ສານຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ ເນື່ອງໃນໂອກາດວັນສາກົນ ຕ້ານການຄ້າມະນຸດ 30 ກໍລະກົດ.

- advert banner 728 90 728x90 - ສານຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ ເນື່ອງໃນໂອກາດວັນສາກົນ ຕ້ານການຄ້າມະນຸດ 30 ກໍລະກົດ.

ໃນບັນຍາກາດທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ພວມຕັ້ງໜ້າຜັນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ເຂົ້າສູ່ວຽກງານຕົວຈິງຂອງແຕ່ລະຂະແໜງການ ແລະ ທ້ອງຖິ່ນຢ່າງເປັນຂະບວນຟົດຟື້ນ. ຂະນະດຽວກັນ, ສປປ ລາວ ພ້ອມກັບບັນດາປະເທດໃນໂລກກໍໄດ້ສະເຫລີມສະຫລອງວັນສາກົນຕ້ານການຄ້າມະນຸດໃນວັນທີ 30 ກໍລະກົດ 2017 ທີ່ໜູນວຽນມາອີກວາລະໜຶ່ງ ແລະ ໃນບໍ່ດົນນີ້, ສປປ ລາວ ກໍຈະໄດ້ຮັບກຽດເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸໂສອາຊຽນກ່ຽວກັບການຕ້ານອາຊະຍາກໍາຂ້າມຊາດ (SOMTC) ຄັ້ງທີ 14 ແລະ ກອງປະຊຸມສໍາຄັນປິ່ນອ້ອມອື່ນໆ, ທັງກະກຽມໃຫ້ແກ່ບັ້ນໂຄສະນາຜົນຮ້າຍຂອງການຄ້າມະນຸດລຽບຕາມຊາຍແດນ ແລະ ບ່ອນທີ່ມີຄວາມສ່ຽງຈາກການຄ້າມະນຸດ, ຊຶ່ງຈະເປີດຂຶ້ນໃນເດືອນສິງຫາທີ່ຈະເຖິງນີ້.

- new3 - ສານຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ ເນື່ອງໃນໂອກາດວັນສາກົນ ຕ້ານການຄ້າມະນຸດ 30 ກໍລະກົດ.

ຄືພວກເຮົາຮູ້ນໍາກັນແລ້ວວ່າ, ການຄ້າມະນຸດແມ່ນອາຊະຍາກໍາທີ່ຫຍໍ້ທໍ້ໜຶ່ງ ທີ່ເກີດຂຶ້ນໃນສັງຄົມ ແລະ ມີລັກສະນະຂ້າມຊາດ, ການຄ້າມະນຸດໄດ້ລະເມີດສິດທິພື້ນຖານຂອງພົນລະເມືອງທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍພາຍໃນປະເທດ ກໍຄືສົນທິສັນຍາສາກົນທີ່ ສປປ ລາວ ໄດ້ເຂົ້າເປັນພາຄີ,  ທັງສົ່ງຜົນກະທົບທາງລົບຕໍ່ການພັດທະນາເສດຖະກິດ-ສັງຄົມ, ສະຖຽນລະພາບ ແລະ ຄວາມໝັ້ນຄົງຂອງບັນດາປະເທດກໍຄືໃນໂລກ.

