ຕໍເຣສ ຕັ້ງເປົ້າຈົບອາຊີບນັກເຕະກັບ ແອັດເລຕິໂກ ມາດຣິດ

- advert banner 728 90 728x90 - ຕໍເຣສ ຕັ້ງເປົ້າຈົບອາຊີບນັກເຕະກັບ ແອັດເລຕິໂກ ມາດຣິດ

- news20170731064871 300x169 - ຕໍເຣສ ຕັ້ງເປົ້າຈົບອາຊີບນັກເຕະກັບ ແອັດເລຕິໂກ ມາດຣິດເຟນານໂດ ຕໍເຣສ ກອງໜ້າ ປະສົບການຫຼາຍຂອງ ແອດເລ ຕິໂກ ມາດຣິດ ເປີດໃຈໂຕເອງ ເຕັມໄປດ້ວຍຄວາມປາຖະນາ ຢ່າງແຮງກ້າທີ່ຈະອຳລາວົງການບານເຕະກັບທັບ ແອັດເລຕິໂກ ມາດຣິດ ແລະ ຕ້ອງການຈະຈົບ ອາຊີບນັກເຕະໃຫ້ດີທີ່ສຸດເທົ່າທີ່ຈະເປັນໄປໄດ້.
ກອງໜ້າອາຍຸ 33 ປີ ພັດທະ ນາສີຕີນຈາກນັກເຕະດາວຮຸ່ງໃນ ເຍົາວະຊົນ ແອັດເລຕິໂກ ມາດຣິດ ຈົນກ້າວຂຶ້ນມາສູ່ທີມຊຸດໃຫຍ່ ແລະ ສວມປອກແຂນຫົວໜ້າທີມ ໃນອາຍຸພຽງ 19 ປີ ຫຼັງຈາກນັ້ນ ຕໍເຣສ ມີໂອກາດຍ້າຍໄປຫຼິ້ນຕ່າງ ຖິ່ນກັບ ລິເວີພູລ, ເຊລຊີ ແລະ ເອຊີ ມິລານ ກ່ອນທີ່ຈະກັບມາຍັງຖິ່ນ ເກົ່າໃນປີ 2015.
ດ້ວຍອາຍຸລ່ວງເລີຍເຖິງຫຼັກສາມຕອນນີ້ ຕໍເຣສ ເຊິ່ງຫາກໍຂະ ຫຍາຍສັນຍາຈົນເຖິງປີ 2018 ເລີ່ມຄິດເລື່ອງການອຳລາວົງ ການ ແລະ ແນ່ນອນວ່າສິ່ງທີ່ລາວ ຕ້ອງການກໍຄືການຈົບອາຊີບນັກ ເຕະກັບ ແອັດເລຕິໂກ ມາດຣິດ. “ຂ້ອນໄດ້ຢູ່ບ້ານ ຂ້ອຍໄດ້ກັບມາ ຍັງ ແອັດເລຕິໂກ ມາດຣິດ ຫຼັງ ຜ່ານໄປ 8 ປີ ແລະ ນີ້ຄືບ່ອນທີ່ ຂ້ອຍມີຄວາມສຸກທີ່ສຸດ ຂ້ອຍປາ ຖະໜາທີ່ຈະຫຼິ້ນໃຫ້ ແອັດເລຕິໂກ ມາດຣິດ ແລະ ຈົບອາຊີບນັກນັກ ເຕະບ່ອນນີ້ ຂະນະດຽວກັນກໍ ຊ່ວຍທີມຄວ້າແຊ໊ມ ແລະ ນຳສະ ໂມສອນໃຫ້ກ້າວຂຶ້ນມາເປັນໜຶ່ງ ໃນທີມຊັ້ນນຳເອີຣົບ ນັ້ນເປັນທາງ ເລືອກດຽວເທົ່ານັ້ນທີ່ຢູ່ໃນຫົວ ຂ້ອຍເວລານີ້ ”.
ຕໍເຣສ ເຜີວ່າລາວເອງຊາບ ຊື້ງໃຈຢ່າງຫຼາຍທີ່ ດີເອໂກ ຊິເມ ໂອເນ ຜູ້ຈັດການທີມຊາວອາເຈນ ຕິນາ ດຶງໂຕກັບມາຮ່ວມທີມ ພ້ອມທັງປະທັບໃຈລາວທີ່ສ້າງ ແອັດເລຕິໂກ ມາດຣິດ ຈົນຍິ່ງ ໃຫຍ່ “ຊິເມໂອເນ ເຊື່ອໝັ້ນໃນ ຂຸມກຳລັງຂອງທີ່ມີຢູ່ໃນສະໂມ ສອນແຫ່ງນີ້ສະເໝີ ຂ້ອຍຍ້າຍມາ ແອັດເລຕິໂກ ມາດຣິດ ຕອນອາຍຸ 10 ປີ ແລະ ສະໂມສອນກໍສອນ ຂ້ອຍຫຼວງຫຼາຍ”.
“ສະໂມສອນຕ້ອງຜ່ານໄລຍະເວລາທີ່ຍາກລຳບາກ ແລະ ທ່ານຕ້ອງເສຍຄວາມເປັນເອກະ ລັກຂອງໂຕເອງ ແຕ່ສຳລັບ ຊິ ເມໂອເນ ເຮົາຟື້ນຄືນຄຸນຄ່າທຸກ ຢ່າງຂອງເຮົາທັງການເສຍສະ ແລະ, ການຖ່ອມຕົນ ແລະ ມີແນວ ທາງດຽວກັນໃນການທີ່ເຮົາຕ້ອງສູ້ກັບສະໂມສອນໃຫຍ່”.
“ບັນດາສະໂມສອນໃຫຍ່ ຂຽນໜ້າປະຫວັດສາດຂອງພວກເຂົາມາດົນຫຼາຍປີ ແລະ ຕອນນີ້ ທີມອື່ນໆກໍມີໂອກາດທີ່ຈະຂຽນ ໜ້າປະຫວັດສາດໃໝ່ຂອງພວກ ເຂົາດ້ວຍແນວທາງທີ່ເປັນໂຕ ຂອງໂຕເອງ ແລະ ນັ້ນຄືເສັ້ນທາງ ທີ່ ແອັດເລຕິໂກ ມາດຣິດ ໄດ້ເຮັດ ຢູ່ໃນຕອນນີ້” ຕໍເຣສ ລະບຸ.

- new3 - ຕໍເຣສ ຕັ້ງເປົ້າຈົບອາຊີບນັກເຕະກັບ ແອັດເລຕິໂກ ມາດຣິດ
- lattana 1 - ຕໍເຣສ ຕັ້ງເປົ້າຈົບອາຊີບນັກເຕະກັບ ແອັດເລຕິໂກ ມາດຣິດ
error: Content is protected !!