ທ່ານນາຍົກລັດຖະມົນຕີລົງຊຸກຍູ້ການຜະລິດຂອງຜູ້ປະກອບການຕ່າງໆໃນນະຄອນຫລວງວຽງຈັນ

- advert banner 728 90 728x90 - ທ່ານນາຍົກລັດຖະມົນຕີລົງຊຸກຍູ້ການຜະລິດຂອງຜູ້ປະກອບການຕ່າງໆໃນນະຄອນຫລວງວຽງຈັນ

ໃນວັນທີ 27 ກໍລະກົດນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍບັນດາລັດຖະມົນຕີ-ຮອງລັດຖັດມົນຕີກະຊວງຕ່າງໆ, ໄດ້ເດີ່ນທາງໄປຢ້ຽມຢາມ ແລະ ຊຸກຍູ້ການຜະລິດຢູ່ເມືອງນາຊາຍທອງ, ນະຄອນຫລວງວຽງຈັນ, ເຊິ່ງມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ທ່ານເຈົ້າເມືອງໆນາຊາຍທອງ ແລະ ບັນດາພະແນກການກ່ຽວຂ້ອງໃຫ້ການຕ້ອນຮັບຢ່າງອົບອຸ່ນ.

- new3 - ທ່ານນາຍົກລັດຖະມົນຕີລົງຊຸກຍູ້ການຜະລິດຂອງຜູ້ປະກອບການຕ່າງໆໃນນະຄອນຫລວງວຽງຈັນ

ໃນການໄປຢ້ຽມຢາມດັ່ງກ່າວ, ເບື້ອງຕົ້ນທ່ານນາຍົກລັດຖະມົນຕີໄດ້ຢ້ຽມຢາມ ຟາມໝູພໍ່ແມ່ພັນໝູຂຸນ, ບ່ອນເພາະພັນປານິນທີ່ບ້ານໜອງສະ, ໂຮງງານຂ້າສັດທັນສະໄໝ ແລະ ປຸງແຕ່ງຊີ້ນທີ່ນໍ້າຊວງຂອງບໍລິສັດ ເອັກສ໌ພີ ການຄ້າລາວ-ຈີນ ຈຳກັດ, ເຊິ່ງ 2 ໃນ 4 ກິດຈະກຳຂອງບໍລິສັດດັ່ງກ່າວ (ລວມທັງສູນອົບແຫ້ງສາລີ-ໂຮງງານຜະລິດອາຫານສັດ ແລະ ຟາມງົວ). ໃນນັ້ນຟາມໝູແມ່ນໄດ້ເລີ່ມສ້າງມາແຕ່ປີ 2012 ປັດຈຸບັນມີໝູພໍ່ແມ່ພັນ 500 ກວ່າໂຕ ແລະ ໝູຂຸນ 2 ພັນໂຕ, ສາມາດຜະລິດລູກໝູໄດ້ສະເລ່ຍ 500 ໂຕຕໍ່ເດືອນ ແລະ ໝາຍວ່າໃນທ້າຍປີ 2017 ນີ້ຈະໃຫ້ເພີ່ມເປັນ 1 ພັນໂຕຕໍ່ເດືອນ. ສຳລັບໂຮງງານຂ້າສັດນໍ້າຊວງແມ່ນໄດ້ສຳເລັດການປັບປຸງໃນກາງປີ 2016, ປັດຈຸບັນສາມາດຂ້າໝູໄດ້ 50 ໂຕຕໍ່ວັນ ແລະ ງົວ 7 ໂຕຕໍ່ວັນ, ພ້ອມມີຮ້ານຈຳໜ່າຍສະເພາະຂອງຕົນ. ຫລັງຈາກນັ້ນທ່ານນາຍົກລັດຖະມົນຕີ ໄດ້ໄປຢ້ຽມຢາມຄອບຄົວຕົວແບບການລ້ຽງງົວທີ່ຟາມສີຈັນທະລາດຢູ່ບ້ານໂພນແພງເມືອງນາຊາຍທອງ ເຊິ່ງປັດຈຸບັນມີງົວ 100 ກວ່າໂຕ ແລະ ລ້ຽງໝູ 200 ກວ່າໂຕ ສາມາດສ້າງລາຍຮັບໃຫ້ຄອບຄົວປະມານ 250-300 ລ້ານກີບຕໍ່ປີ ແລະ ພ້ອມນີ້ທ່ານນາຍົກລັດຖະມົນຕີຍັງໄດ້ເດີນທາງໄປຢ້ຽມຢາມກຸ່ມຫັດຖະກຳຕ່ຳສິ້ນທີ່ບ້ານນໍ້າຫຸມ ທີ່ມີຜູ້ຕ່ຳຫູກເຖິງ 205 ຫລັງຄາເຮືອນ. ໃນນັ້ນເປັນສະມາຊິກໃນກຸ່ມຫັດຖະກຳ 90 ກວ່າຫລັງຄາເຮືອນ ເພື່ອນຳໄປຈຳໜ່າຍຕາມຕະຫລາດຕ່າງໆ ແລະ ຕໍ່ມາ ໄດ້ໄປຢ້ຽມຢາມກິດຈະກຳການຜະລິດເຂົ້າເປັນສິນຄ້າໂອດັອບ (ODOP) ຂອງບໍລິສັດ ຄຳແພງເພັດແຈ້ງສະຫວ່າງສົ່ງເສີມການກະເສດຂາອອກ-ຂາເຂົ້າ ຈຳກັດຜູ້ດຽວທີ່ບ້ານນາສ້ຽວ ຊຶ່ງໄດ້ເລີ່ມມາແຕ່ປີ 1983 ແລະ ໄດ້ພັດທະນາເປັນໂຮງສີຂະໜາດໃຫຍ່ທີ່ທັນສະໄໝ, ສາມາດຜະລິດເຂົ້າສານໄດ້ 15 ໂຕນຕໍ່ຊົ່ວໂມງ ແນໃສ່ຂະຫຍາຍຕະຫລາດອອກສູ່ຕ່າງປະເທດ ໂດຍມີຊື່ວ່າ “ເຂົ້າກາຕາເວັນແດງ” ແລະ ກາຍເປັນຜະລິດຕະພັນໂອດັອບ ຂອງເມືອງນາຊາຍທອງ. ນອກນີ້, ຍັງມີຫຼາຍກິດຈະກຳສຳຮອງ ເຊັ່ນ: ຟາມໝູພັນຊີ້ນ, ຟາມໄກ່ພັນຊີ້ນ ແລະ ຟາມໄກ່ໄຂ່.

