ລ້ານ​ຊ້າງ​ມີ​ເນ​ໂຣນສ໌ ລິ​ມິ​ເຕັດ ຮ່ວມ​ມື​ກັບ ລັດຖະບານ​ອົດ​ສະຕຣາລີ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ປັບປຸງ​ຊີວິດ​ການ​ເປັນ​ຢູ່​ໃຫ້​ແກ່​ຊຸມ​ຊົນ​ອ້ອມ​ຂ້າງ​ບໍ່​ຄຳ-ທອງ​ເຊ​ໂປ​ນ

- advert banner 728 90 728x90 - ລ້ານ​ຊ້າງ​ມີ​ເນ​ໂຣນສ໌ ລິ​ມິ​ເຕັດ ຮ່ວມ​ມື​ກັບ ລັດຖະບານ​ອົດ​ສະຕຣາລີ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ປັບປຸງ​ຊີວິດ​ການ​ເປັນ​ຢູ່​ໃຫ້​ແກ່​ຊຸມ​ຊົນ​ອ້ອມ​ຂ້າງ​ບໍ່​ຄຳ-ທອງ​ເຊ​ໂປ​ນ

ບໍລິສັດ MMG ລ້ານຊ້າງມີເນໂຣນສ໌ ລິ​ມິ​ເຕັດ – ບໍ່ຄໍາ-ທອງເຊໂປນ (MMG LXML ເຊໂປນ) ຮ່ວມມືກັບລັດຖະບານອົດສະຕຣາລີ ໄດ້ສະຫນອງທຶນ 35,302 ໂດລາສະຫາລັດ ຫລືປະມານ 289 ລ້ານກວ່າກີບ ເພື່ອກໍ່ສ້າງສະໂມສອນ ແລະ ຫ້ອງການບ້ານບຸ່ງຄໍາ, ເມືອງວິລະບູລີ, ແຂວງສະຫວັນນະເຂດ ຊຶ່ງສ້າງ​ຜົນ​ປະ​ໂຫຍດໃຫ້ແກ່ປະຊາຊົນກວ່າ 3.600 ຄົນ ຈາກ 750 ຄອບຄົວ.

ການປະກອບສ່ວນໃນຄັ້ງນີ້ ແມ່ນຜ່ານໂຄງການຊ່ວຍເຫຼືອໂດຍ​ກົງ ຂອງ​ລັດ​ຖະ​ບານ​ອົດ​ສະ​ຕຣາ​ລ​ີ ແລະ ສ່ວນທີ່ເຫຼືອມາຈາກກອງທຶນພັດທະນາທ້ອງຖິ່ນຂອງ MMG LXML ເຊໂປນ.

ທ່ານ ຈອນ ວິນລ້ຽມ ເອກອັກຄະລັດຖະທູດອົດສະຕຣາລີ ປະຈໍາລາວກ່າວວ່າ “ຂ້າພະເຈົ້າມີຄວາມຍິນດີຫລາຍທີ່ໄດ້ມີໂອກາດມາມອບຫ້ອງການບ້ານຫລັງໃໝ່ຢ່າງເປັນທາງການ. ຫ້ອງການບ້ານນີ້ ຈະເປັນສະຖານທີ່ສຳຄັນຂອງບ້ານບຸ່ງຄຳ, ເປັນບ່ອນປະຊຸມ ເພື່ອຕັດສິນວຽກງານດ້ານການພັດທະນາ ແລະ ເພື່ອອານາຄົດຂອງປະຊາຊົນໃນເຂດດັ່ງກ່າວ.

ທ່ານກ່າວຕື່ມວ່າ “ອົດສະຕຣາລີເຂົ້າໃຈ ແລະ ໃຫ້ຄວາມສຳຄັນຕໍ່ການຕັດສິນໃຈຂອງ ແມ່ຍິງເທົ່າກັບການຕັດສິນໃຈຂອງຜູ້ຊາຍໃນລະດັບທ້ອງຖິ່ນແລະເຫັນຄຸນຄ່າຂອງການມີສ່ວນຮ່ວມຂອງແມ່ຍິງຈາກຫຼາຍຊົນເຜົ່າທີ່ແຕກຕ່າງກັນໃນການແບ່ງປັນຄວາມຄິດເຫັນ ແລະ ການຕັດສິນໃຈເພື່ອເຮັດໃຫ້ມີການເຂົ້າເຖິງການບໍລິການທາງສັງຄົມຂັ້ນພື້ນຖານທີ່ສະເໝີພາບກັນ.”

