ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ

- d5a38dd7 e979 455d afe6 2e37b61dd0a2 - ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ
- AGL banner - ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ

ວັນທີ 23 ພະຈິກ 2021 ທີ່ຜ່ານມາ ພະແນກການເງິນ ແຂວງບໍ່ແກ້ວ ໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳ ຂອງກະຊວງການເງິນຂື້ນ ໂດຍການເປັນປະທານຂອງທ່ານ ປອ ພູທະນູເພັດ ໄຊສົມບັດ ຮອງລັດຖະມົນຕີ ກະຊວງການເງິນ ພ້ອມດ້ວຍຄະນະຈາກກະຊວງການເງິນ, ມີທ່ານ ປອ ບົວຄົງ ນາມມະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວ, ມີຫົວໜ້າ-ຮອງຫົວຫນ້າ ພະແນກການອ້ອມຂ້າງແຂວງ ພ້ອມດ້ວຍພະນັກງານຂົງເຂດການເງິນເຂົ້າຮ່ວມ.

ສໍາລັບເອກະສານທີ່ເຊື່ອມຊຶມໃນຄັ້ງນີ້ ປະກອບມີ: ຄຳສັ່ງເລກທີ 18/ນຍ, ລົງວັນທີ 16 ກັນຍາ 2021 ວ່າດ້ວຍການເພີ່ມທະວີ ແລະ ຕ້ານການຮົ່ວໄຫຼ ຂອງລາຍຮັບງົບປະມານແຫ່ງລັດ. ຄໍາສັ່ງ ສະບັບເລກທີ 20/ນຍ, ລົງວັນທີ 08.10.2021 ວ່າດ້ວຍການກວດກາ ແລະ ການປະຕິບັດມາດຕະການຕໍ່ຜູ້ທີ່ນໍາເຂົ້າ ແລະ ນໍາໃຊ້ຍານພາຫະນະ ທຸກປະເພດ ແບບບໍ່ຖືກຕ້ອງ. ຄໍາແນະນໍາ ແລະ ແຈ້ງການຂອງກະຊວງການເງິນ. ແຈ້ງການສະບັບເລກທີ 4490/ນຍ, ລົງວັນທີ 14 ກັນຍາ 2021 ວ່າດ້ວຍການຄຸ້ມຄອງ, ຊຸກຍູ້ສົ່ງເສີມ ອຳນວຍຄວາມສະດວກ ດ້ານພາສີ-ອາກອນ ຕໍ່ຫົວໜ່ວຍທຸລະກິດນໍາເຂົ້າ-ສົ່ງອອກ ແລະ ເຄື່ອງຂອງ. ແຈ້ງການສະບັບເລກທີ 4491/ນຍ, ລົງວັນທີ 14 ກັນຍາ 2021 ກ່ຽວກັບການຄຸ້ມຄອງການນໍາເຂົ້ານໍ້າມັນເຊື້ອໄຟ. ຄໍາແນະນໍາ ສະບັບເລກທີ 5320, ລົງວັນທີ 22 ຕຸລາ 2021 ວ່າດ້ວຍການຈັດຕັ້ງຜັນຂະຫຍາຍຄໍາສັ່ງ ຂອງນາຍົກລັດຖະມົນຕີສະບັບເລກທີ 20/ນຍ ກ່ຽວກັບການກວດກາ ແລະ ປະຕິບັດມາດຕະການຕໍ່ຜູ້ນໍາເຂົ້າ ແລະ ນໍາໃຊ້ຍານພາຫະນະທຸກປະເພດແບບບໍ່ຖືກຕ້ອງ.

ຄຳແນະນໍາສະບັບເລກທີ 5642/ກງ, ລົງວັນທີ 10 ພະຈິກ 2021 ວ່າດ້ວຍການເພີ່ມທະວີການຄຸ້ມຄອງສົ່ງອອກໄມ້ ແລະ ຜະລິດຕະພັນໄມ້. ຂໍ້ຕົກລົງ ສະບັບເລກທີ 61/ນຍ, ລົງວັນທີ 21 ມິຖຸນາ 2021 ວ່າດ້ວຍການກໍານົດເງື່ອນໄຂໃນການເຈລະຈາສັນຍາຂຸດຄົ້ນ, ປຸງແຕ່ງ ແລະ ສົ່ງອອກແຮ່ທາດ. ແຈ້ງການ ສະບັບເລກທີ 2084/ກງ, ລົງວັນທີ 31 ເມສາ 2021 ກ່ຽວກັບມາດຕະການຄຸ້ມຄອງ ແລະ ປະຕິບັດລາຍຈ່າຍງົບປະມານ ໄລຍະການແຜ່ລະບາດຂອງພະຍາດໂຄວິດ-19 ປີ 2021. ແຈ້ງການ ສະບັບເລກທີ 2551/ຫກງ, ລົງວັນທີ 26 ຕຸລາ 2021 ກ່ຽວກັບການປິດຮັບເອກະສານລາຍຈ່າຍງົບປະມານແຫ່ງລັດ, ການສະຫຼຸບງົບປະມານບັນຊີ ແລະ ການສົ່ງບົດສະຫຼຸບລາຍງານການເງິນ ປະຈຳປີ 2021. ບົດແນະນຳ ເລກທີ 5229/ຄຊລ, ກ່ຽວກັບການປິດສະຫຼຸບງົປປະມານ-ບັນຊີ, ການສະຫຼຸບຂາດຕົວງົບປະມານ ແລະ ການຍົກຍອດບັນຊີ ປີ 2021 ໃນລະບົບຄັງເງິນ.

ທັງນີ້, ກໍ່ເພື່ອຈັດຕັ້ງຜັນຂະຫຍາຍ ມະຕິກອງປະຊຸມສະພາແຫ່ງຊາດ ກ່ຽວກັບການຮັບຮອງເອົາທິດທາງແຜນງົບປະມານແຫ່ງລັດ 5 ປີ (2021-2025) ແລະ ປະຕິບັດຕາມວາລະແຫ່ງຊາດ ໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ; ເພື່ອສ້າງຄວາມເປັນເອກະພາບລະດັບສູງ ຕໍ່ເນື້ອໃນຈິດໃຈຊີ້ນໍາ ແລະ ມີຄວາມຕັດສິນໃຈເດັດດ່ຽວ ໃນການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫຼ ຂອງລາຍຮັບງົບປະມານແຫ່ງລັດ ຢູ່ໃນຄວາມຮັບຜິດຊອບຂອງບັນດາກະຊວງ, ອົງການລັດທຽບເທົ່າກະຊວງ ນະຄອນຫຼວງວຽງຈັນ ແລະ ບັນດາແຂວງ, ບັນດາຂະແໜງການຂັ້ນສູນກາງ ແລະ ທ້ອງຖິ່ນ ໃນຂອບເຂດທົ່ວ ປະເທດ.

-    AD conten website - ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ
- lattana banner - ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ
- lattana banner 1 - ພະແນກການເງິນ ແຂວງບໍ່ແກ້ວ ເຊື່ອມຊຶມເອກະສານວາລະແຫ່ງຊາດ ແລະ ຄຳສັ່ງ ແນະນຳຂອງກະຊວງການເງິນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!