- lattana 1 - ທ່ານນາຍົກລັດຖະມົນຕີລົງຊຸກຍູ້ການຜະລິດຂອງຜູ້ປະກອບການຕ່າງໆໃນນະຄອນຫລວງວຽງຈັນ

ໃນການຢ້ຽມຢາມແຕ່ລະແຫ່ງ, ທ່ານນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜູ້ປະກອບການ ແລະ ຊາວກະສິກອນ ທີ່ໄດ້ມີຄວາມພະຍາຍາມສູງ ເພື່ອຍົກລະດັບການຜະລິດຂອງຕົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມຂອງປະເທດ, ພ້ອມເປັນຕົວຢ່າງທີ່ດີໃຫ້ຜູ້ປະກອບການອື່ນໆ ແລະ ໄດ້ປະກອບສ່ວນສໍາຄັນໃຫ້ແກ່ການແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າ ແລະ ໃນຂະນະດຽວກັນທ່ານນາຍົກລັດຖະມົນຕີ ໄດ້ເນັ້ນໃຫ້ຜູ້ປະກອບການຕ້ອງໄດ້ເອົາໃຈໃສ່ບາງບັນຫາ ເປັນຕົ້ນ: ໃຫ້ເອົາໃຈໃສ່ສ້າງຜູ້ຊ່ຽວຊານ ແລະ ນັກວິຊາການທີ່ຊຳນານງານ ເພື່ອເປັນກຳລັງແຮງໃຫ້ແກ່ການຜະລິດໃນຕໍ່ໜ້າ, ພະຍາຍາມຊອກຮູ້-ຖອດຖອນບົດຮຽນທີ່ດີຈາກພາຍໃນ ແລະ ຕ່າງປະເທດ, ເອົາໃຈໃສ່ເຜີຍແຜ່ບົດຮຽນເຕັກນິກຕ່າງໆ ໃຫ້ແກ່ກະສິກອນ, ສ່ວນເບື້ອງລັດຖະບານ ກໍຈະໄດ້ພ້ອມກັນປຶກສາຫາລື, ປຸກລະດົມຂົນຂວາຍການຊ່ວຍເຫລືອຈາກຕ່າງປະເທດເຂົ້າມາຊ່ວຍເຫລືອ ເພື່ອເຮັດໃຫ້ການຜະລິດພາຍໃນມີຄວາມເຂັ້ມແຂງ, ມີຄວາມອາດສາມາດແກ່ງແຍ່ງແຂ່ງຂັນກັບພາຍນອກໄດ້ ແລະ ພະຍາຍາມແກ້ໄຂບັນດາຂັ້ນຂອດທີ່ເປັນສິ່ງກີດຂວາງຂອງຜູ້ປະກອບການໃຫ້ດີຂຶ້ນ.

error: Content is protected !!