ລາຍລະອຽດຜູ້ເສຍຊີວິດໃໝ່ຈາກໂຄວິດ-19 ໃນ ສປປ ລາວ 5 ຄົນ ໃນວັນທີ 9 ທັນວາ 2021

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ລາຍງານກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງ ລາຍລະອຽດຜູ້ເສຍຊີວິດ ປະຈໍາວັນທີ 9 ທັນວາ 2021 ນີ້ວ່າ: ປັດຈະບັນຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 83,294 ຄົນ, ເສຍຊີວິດສະສົມ 224 ຄົນ (ໃໝ່ 5), ປິ່ນປົວຫາຍດີ ແລະ ກັບບ້ານໃນມື້ວານ ມີ 751 ຄົນ, ກໍາລັງປິ່ນປົວ 12,151 ຄົນ.

• ລາຍລະອຽດຜູ້ເສຍຊີວິດໃໝ່ 05 ຄົນ ມີດັ່ງນີ້:

 1). ເພດຊາຍ, ອາຍຸ 55 ປີ,   ບ້ານ ຫ້ວຍຊາຍໃຕ້,  ເມືອງ ຫ້ວຍຊາຍ,  ແຂວງ ບໍ່ແກ້ວ

–ພະຍາດປະຈຳຕົວ: ເບົາຫວານ

-ບໍ່ໄດ້ສັກຢາກັນພະຍາດໂຄວິດ 19

-ວັນທີ 3 ທັນວາ 2021: ກວດພົບເຊື້ອ covid-19

-ເບື້ອງຕົ້ນນອນຕິດຕາມປິ່ນປົວຢູ່ບ້ານ ຮອດວັນທີ 07 ທັນວາ 2021 ເວລາ 4 ໂມງເຊົ້າ ໄດ້ເຂົ້າມານອນໂຮງໝໍຍ້ອນມີອາການໄອ, ຫັນໃຈຝືດແຮງ, ນອນພຽງບໍ່ໄດ້ ແລະ ໄດ້ຮັບເຂົ້ານອນຫ້ອງມໍລະສຸມ

-ໄລຍະທີ່ນອນປີ່ນປົວຢູ່ໂຮງຫມໍ ວັນທີ່ 07-08 ທັນວາ 2021, ເປັນເວລາ 2 ມື້

-ມາຮອດເວລາ 10:30 ນາທີ ຂອງວັນທີ 08 ທັນວາ 2021: ຄົນເຈັບ ໄດ້ເສຍຊີວິດ

2).  ເພດຍິງ ອາຍຸ 67 ປີ, ຢູ່ບ້ານ ດົງ, ເມືອງ ທຸລະຄົມ  ແຂວງ ວຽງຈັນ (ນັບເປັນຄົນເຈັບນະຄອນຫລວງ)

-ພະຍາດປະຈໍາຕົວ: ຄວາມດັນເລືອດສູງ, ເບົາຫວານ ແລະ ເກົາ

-ໄດ້ສັກຢາກັນພະຍາດໂຄວິດ 19 ຄົບໂດສ

-ເຂົ້າມາໂຮງໝໍມະໂຫສົດ ເວລາ 12:47 ນາທີ ຂອງວັນທີ 06 ທັນວາ 2021 ແລະ ໄດ້ນໍາສົ່ງມາໂຮງໝໍເຊດຖາທິຣາດວັນທີ 07 ທັນວາ 2021 ເວລາ 14:45 ນາທີ ດ້ວຍອາການໜັກ ແລະ ມາຮອດເວລາ 19:20 ນາທີ ຂອງວັນທີ 08 ທັນວາ 2021: ຄົນເຈັບ ໄດ້ເສຍຊີິວິດ.

 

3). ເພດຍິງ, ອາຍຸ 51 ປີ, ບ້ານຊຽງຍືນ, ເມືອງຈັນທະບູລີ, ນະຄອນຫລວງ

-ພະຍາດປະຈຳຕົວ: ຄວາມດັນເລືອດສູງ ແລະ ເບົາຫວານ ມາໄດ້ 5 ປີ ກິນຢາປະຈໍາ

-ໄດ້ສັກຢາກັນພະຍາດໂຄວິດ-19 ຄົບໂດສ

-ວັນທີ 25 ພະຈິກ 2021: ກວດພົບເຊື້ອ covid-19

-ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ທີ່ 25 ພະຈິກ 2021-08 ທັນວາ 2021, ລວມເປັນ 14 ວັນ

-ເວລາ 05:10 ນາທີ ຂອງວັນທີ 08 ທັນວາ 2021: ຄົນເຈັບ ໄດ້ເສຍຊີວິດ.

 

4). ເພດຊາຍ, ອາຍຸ 46 ປີ, ບ້ານໂພນສົມບູນ, ເມືອງສີໂຄດຕະບອງ, ນະຄອນຫລວງ

-ພະຍາດປະຈຳຕົວ: ພະຍາດຫົວໃຈ

-ບໍ່ໄດ້ສັກຢາກັນພະຍາດໂຄວິດ-19

-ເວລາ 12:00 ໂມງຂອງວັນທີ 27 ພະຈິກ 2021: ຄົນເຈັບມາກວດຢູ່ໂຮງໝໍ 103 ດ້ວຍອາການໄຂ້, ໄອ ແລະ ຫາຍໃຈຝຶດ ພ້ອມທັງເກັບຕົວຢ່າງມາກວດພະຍາດໂຄວິດ-19 ແມ່ນໃຫ້ຜົນບວກ ແລະ ຮັບຄົນເຈັບເຂົ້ານອນໂຮງໝໍ

-ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ທີ່ 27 ພະຈິກ 2021-08 ທັນວາ 2021, ລວມເປັນ 12 ວັນ

-ມາຮອດເວລາ 11:00 ນາທີ ຂອງວັນທີ 08 ທັນວາ 2021: ຄົນເຈັບ ໄດ້ເສຍຊີວິດ.

5) ເພດຊາຍ, ອາຍຸ 86 ປີ, ບ້ານສະຫວ່າງ, ເມືອງ ຈັນທະບູລີ, ນະຄອນຫລວງ.

-ພະຍາດປະຈຳຕົວ: ຄວາມດັນເລືອດສູງ ແລະ ເປັນອຳມະພາດມາກ່ອນ

-ບໍ່ໄດ້ສັກຢາກັນພະຍາດໂຄວິດ-19

-ຜົນກວດຢັ້ງຢືນ: ວັນທີ 30 ພະຈິກ 2021

– ເວລາ 19:30 ຂອງວັນທີ 01 ທັນວາ 2021 ມາດ້ວຍອາການງ່ວງຊຶມ, ຖ່າຍເປັນເລືອດສີແດງສົດ, ຫາຍໃຈມີການຈ່ອງດຶງ (ກ່ອນໜ້ານີ້ ໄອມາໄດ້ 7 ວັນ, ໄຂ້, ເມື່ອຍ ແລະ ກິນດື່ມໄດ້ໜ້ອຍ)

-ໄລຍະເວລາປິ່ນປົວຢູ່ໂຮງໝໍດັ່ງກ່າວ: ວັນທີ 30 ພະຈິກ 2021-08 ທັນວາ 2021, ລວມເປັນ 10 ວັນ

-ຮອດເວລາ 13:00 ໂມງ ຂອງວັນທີ 08 ທັນວາ 2021: ຄົນເຈັບ ໄດ້ເສຍຊີວິດ.