ເບນ ປິດບັນຊີ ອັລເຈຣີ ຍົກ 4 ປ້ອງກັນແຊ໊ມໄວ້ໄດ້ຢ່າງງົດງາມ ພ້ອມເພີ່ມສະຖິຕິຊະນະລວດ 20 ຄັ້ງ
ຄໍເນີ ເບນ ນັກຊົກຜົນງານຮ້ອນແຮງຊາວອັງກິດ ຍັງເດີນຫນ້າຄວ້າໄຊເປັນຄັ້ງທີ 20 ໃນເສັ້ນທາງນັກຊົກ ຫລັງເປັນຝ່າຍເອົາຊະນະນ໊ອກຄູ່ຊົກໄປໄດ້ໃນຍົກທີ 4 ໃນການປ້ອງກັນຕຳແຫນ່ງແຊ໊ມທະວີບຂອງສະມາຄົມມວຍໂລກ (WBA Continental) ຮຸ່ນເວລເຕີເວດ ເມື່ອວັນອາທິດທີ 12 ທັນວາທີ່ຜ່ານມາ.
ໂດຍການແຂ່ງຂັນຄັ້ງນີ້ ນົກຊົກອາຍຸ 25 ປີ ຂຶ້ນສັງວຽນ ເອັມ ແອນ ເອສ ອາຣີນາ ເມືອງລີເວີພູລ ພົບກັບ ຄຣິສ ອັລເຈຣີ ນັກຊົກປະສົບການຊາວສະຫະລັດ ອາເມລິກາ ອາຍຸ 37 ປີ ທີ່ຜ່ານການພົບກັບນັກຊົກລະດັບແຊ໊ມໂລກມາແລ້ວຫລາຍຄົນ ເຊ່ັນ : ແມນນີ ປາກຽວ, ອາເມຍ ຂ່ານ ແລະ ເອີຣອລ ສະເປນ ຈູເນຍ.
ຊົມຄລິບການແຂ່ງຂັນ
ເຊິ່ງການແຂ່ງຂັນເປັນໄປຢ່າງສູສີ ກ່ອນທີ່ໃນໄລຍະທ້າຍຍົກທີ 4 ຄໍເນີ ເບນ ຈະປ່ອຍຫມັດຫນຶ່ງສອງເຂົ້າປາຍຄາງຂອງ ຄຣິສ ອັນເຈຣີ ແບບເຕັມໆ ເຮັດໃຫ້ຫລັບກາງອາກາດລົງໄປນອນກັບພື້ນໃຫ້ກຳມະການນັບເຖິງ 10 ຄວ້າໄຊໄດ້ສຳເລັດ.
ຈາກໄຊຊະນະຄັ້ງນີ້ ເຮັດໃຫ້ ຄໍເນີ ເບນ ເດີນຫນ້າກວາດໄຊລວດ 20 ຄັ້ງ (ຊະນະນ໊ອກ 13 ຄັ້ງ) ໂດຍລາວເປັນລູກຊາຍຂອງ ໄນເຈລ ເບັນ ອະດີດແຊ໊ມໂລກສອງຮຸ່ນ ແລະ ເຮັດໃຫ້ເຖິງຕອນນີ້ ແມັດຣູມ ບັອກຊິ່ງ ພ້ອມຊຸກຍູ້ລາວຂຶ້ນຊີແຊ໊ມໂລກໃນອະນາຄົດ.
