫ່ງ ຣາຊາອານາຈັກກຳປູເຈຍ ແລະ ມີບັນດາຜູ້ນຳຈາກຄູ່ຮ່ວມມື 51 ປະເທດ ແລະ 2 ອົງການຈັດຕັ້ງສາກົນ ຈາກພາກພື້ນອາຊີ ແລະ ເອີຣົບ ເຂົ້າຮ່ວມຢ່າງພ້.
ກອງປະຊຸມໄດ້ດຳເນີນໄປດ້ວຍບັນຍາກາດທີ່ດີ ໂດຍໄດ້ຍົກເອົາຫລາຍຫົວຂໍ້ຂຶ້ນມາປຶກສາຫາລືຮ່ວມກັນ ໂດຍສະເພາະ ໝາກຜົນຂອງການຮ່ວມມືອາຊີ-ເອີຣົບ ໃນໄລຍະຜ່ານມາ ທີ່ໄດ້ນໍາເອົາຜົນປະໂຫຍດມາສູ່ສອງພາກພື້ນອາຊີ-ເອີຣົບ ໂດຍຜ່ານບັນດາໂຄງການ ແລະ ແຜນງານຕ່າງໆ ທີ່ບັນດາປະເທດຄູ່ຮ່ວມມືໄດ້ຮ່ວມກັນຈັດຕັ້ງປະຕິບັດ.
ພ້ອມກັນນັ້ນ, ບັນດາຜູ້ນໍາ ຍັງໄດ້ປຶກສາຫາລື ແລະ ແລກປ່ຽນຄຳຄິດເຫັນ ເພື່ອວາງທິດທາງການຮ່ວມມືໃນຕໍ່ໜ້າ ໂດຍສະເພາະການຮ່ວມມືໃນການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ
ຈາກການແພ່ລະບາດຂອງເຊື້ອພະຍາດໂຄວິດ-19 ໃນທົ່ວໂລກ ເພື່ອປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ສາມາດປັບຕົວໄດ້ເຂົ້າກັບສະພາບວິຖີຊີວິດແບບໃໝ່ ໄດ້ຢ່າງມີປະສິດທິຜົນ.
อาจเป็นรูปภาพของ 1 คน และ กำลังยืน  - 260645622 1772709886266117 1262087980793543914 n - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
ໃນໂອກາດດັ່ງກ່າວ, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ກໍໄດ້ປະກອບຄຳເຫັນໃນຫົວຂໍ້: “ການພັດທະນາ ແລະ ການຟື້ນຟູເສດຖະກິດ-ສັງຄົມ ພາຍຫລັງການແພ່ລະບາດຂອງເຊື້ອພະຍາດໂຄວິດ-19” ເຊິ່ງໄດ້ເນັ້ນເຖິງຄວາມສຳຄັນຂອງການຮ່ວມມື ແລະ ການຊ່ວຍເຫລືອເຊິ່ງກັນ ແລະ ກັນ ລະຫວ່າງສອງພາກພື້ນອາຊີ-ເອີຣົບ ເພື່ອແກ້ໄຂຜົນກະທົບຂອງການແພ່ລະບາດຂອງເຊື້ອພະຍາດໂຄວິດ-19 ແລະ ຟື້ນຟູເສດຖະກິດ-ສັງຄົມ ໃຫ້ສາມາດເຕີບໃຫຍ່ຂະຫຍາຍຕົວໂດຍໄວ ແນໃສ່ເພີ່ມທະວີການຊ່ວຍເຫລືອດ້ານເຕັກນິກວິທະຍາສາດ, ການແລກປ່ຽນຂໍ້ມູນຂ່າວສານການແພດ ແລະ ການສ້າງຄວາມເຂັ້ມແຂງດ້ານສາທາລະນະສຸກ ເພື່ອຮັບປະກັນໃຫ້ປະຊາຊົນສາມາດເຂົ້າເຖິງລະບົບສາທາລະນະສຸກທີ່ທັນສະໄໝ ລວມທັງການເຂົ້າເຖິງຢາປົວພະຍາດ ແລະ ການສະໜອງວັກຊິນໃຫ້ພຽງພໍ ແລະ ທົ່ວເຖິງ.
ນອກຈາກນີ້, ທ່ານ ນາຍົກລັດຖະມົນຕີ ຍັງໄດ້ເນັ້ນເຖິງຄວາມສຳຄັນການຮ່ວມມືດ້ານລະບົບຂົນສົ່ງທີ່ທັນສະໄໝ ເພື່ອຟື້ນຟູການໄປມາຫາສູ່ກັນ ລະຫວ່າງປະຊາຊົນ, ຟື້ນຟູຕ່ອງໂສ້ເສດຖະກິດໂລກ, ສົ່ງເສີມການຮ່ວມມືດ້ານການຄ້າ, ການລົງທຶນ, ການທ່ອງທ່ຽວ, ການຊ່ວຍເຫລືອບັນດາຫົວໜ່ວຍວິສາຫະກິດຂະໜາດນ້ອຍ ແລະ ກາງ ໃຫ້ມີຄວາມເຂັ້ມ ແຂງ ໃຫ້ສາມາດເຂົ້າເຖິງຕະຫລາດ ແລະ ແຫລ່ງທຶນ ແລະ ການຮ່ວມມືດ້ານເສດຖະກິດດີຈິຕອນ ໂດຍໝູນໃຊ້ເຕັກໂນໂລຊີ ແລະ ນະວັດຕະກໍາທັນສະໄໝ ເພື່ອອໍານວຍຄວາມສະດວກດ້ານການຄ້າ-ການລົງທຶນ ແລະ ການໄປມາຫາສູ່ຂອງປະຊາຊົນ ຂອງສອງພາກພື້ນ.
- lattana banner 1 - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
- lattana banner - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
-    AD conten website - ນາຍົກ ເຂົ້າຮ່ວມກອງປະຊຸມສຸດຍອດອາຊີ-ເອີຣົບ ຄັ້ງທີ 13 ຫາລືການຟື້ນຟູ ແລະ ພັດທະນາເສດຖະກິດ-ສັງຄົມຮອບດ້ານ ຈາກການແພ່ລະບາດໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!