ສຳລັບ ສປປ ລາວ ກໍເປັນປະເທດໜຶ່ງທີ່ຍັງມີສະພາບຫຍໍ້ທໍ້ກ່ຽວກັບການຄ້າມະນຸດ, ໃນໄລຍະຜ່ານມາ, ສປປ ລາວ ສ່ວນຫລາຍເປັນປະເທດຕົ້ນທາງຂອງການຄ້າມະນຸດ. ຕໍ່ບັນຫາດັ່ງກ່າວຍາມໃດພັກ-ລັດຖະບານ ກໍໄດ້ໃຫ້ຄວາມສໍາຄັນ ແລະ ເອົາໃຈໃສ່ຕໍ່ການຕ້ານ ແລະ ສະກັດກັ້ນ, ໃຫ້ການປົກປ້ອງຊ່ວຍເຫລືອຜູ້ຖືກເຄາະຮ້າຍ ແລະ ໄດ້ດໍາເນີນຄະດີຕໍ່ຜູ້ກະທໍາຜິດສະຖານການຄ້າມະນຸດຢ່າງເຂັ້ມງວດ, ໂດຍໄດ້ມີແນວທາງນະໂຍບາຍ, ມີກົດໝາຍວ່າດ້ວຍການຕ້ານການຄ້າມະນຸດເປັນອັນສະເພາະ, ມີແຜນດໍາເນີນງານແຫ່ງຊາດວ່າດ້ວຍການສະກັດກັ້ນ ແລະ ຕ້ານການຄ້າມະນຸດໃນໄລຍະ 2 ແຕ່ປີ 2017-2020 ແລະ ໄດ້ສະເໜີຂໍງົບປະມານໃນການຈັດຕັ້ງປະຕິບັດແຜນງານດັ່ງກ່າວ ລວມທັງມີກົນໄກການຈັດຕັ້ງຮັບຜິດຊອບວຽກງານສະກັດກັ້ນ ແລະ ຕ້ານການຄ້າມະນຸດແຕ່ສູນກາງລົງຮອດທ້ອງຖິ່ນ, ໂດຍແມ່ນກະຊວງປ້ອງກັນຄວາມສະຫງົບເປັນໃຈກາງ. ນອກນັ້ນ, ສປປ ລາວ ໄດ້ເຂົ້າເປັນພາຄີ ແລະ ໃຫ້ສັດຕະຍາບັນສົນທິສັນຍາສາກົນຫລາຍສະບັບ ເປັນຕົ້ນ: ສົນທິສັນຍາວ່າດ້ວຍສິດທິມະນຸດ, ສົນທິສັນຍາວ່າດ້ວຍການຕ້ານອາຊະຍາກໍາຂ້າມຊາດແບບມີການຈັດຕັ້ງ, ສົນທິສັນຍາວ່າດ້ວຍແຮງງານ, ສົນທິສັນຍາວ່າດ້ວຍການລົບລ້າງການເປັນຂ້າທາດ, ການຄ້າຂາຍຜູ້ເປັນທາດ, ສະຖາບັນ ແລະ ການກະທຳທີ່ມີລັກສະນະຄ້າຍຄືທາດ, ສົນທິສັນຍາວ່າດ້ວຍການລົບລ້າງທຸກຮູບແບບການຈໍາແນກຕໍ່ແມ່ຍິງ, ສົນທິສັນຍາວ່າດ້ວຍສິດທິເດັກ, ອານຸສັນຍາວ່າດ້ວຍການສະກັດກັ້ນ, ປາບປາມແລະ ລົງໂທດການຄ້າມະນຸດໂດຍສະເພາະແມ່ຍິງ-ເດັກນ້ອຍ, ທັງໄດ້ມີການພົວພັນຮ່ວມມືກັບປະເທດເພື່ອນມິດໃນໂລກ, ອົງການຈັດຕັ້ງສາກົນ, ການຮ່ວມມືແບບສອງຝ່າຍ ແລະ ຫລາຍຝ່າຍ ລວມທັງການຮ່ວມມືໃນກອບຂອງອາຊຽນ ແລະ ສາກົນໃນການສະກັດກັ້ນ ແລະ ຕ້ານການຄ້າມະນຸດ.