ທ່ານ ວິບູນ ສິດທິມໍລະດາ ຜູ້ຈັດການພະແນກພົວພັນທຸລະກິດ ແລະ ຊຸມຊົນຂອງ MMG LXML ເຊໂປນ ໄດ້ແບ່ງປັນແຮງບັນດານໃຈກ່ຽວກັບຄວາມສໍາຄັນຂອງບົດບາດແມ່ຍິງວ່າ “ບໍລິສັດ MMG ພວກເຮົາຮັບຮູ້ວ່າ ແມ່ຍິງມີບົດບາດສຳຄັນໃນການປະກອບສ່ວນຕໍ່ກັບຜົນສຳເລັດຂອງບໍລິສັດ ແລະ ເຊື່ອວ່າຄວາມຮູ້, ທັກສະ ແລະ ແນວຄວາມຄິດຂອງເຂົາເຈົ້າ ຈະຊ່ວຍສ້າງ ຜົນປະໂຫຍດທາງບວກໃຫ້ແກ່ຊຸມຊົນຂອງພວກ​ເຂົາ”.

ການສະໜັບສະໜູນນີ້ ຈະຊ່ວຍເພີ່ມທະ ວີຫາງສຽງຂອງແມ່ຍິງໃນຊຸມຊົນ ແລະ ເຮັດໃຫ້ເຂົາເຈົ້າໄດ້ ມີສ່ວນຮ່ວມກິດຈະກຳທີ່ມີ ຜົນປະ​ໂຫຍດຕໍ່ການດຳລົງຊີວິດ. ຫ້ອງການບ້ານນີ້ ຈະອຳ ນວຍຄວາມສະດວກໃຫ້ແກ່ສະ​ມາ​ຊິກ​ບ້ານຂອງບ້ານບຸ່ງຄຳ ເຂົ້າຮ່ວມການດຳເນີນໂຄງການຂອງສະຫະພັນແມ່ຍິງລາວ, ຊາວໜຸ່ມ ແລະ ແຜນງານຂອງບັນດາຄູ່ຮ່ວມພັດທະນາອື່ນໆ ເຊັ່ນ : ໂຄງ ການ “1000 ວັນ” ປັບ​ປຸງ​ສຸ​ຂະ​ພາບ​ແມ່ ​ແລະ ​ເດັກ.

 

ນອກ​ຈາກນັ້ນລັດຖະບານອົດສະຕຣາລີ ຍັງໄດ້ສະໜອງທຶນ 18,125 ໂດລາສະຫາລັດ ໂດຍຜ່ານໂຄງການຊ່ວຍເຫຼືອລ້າຂະໜາດນ້ອຍ​ເຊັ່ນ​ດຽວ​ກັນ ໃນການກໍ່ສ້າງລະບົບນໍ້າລິນ ແລະ ຊົນລະປະທານ ໄລຍະທີ 2 ເພື່ອ​ປັບ​ປຸງ​ຜົນ​ຜະ​ລິດ​ໝາກ​ກ້ຽງຂອງປະຊາຊົນບ້ານນາຫອຍ, ເມືອງວິລະບູລີ, ແຂວງສະຫວັນນະເຂດ.

- lattana 1 - ລ້ານ​ຊ້າງ​ມີ​ເນ​ໂຣນສ໌ ລິ​ມິ​ເຕັດ ຮ່ວມ​ມື​ກັບ ລັດຖະບານ​ອົດ​ສະຕຣາລີ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ປັບປຸງ​ຊີວິດ​ການ​ເປັນ​ຢູ່​ໃຫ້​ແກ່​ຊຸມ​ຊົນ​ອ້ອມ​ຂ້າງ​ບໍ່​ຄຳ-ທອງ​ເຊ​ໂປ​ນ
- 1 1 - ລ້ານ​ຊ້າງ​ມີ​ເນ​ໂຣນສ໌ ລິ​ມິ​ເຕັດ ຮ່ວມ​ມື​ກັບ ລັດຖະບານ​ອົດ​ສະຕຣາລີ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ແມ່ຍິງ ​ແລະ ປັບປຸງ​ຊີວິດ​ການ​ເປັນ​ຢູ່​ໃຫ້​ແກ່​ຊຸມ​ຊົນ​ອ້ອມ​ຂ້າງ​ບໍ່​ຄຳ-ທອງ​ເຊ​ໂປ​ນ

ການຊ່ວຍເຫຼືອນີ້ໄດ້ເພີ່ມຕື່ມໃສ່ການສະໜັບສະໜູນໃນ​ໄລ​ຍະ​ທີ 1 ຈາກກອງທຶນ ພັດທະນາ ບ້ານ ຂອງ MMG LXML ເຊໂປນ ມູນຄ່າ 8,000 ໂດລາສະຫາລັດ.

ທ່ານ ຈອນ ວິນລ້ຽມ ເອກອັກຄະລັດຖະທູດອົດສະຕຣາລີ ປະຈໍາລາວ ກ່າວວ່າ “ຂ້າພະ ເຈົ້າມີຄວາມຍິນດີຫຼາຍ ທີ່ການມອບໂຄງການລະບົບຊົນລະປະທານໃນມື້ນີ້, ຈະມີຜົນປະ ໂຫຍດ ໂດຍກົງ ຕໍ່ຊາວກະຊິກອນສວນໝາກກ້ຽງ ແລະ ປະຊາຊົນບ້ານນາຫອຍ”. ທ່ານກ່າວຕື່ມວ່າ “ອົດ ສະຕຣາລີ ຍິນດີທີ່ໄດ້ຊ່ວຍປະຊາຊົນບ້ານນາຫອຍ ໃຫ້ ຍາດໄດ້ແຮງບັນດານໃຈຂອງຕົນເອງ ແລະ ເພື່ອລູກຫຼານທຸກຄົນໃນອະນາຄົດ”.

