ອົດສະຕຣາລີສະກັດກັ້ນແຜນ ກໍ່ການຮ້າຍລະເບີດເຮືອບິນໄວ້ໄດ້

- advert banner 728 90 728x90 - ອົດສະຕຣາລີສະກັດກັ້ນແຜນ ກໍ່ການຮ້າຍລະເບີດເຮືອບິນໄວ້ໄດ້

- 1501384090091 960x0 - ອົດສະຕຣາລີສະກັດກັ້ນແຜນ ກໍ່ການຮ້າຍລະເບີດເຮືອບິນໄວ້ໄດ້

- new3 - ອົດສະຕຣາລີສະກັດກັ້ນແຜນ ກໍ່ການຮ້າຍລະເບີດເຮືອບິນໄວ້ໄດ້

ທາງ​ການ​ອົດ​ສະຕຣາລີ​ຖະ​ແຫລ​ງວັນ​ທີ 30 ກໍລະກົດ​ນີ້​ວ່າ: ​ເຈົ້າໜ້າ​ທີ່​ສາມາດ​ສະກັດ​ກັ້ນ​ແຜນການ​ກໍ່​ການ​ຮ້າຍ​ທີ່​ມີ​ເປົ້າໝາຍ​ກໍ່​ເຫດ​ລະ​ເບີດ​ເຮັດ​ໃຫ້​ເຮືອບິນ​ຕົກ ພາຍຫລັງ​ຈັບ​ກຸມ​ໄດ້ 4 ຄົນ​ຈາກ​ປະຕິບັດ​ການ​ບຸກຄົ້ນທົ່ວ​ນະຄອນ​ຊິດ​ນີ.

ນາຍົກລັດຖະມົນຕີ ມັນ​ຄອມ ​ເທີນບູນ ຂອງ​ອົດ​ສະຕຣາລີ ກ່າວ​ວ່າ: ​ແຜນ​ກໍ່​ການ​ຮ້າຍ​ດັ່ງກ່າວ​ອາດ​ມີ​ຄວາມ​ສັບ​ຊ້ອນ​ເກີນ​ກວ່າ​ຈະ​ດຳ​ເນີນ​ການ​ພຽງ​ຄົນ​ດຽວ. ຂະນະ​ທີ່​ໜ່ວຍ​ຄວາມ​ໝັ້ນຄົງ​ເຂົ້າຮັກສາ​ຄວາມ​ປອດ​​ໄພ​ເຂັ້ມງວດ​ຕາມ​ສະໜາມ​ບິນ​ສຳຄັນ​ທັງ​ພາຍ​ໃນ ​ແລະ ຕ່າງປະ​ເທດ​ທົ່ວ​ອົດ​ສະຕຣາລີ. ທ່ານ ​ເທີນ​ບູນ ຖະ​ແຫລ​ງຕໍ່​ສື່​ມວນ​ຊົນ​ວ່າ: ​ໄພ​ຄຸກ​ຄາມ​ຈາກ​ການ​ກໍ່​ການ​ຮ້າຍ​ຍັງ​ມີ​ທ່າ​ອ່ຽງສູງ​ຂຶ້ນ ​ແລະ ປະຕິບັດ​ການ​ກວາດ​ລ້າງ​ຜ່ານ​ມາ​ເປັນ​ໄປ​ຢ່າງ​ມີ​ປະສິດທິພາບ, ​ແຕ່​ຍັງ​ມີ​ພາລະກິດ​ອີກ​ຫລາຍ​ທີ່​ຕ້ອງ​ດຳ​ເນີນ​ການ​ຕໍ່​ໄປ. ​ເຈົ້າໜ້າ​ທີ່​ອົດ​ສະຕຣາລີ​ບໍ່​ໄດ້​ເປີດ​ເຜີຍ​ຈະ​ແຈ້ງວ່າ​ແຜນການ​ລະ​ເບີດ​ເຮືອບິນ​ມີ​ເປົ້າໝາຍ​ໃສ່​ຖ້ຽວ​ບິນ​ພາຍ​ໃນ ຫລື ຕ່າງປະ​ເທດ, ​ແຕ່​ໜັງສືພິມ​ເດ​ລີ​ເທ​ເລກຣາບລາຍ​ງານ​ວ່າ: ມີ​ເປົ້າໝາຍ​​ໃສ່​ຖ້ຽວບິນ​ພາຍ​ໃນ​ປະ​ເທດ. ທ່ານ ​ແອນ​ດຣູ ຄໍ​ວິນ ຜູ້​ບັນຊາ​ການ​ຕຳຫລວດ​ອົດ​ສະຕຣາລີ ກ່າວ​ວ່າ: ​ແຜນການ​ກໍ່​ການ​ຮ້າຍ​ຄັ້ງນີ້​ມີ​ແນວ​ຄິດ​ມາ​ຈາກ​ກຸ່ມ​ຫົວ​ຮຸນ​ແຮງ ​ໂດຍ​ຈັບ​ກຸມ​ຊາຍ 4 ຄົນ​ໄດ້ຈາກ​ປະຕິບັດ​ການ​ບຸ​ກຄົ້ນທົ່ວ​ນະຄອນ​ຊິດ​ນີ​ໃນ​ວັນ​ທີ 29 ກໍລະກົດ ​ແລະ ຍັງ​ຕ້ອງ​ດຳ​ເນີນ​ການ​ສອບ​ສວນ​ຢ່າງ​ຈະ​ແຈ້ງ​ຕໍ່​ໄປ.

error: Content is protected !!