ສປປ ລາວ ໃນຖານະເປັນພາຄີຂອງວົງຄະນາຍາດສາກົນ ເວລາໃດລັດຖະບານ ກໍຖືສຳຄັນວຽກງານສະກັດກັ້ນ ແລະ ຕ້ານການຄ້າມະນຸດ ກໍຄືອາຊະຍາກຳອື່ນໆ, ເພື່ອສືບຕໍ່ຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ເສດຖະກິດ, ວັດທະນະທຳໄດ້ຮັບການພັດທະນາຢ່າງຕໍ່ເນື່ອງ ແລະ ສັງຄົມມີຄວາມສະຫງົບເປັນລະບຽບຮຽບຮ້ອຍ. ເນື່ອງໃນໂອກາດສະເຫລີມສະຫລອງວັນສາກົນຕ້ານການຄ້າມະນຸດທີ່ໝູນວຽນມາຄົບຮອບອີກວາລະໜຶ່ງ, ໃນນາມຕາງໜ້າລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າຂໍຮຽກຮ້ອງມາຍັງທຸກການຈັດຕັ້ງພັກ-ລັດຖະບານ, ແນວລາວສ້າງຊາດ ແລະ ອົງການຈັດຕັ້ງມະຫາຊົນ, ບັນດາຫົວໜ່ວຍທຸລະກິດພາກລັດ ແລະ ເອກະຊົນທັງພາຍໃນ ແລະ ຕ່າງປະເທດ, ຕະຫລອດຮອດພີ່ນ້ອງຮ່ວມຊາດທຸກທົ່ວໜ້າ ຈົ່ງເພີ່ມທະວີຄວາມເປັນເຈົ້າການໃນການສະກັດກັ້ນ ແລະ ຕ້ານການຄ້າມະນຸດ ໂດຍເລີ່ມຈາກຕົນເອງ, ຄອບຄົວ, ຊຸມຊົນ, ການຈັດຕັ້ງທຸກພາກສ່ວນນັບແຕ່ຂັ້ນສູນກາງຮອດທ້ອງຖິ່ນຮາກຖານບ້ານ ເພື່ອໃຫ້ພົນລະເມືອງທຸກຄົນເຫັນໄດ້ຄວາມອັນຕະລາຍ ແລະ ມີສະຕິລະວັງຕົວ ເພື່ອບໍ່ໃຫ້ຕົກເປັນເຫຍື່ອຂອງການຄ້າມະນຸດ.

- lattana 1 - ສານຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ ເນື່ອງໃນໂອກາດວັນສາກົນ ຕ້ານການຄ້າມະນຸດ 30 ກໍລະກົດ.

ອີກເທື່ອໜຶ່ງ, ຂ້າພະເຈົ້າຂໍຖືເອົາໂອກາດນີ້ແຈ້ງມາຍັງພີ່ນ້ອງຮ່ວມຊາດຊາບວ່າ: ວັນທີ 29 ກໍລະກົດນີ້, ຄະນະກໍາມະການຕ້ານການຄ້າມະນຸດລະດັບຊາດ ຮ່ວມກັບກະຊວງປ້ອງກັນຄວາມສະຫງົບ ຈະໄດ້ມີລາຍການໂທລະພາບ“ປະຊາຮ່ວມໃຈຕ້ານໄພຄ້າມະນຸດ” ທາງສະຖານີໂທລະພາບກະຊວງປ້ອງກັນຄວາມສະຫງົບ ແລະ ລາຍການວິທະຍຸ “ຮ່ວມໃຈຕ້ານການຄ້າມະນຸດ” ທາງສະຖານີວິທະຍຸກະຊວງປ້ອງກັນຄວາມສະຫງົບ.

ສຸດທ້າຍນີ້, ຂ້າພະເຈົ້າຂໍຮຽກຮ້ອງມາຍັງພີ່ນ້ອງຮ່ວມຊາດທຸກທົ່ວໜ້າຈົ່ງຮ່ວມແຮງຮ່ວມໃຈເປັນເຈົ້າການຕອບໂຕ້ ແລະ ຍົກສູງຄວາມຮັບຜິດຊອບຂອງຕົນໃນການສ້າງຂະບວນການຕ້ານການຄ້າມະນຸດໃຫ້ເປັນຂະບວນການທີ່ຟົດຟື້ນ ແລະ ເພີ່ມທະວີຄວາມຮັບຜິດຊອບຂອງຕົນໃນການຜັນຂະຫຍາຍແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ສົນທິສັນຍາສາກົນກ່ຽວກັບການຕ້ານການຄ້າມະນຸດທີ່ ສປປ ລາວເຂົ້າເປັນພາຄີໃຫ້ມີປະສິດທິຜົນສູງກວ່າເກົ່າ ເພື່ອພ້ອມກັນສະກັດກັ້ນ ແລະ ຕ້ານການຄ້າມະນຸດໃຫ້ໝົດໄປ.

error: Content is protected !!