ກິນໝາກມ່ວງຫິມະພານຊ່ວຍຄວບຄຸມນ້ຳໜັກ – ຕ້ານເບົາຫວານ

- advert banner 728 90 728x90 - ກິນໝາກມ່ວງຫິມະພານຊ່ວຍຄວບຄຸມນ້ຳໜັກ – ຕ້ານເບົາຫວານ

ໝາກມ່ວງຫິມະຫານເປັນໝາກໄມ້ຊະນິດດຽວທີ່ມີແກ່ນຢູ່ນອກໝາກ ໂດຍແກ່ນມີຮູບຮ່າງຄ້າຍໝາກໄຂ່ຫລັງຍື່ນອອກມາ ຈາກປາຍໝາກ.

- new3 - ກິນໝາກມ່ວງຫິມະພານຊ່ວຍຄວບຄຸມນ້ຳໜັກ – ຕ້ານເບົາຫວານ

ແກ່ນໝາກມ່ວງຫິມະພານຖືເປັນອາຫານກິນຫລິ້ນປະເພດຖົ່ວທີ່ມີວຽກງານວິໄຈສະໜັບສະໜູນວ່າຫາກກິນທົດແທນເຂົ້າໜົມ ເຊິ່ງມີສ່ວນປະກອບຂອງນຳ້ຕານ ແລະ ໄຂມັນເປັນສ່ວນປະສົມປະລິມານຫລາຍ ຈະຊ່ວຍຄວບຄຸມນຳ້ໜັກບໍ່ໃຫ້ເພີ່ມຂຶ້ນໄດ້.

Journal of Obesity ສຳຫລວດພົບການປ່ຽນແປງນຳ້ໜັກຂອງຄົນແອດສະປາຍ ຫລັງຈາກກິນແກ່ນໝາກມ່ວງຫິມະພານ ພົບວ່າ : ຜູ້ທີ່ກິນແກ່ນໝາກມ່ວງຫິມະພານ ຫລື ຖົ່ວຊະນິດຕ່າງໆຢ່າງໜ້ອຍອາທິດລະ 2 ເທື່ອ ມີໂອກາດນຳ້ໜັກໂຕເພີ່ມຂຶ້ນໜ້ອຍກ່ວາຜູ້ທີ່ບໍ່ກິນເຖິງ 31%.

ອາດເວົ້າໄດ້ວ່າແກ່ນໝາກມ່ວງຫິມະພານອຸດົມໄປດ້ວຍໄຍອາຫານ ແລະ ໄຂມັນດີ ກິນແລ້ວຢູ່ທ້ອງ ທັງຍັງໃຫ້ພະລັງງານຕໍ່າ ກ່ວາເຂົ້າໜົມແປຮູບທ່ີມີສ່ວນປະສົມຂອງນຳ້ຕານ ແລະ ໄຂມັນ ເຊິ່ງໃຫ້ພະລັງງານສູງ ຈຶ່ງຊ່ວຍຄວບຄຸມນຳ້ໜັກໂຕໄດ້.

- lattana 1 - ກິນໝາກມ່ວງຫິມະພານຊ່ວຍຄວບຄຸມນ້ຳໜັກ – ຕ້ານເບົາຫວານ

ນອກຈາກນີ້, ມະຫາວິທະຍາໄລມອນທຣີລ University of Montreal ປະເທດການາດາ ຕີພິມຜົນການວິໄຈໃນ The Journal Molecular Nutrition & Food Research ໂດຍລະບຸວ່າ ສານສະກັດຈາກແກ່ນໝາກມ່ວງຫິມະພານມີປະສິດທິພາບໃນການຕ້ານພະຍາດເບົາຫວານ ໂດຍສາມາດກະຕຸ້ນໃຫ້ເກີດການລຳລຽງນຳ້ຕານເຂົ້າສູ່ແຊນກ້າມຊີ້ນເພີ່ມຂຶ້ນ, ມີຜົນຄວບຄຸມລະດັບນຳ້ຕານໃນເລືອດ ແລະ ປ້ອງກັນການດື້ຕໍ່ອິນຊູລິນ.

ຍອດໝາກມ່ວງຫິມະພານນິຍົມເອົາມາກິນເປັນຜັກກັບ, ມີສັບພະຄຸນຊ່ວຍໃຫ້ນານເຖົ້າ  ໂດຍ 21 ກຣາມ ມີສານແອນຕີອັອກຊິແດນຫລາຍຊະນິດໃນປະລິມານຫລາຍໄດ້ແກ່ : ໂພລິຟີນອນ 861 ມິນລີກຣາມ, ໄຊຍານິດິນ 7,84 ມິນລີກຣາມ ແລະ ພີໂອນິດິນ 0,16 ມິນລີກຣາມ. ໜັງສືໂພຊະນາການກັບຜັກ ສະຖາບັນໂພຊະນາການ ລະບຸວ່າ : ຍອດໝາກມ່ວງຫິມະພານມີປະສິດທິພາບໃນການຕ້ານຟຣີແຣດິເຄິລສູງຫລາຍ ມີຄ່າ ORAC (Oxygen Radical Absorbance Capacity) ສູງເຖິງ 7,278 ໄມໂຄຣໂມລທີອີ (ຄ່າ ORAC  ຍິ່ງສູງຍິ່ງສະແດງວ່າມີປະສິດທິພາບໃນການຕ້ານຟຣີແຣດິເຄິລຫລາຍ) ຈຶ່ງຊ່ວຍປົກປ້ອງແຊນຈາກການຖືກທຳລາຍ ແລະ ຕ້ານຄວາມເສື່ອມຂອງອະໄວຍະວະຕ່າງໆ ເຊິ່ງເປັນສາເຫດຂອງຄວາມເຖົ້າໄດ້.

error: Content is protected !!