ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

- advert banner 728 90 728x90 - ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

- 1024x10241 - ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

- new3 - ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

ລັດຖະບານມຽນມາ​ຂໍ​ການ​ຊ່ວຍ​ເຫລືອ​ຈາກ​ອົງການ​ອະນ​າ​ໄມ​​ໂລກ ​ໃນ​ການ​ຄວບ​ຄຸມ​ສະຖານະ​ການ​ການ​ແຜ່​ລະບາດ​ຂອງ​ເຊື້ອ​ໄວຣັດ​ໄຂ້ຫວັດ​ໃຫຍ່ H1N1 ທີ່​ຂ້າ​ຊີວິດ​ປະຊາຊົນ​ແລ້ວ 6 ຄົນ ນັບ​ແຕ່​ຕົ້ນ​ເດືອນ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 28 ກໍລະກົດ​ນີ້​ວ່າ: ກະຊວງ​ສາທາລະນະ​ສຸກ ​ແລະ ກິລາຂອງ​ມຽນມາ ອອກ​ຖະ​ແຫລ​ງການ​ໃນ​ວັນ​ທີ 27 ກໍລະກົດ ພົບ​ຜູ້​ເສຍ​ຊີວິດ​ຈາກ​ການ​ຕິ​ດ​ເຊື້ອ​ໄວຣັດ​​ໄຂ້ຫວັດ​ໃຫຍ່​ສາຍ​ພັນ H1N1 ຫລື ຮູ້ຈັກ​ໃນ​ຊື່​ໜຶ່ງ​ວ່າ: ​ໄຂ້ຫວັດ​ໝູ ​ເປັນ​ເດັກ​ຜູ້ຍິງ​ອາຍຸ 5 ປີ 2 ຄົນ ​ເສຍ​ຊີວິດ​ຢູ່​ໂຮງໝໍ​ເດັກ​ຢາງ​ກຸ້ງ ​ໃນ​ວັນ​ທີ 25 ກໍລະກົດ ​ແລະ ຜູ້​ຊາຍ​ອີກ 2 ຄົນ ​ເສຍ​ຊີວິດ​ລະຫວ່າງ​ວັນ​ທີ 26 ​ແລະ 27 ກໍລະກົດ ຢູ່​ໂຮງໝໍ​ຂອງ​ລັດ​ໃນ​ເມືອງ​ຢາງ​ກຸ້ງ​ເຊັ່ນ​ກັນ ​ເພີ່ມ​ຈຳນວນ​ຜູ້​ເສຍ​ຊີວິດ​ເປັນ​ຢ່າງ​ໜ້ອຍ 6 ຄົນ ​ແລະ ສະຖິຕິ​ຜູ້​ຕິດ​ເຊື້ອ​ເພີ່ມ​ເປັນ​ຫລາຍ​ກວ່າ 30 ຄົນ​ແລ້ວ.

- 1024x1024 1 - ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

- lattana 1 - ມຽນມາຂໍໃຫ້ອົງການອະນາໄມໂລກ ຊ່ວຍຄວບຄຸມການລະບາດໄຂ້ຫວັດໃຫຍ່

ທັງ​ນີ້ ຈຳນວນ​ຜູ້​ເສຍ​ຊີວິດ ​ແລະ ຜູ້​ຕິດ​ເຊື້ອສ່ວນ​ຫລາຍ​ຢູ່​ເມືອງ​ຢາງ​ກຸ້ງ ​ເຊິ່ງ​ເປັນ​ເມືອງ​ຂະໜາດ​ໃຫຍ່​ທີ່​ສຸດ​ຂອງ​ມຽນມາ, ​ແຕ່​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ຄົນ​ທຳ​ອິດ ​ເຊິ່ງມີ​ການ​ລາຍ​ງານ​ໃນຕົ້ນ​ເດືອນ​ນີ້ ​ເປັນ​ເດັກ​ຜູ້​ຊາຍ​ອາຍຸ 8 ປີ ອາ​ໄສ​ຢູ່​ເມືອງ​ມະຕູ​ປິ ​ໃນ​ລັດ​ຊິນ ທີ່ຢູ່​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ. ​ເຖິງ​ຢ່າງ​ໃດ​ກໍ​ຕາມ ມຽນມາ​ຜະ​ເຊີນ​ການ​ແຜ່​ລະບາດ​ຂອງ​ເຊື້ອ​ໄວຣັດ​​ໄຂ້​ຫວັດ​ໃຫຍ່​ຊະນິດ​ນີ້​ມາ​ແຕ່​ປີ 2009 ​ໂດຍ​ພົບ​ຜູ້​ຕິດ​ເຊື້ອຈົນ​ຮອດ​ທ້າຍ​ປີຜ່ານມາ​ທັງ​ໝົດ 456 ຄົນ ​ແລະ ພົບ​ຜູ້​ເສ​ຍຊີວິດ​ສະ​ເພາະ​ປີຜ່ານມາ 9 ຄົນ.

ຂະນະ​ທີ່​ທ່ານ ຕັນ ຕຸ​ນ ອອງ ຮອງ​ຜູ້ອຳນວຍການ​ສຳນັກງານ​ປ້ອງ​ກັນ ​ແລະ ຄວບ​ຄຸມພະ​ຍາດຕິ​ດ​ເຊື້ອຂອງ​ມຽນມາ ກ່າວ​ວ່າ: ລັດຖະບານ​ໄດ້​ຍື່ນ​ເລື່ອງ​ຂໍ​ຮັບ​ການ​ຊ່ວຍ​ເຫລືອ​ຈາກ​ອົງການ​ອະນາ​ໄມ​ໂລກ (WHO) ​ໃນ​ການ​ຫາ​ທາງ​ຄວບ​ຄຸມ​ສະຖານະ​ການ​ການ​ແຜ່​ລະບາດ​ຂອງ​ໄວຣັດ​ໃຫຍ່ ​ໂດຍ​ເປັນ​ການ​ຂໍ​ການ​ຊ່ວຍ​ເຫລືອ​ດ້ານ​ວັກ​ແຊງ, ຢາ​ປິ່ນປົວ ​ແລະ ອຸປະກອນ​ກວດ​ພະຍາດ​ສຳລັບ​ບຸກຄະລາ​ກອນ​ທາງ​ການ​ແພດ.

error: Content is protected !!