ທ່ານ ວິບູນ ສິດທິມໍລະດາ ຜູ້ຈັດການພະແນກພົວພັນທຸລະກິດ ແລະ ຊຸມຊົນຂອງ MMG LXML ເຊໂປນ ໄດ້ກ່າວວ່າ “ສອດຄ່ອງກັບຄວາມມຸ່ງໝັ້ນໃນການຂຸດຄົ້ນແຮ່ເພື່ອຄວາມກ້າວໜ້າ, ແຜນງານການພັດທະນາສັງຄົມຂອງ MMG ໄດ້ສຸມໃສ່ໂຄງການຜະລິດກະສິກໍາໃຫ້ເປັນສິນຄ້າເພື່ອຮັບປະກັນລາຍຮັບທີ່ຍືນ​ຍົງ ແລະ ສ້າງວຽກເຮັດງານທໍາໃຫ້​ແກ່ຊຸມຊົນທ້ອງຖິ່ນ”.

ໂຄງການປູກໝາກກ້ຽງແມ່ນໜຶ່ງໃນໂຄງການຮ່ວມມືກັນລະຫວ່າງ MMG LXML ເຊໂປນ ແລະ ບໍລິສັດ ໄອເຣິນບາກລາວ ຊຶ່ງເປັນບໍລິສັດລູກຂອງບໍລິສັດ ໄອເຣິນບາກອົດ ສະຕຣາລີ (Ironbark Citrus of Australia). ໂຄງການດັ່ງກ່າວທາງ MMG LXML ເຊໂປນໄດ້ຊ່ວຍ​ສະ​ໜັບສະ​ໜູນຫຼາຍ​ດ້ານ ບໍ່​ວ່າ​ຈະ​ເປັນທຶນຮອນໃນການນໍາເຂົ້າ ເບ້ຍໝາກກ້ຽງ ຈໍານວນ 960 ຕົ້ນ ຈາກ​ປະ​ເທດ​ອົດ​ສະ​ຕ​ຣາ​ລີ ເພື່ອໃຫ້ຊາວສວນຈໍານວນ 12 ຄອບຄົວໄດ້ປູກທົດລອງໃນປີ 2015. ສ່ວນບໍລິສັດ ໄອ ເຣິນບາກລາວ ໄດ້ພັດທະນາການຈັດ ຕັ້ງປະຕິບັດໂຄງການ ຊຶ່ງສະໜອງການຝຶກອົບຮົມ, ອຸປະກອນ ແລະ ຊ່ອງທາງການພັດທະນາຕ່າງໆໃຫ້ແກ່ຊາວສວນ. ທ່ານ ໄຊສະຫວາດ ໄຊຍະລາດ, ຜູ້ຈັດການບໍລິສັດ ໄອເຣິນບາກ ລາວ ກ່າວວ່າ: “ການຮ່ວມມືສາມ ຝ່າຍນີ້ຈະຊ່ວຍຊຸກຍູ້ໃຫ້ຊາວສວນຫັນຈາກການຜະລິດກະສິກໍາແບບຄົວເຮືອນ ມາເປັນການຜະລິດກະສິກໍາເປັນສິນຄ້າ ແລະ ສ້າງໂອກາດ ທາງດ້ານເສດຖະກິດ”. ທ່ານກ່າວຕື່ມອີກວ່າ “ບໍລິສັດ ໄອເຣິນບາກລາວ ຍັງຊອກຫາຄູ່ຮ່ວມງານເພີ່ມຕື່ມ ເພື່ອປັບປຸງຜົນການຜະລິດ ແລະ ຂະຫຍາຍໂອກາດດ້ານທຸລະກິດ ເພື່ອໃຫ້ຊາວສວນສາມາດສ້າງລາຍຮັບເພີ່ມຂຶ້ນ”.

ປັດຈຸບັນນີ້ ໄດ້ປູກຕົ້ນໝາກກ້ຽງແລ້ວ12.275 ຕົ້ນ ໃນເນື້ອທີ່ດິນປູກຝັງຂອງ 33 ຄອບຄົວ. ໃນຂະນະດຽວກັນ ກໍ່ຍັງມີປະຊາຊົນຫຼາຍຄອບຄົວຈາກບ້ານອ້ອມຂ້າງມີຄວາມສົນໃຈເຂົ້າຮ່ວມໂຄງການດັ່ງກ່າວ.

 

error: Content is protected !!