ແຂວງອຸດົມໄຊ ແຈ້ງການໂຈະລົດຂົນສົ່ງສິນຄ້າທີ່ການເດີນທາງໄປຊາຍແດນບໍ່ເຕ່ນຊົ່ວຄາວ

ວັນທີ 29 ທັນວາ 2021 ນີ້ ພະແນກໂຍທາທິການ ແລະ ຂົນສົ່ງແຂວງອຸດົມໄຊອອກແຈ້ງການ ເລກທີ 107/ຍທຂ.ອຊ ມີເນື້ອໃນວ່າ: ເນື່ອງຈາກສະພາບການສັນຈອນຕາມເສັ້ນທາງເລກທີ 13 ເໜືອ ຕິດຂັດບໍ່ສາມາດສັນຈອນໄປ-ມາໄດ້ ຍ້ອນວ່າລົດຂົນສົ່ງສິນຄ້າຕິດ ເລີ່ມແຕ່ ບ້ານປາງທອງ ເມືອງນາໝໍ້ ຈົນຮອດຊາຍແດນບໍ່ເຕ່ນ

ເພື່ອແກ້ໄຂສະພາບລົດຕິດ ເຮັດໃຫ້ການສັນຈອນໄປ-ມາ ໄດ້ ປົກກະຕິ ຢູ່ເຂດຕອນທາງດັ່ງກ່າວ; ຈຶ່ງແຈ້ງໃຫ້ບັນດາທ່ານ ຜູ້ປະກອບການຂົນສົ່ງສິນຄ້າ ໂຈະການເດິນທາງໄປຊາຍ ແດນບໍ່ເຕ່ນ, ແຂວງຫຼວງນໍ້າທາ, ແຂວງບໍ່ແກ້ວ ເປັນການຊົ່ວຄາວ, ນັບແຕ່ມື້ອອກແຈ້ງການສະບັບນີ້ເປັນຕົ້ນໄປ ຈົນກ່ວາຈະມີການປ່ຽນແປງ