ເຄັດລັບໜ້າເບິ່ງອ່ອນກ່ວາອາຍຸຂອງຄົນຍີ່ປຸ່ນ

- advert banner 728 90 728x90 - ເຄັດລັບໜ້າເບິ່ງອ່ອນກ່ວາອາຍຸຂອງຄົນຍີ່ປຸ່ນ

ສຸຂະພາບຜິວດີກ້ຽງງາມສົດໃສ ປາສະຈາກຮອຍຫ່ຽວຮອຍຕີນກາຂອງບ່າວສາວຍີ່ປຸ່ນ ອາດເຮັດໃຫ້ຫລາຍຄົນອິດສາຈົນຢາກຮູ້ເຄັດລັບ ເຊິ່ງນັ້ນກໍຍ້ອນວ່າພວກເຂົາສອດແຊກການເບິ່ງແຍງດູແລໂຕເອງເຂົ້າໄປໃນຮູບແບບການດຳລົງຊີວິດປະຈຳວັນ ພຽງແຕ່ປະຕິບັດຕາມນີ້ :

- new3 - ເຄັດລັບໜ້າເບິ່ງອ່ອນກ່ວາອາຍຸຂອງຄົນຍີ່ປຸ່ນ

– ກິນແຕ່ພໍອີ່ມ : ຄົນຍີ່ປຸ່ນຖືເອົາຫລັກການເບິ່ງແຍງດູແລສຸຂະພາບຂອງໄຄບາຣະ ເອັກເຄັງ (ນັກປັດຊະຍາຍຸກເອໂດະ) ມາ ແຕ່ດົນຍານ ເຊິ່ງແນະນຳໃຫ້ກິນອາຫານພໍແຕ່ຮູ້ສຶກອີ່ມ ຫລື ກິນອີ່ມ 80% ແລ້ວເນັ້ນອາຫານທີ່ມີໄຂມັນໜ້ອຍ ທັງປາ, ເຕົ້າຫູ້, ເຂົ້າ, ຜັກ ແລະ ໝາກໄມ້ ໂດຍໃຊ້ວິທີໃນການປຸງແຕ່ງບໍ່ຫລາຍ ເຊັ່ນ : ໜຶ້ງ, ປີ້ງ, ຕົ້ມ, ຂົ້ວໄວໆ ວິທີນີ້ຊ່ວຍຄວບຄຸມນຳ້ໜັກໄດ້ດີ ເຮັດໃຫ້ບໍ່ຕຸ້ຍຈົນສຸຂະພາບຊຸດໂຊມ ແລະ ຄືເບິ່ງເຖົ້າໄວ.

– ດື່ມນຳ້ຊາ : ສານຟລາໂວນອຍ ໂພລີຟີນັອນ ແລະ ຄາເທຊິນ ໃນຊາຂຽວ ຊ່ວຍຕ້ານອະນຸມູນອິດສະລະໃນຮ່າງກາຍທີ່ເປັນໂຕການທຳລາຍແຊນຜິວໜັງຈົນເກີດຮອຍຫ່ຽວເທິງໃບໜ້າ.

- lattana 1 - ເຄັດລັບໜ້າເບິ່ງອ່ອນກ່ວາອາຍຸຂອງຄົນຍີ່ປຸ່ນ

– ຍ່າງແທນການໃຊ້ລົດ : ໄປເຮັດວຽກ, ໄປຕະຫລາດ, ໄປເຮັດກິດຈະກຳຕາມສະຖານທີ່ທີ່ບໍ່ໄກຫລາຍ ການຍ່າງເປັນການອອກກຳລັງກາຍທີ່ສ້າງຄວາມສົດຊື່ນ ແລະ ກະຕຸ້ນການໄຫລວຽນເລືອດໄປລ້ຽງອະໄວຍະວະຕ່າງໆ ໂດຍສະເພາະກະຕຸ້ນໃຫ້ໃບໜ້າມີເລືອດແດງອົມບົວ.

– ສັງສັນຜ່ອນຄາຍ : ຫລັງເລີກວຽກ ຫລື ໄລຍະມື້ພັກ ຄວນຫາເວລາພັກຜ່ອນກັບຄອບຄົວ ຫລື ໝູ່ເພື່ອນ ສ້າງບັນຍາກາດທີ່ເຕັມໄປດ້ວຍສຽງຫົວ ເພື່ອໃຫ້ເຊົາເຄັ່ງຄຽດຈາກການເຮັດວຽກ ຫລື ຊີວິດທີ່ຟ້າວຟັ່ງ ຈະຊ່ວຍຫລຸດການເກີດອະນຸມູນອິດສະລະ ແລະ ລ້າງສານພິດໃນຮ່າງກາຍໄດ້ທາງໜຶ່ງ.

error: Content is protected !!