ທະຫານຟີລິບປິນຍຶດຂົວໃກ້ຖານທີ່ໝັ້ນ ຂອງກຸ່ມຕິດອາວຸດຢູ່ມາລາວີ

- advert banner 728 90 728x90 - ທະຫານຟີລິບປິນຍຶດຂົວໃກ້ຖານທີ່ໝັ້ນ ຂອງກຸ່ມຕິດອາວຸດຢູ່ມາລາວີ

ທະຫານ​ຟີ​ລິບ​ປິນຍຶດຂົວ​ເສັ້ນສຳຄັນ​ທີ່​ເຊື່ອມ​ສູ່​ຕຳ​ແໜ່​ງຖານ​ທີ່​ໝັ້ນສຳຄັນ​ຂອງ​ກຸ່ມ​ຕິດ​ອາວຸດ​ຢູ່​ເມື​ອງມາລາ​ວີ​ທາງ​ຕອນ​ໃຕ້​ຂອງ​ປະ​ເທດ​ໄດ້​ແລ້ວ. ທັງ​ນີ້ ຈະ​ບໍ່​ມີ​ການ​ບຸກ​ໂຈມ​ຕີ ​ແຕ່​ຈ​ະ​ໃຊ້​ວິທີ​ການ​ກົດ​ດັນ ​ເພື່ອ​ຊ່ວຍ​ເຫລືອ​ຕົວ​ປະກັນ​ທີ່​ຖືກ​ຈັບ.

ພົນ​ຈັດຕະວາ ​ເຣສຕິ​ຕູ​ໂຕ ພາ​ດິວລາ ​ໂຄສົກ​ກອງທັບ​ຟີ​ລິບ​ປິນ ຖະ​ແຫລ​ງວ່າ: ທະຫານ​ສາມາດ​ຍຶດຂົວ​ມາ​ປັນ​ດີ ​ເຊິ່ງ​ເປັນ​ເສັ້ນທາງ​ເຊື່ອມ​ເຂົ້າສູ່​ເຂດ​ທຸລະ​ກິດ​ສ່ວນ​ໃນ​ຂອງ​ເມືອງ​ມາລາ​ວີ​ໄດ້​ສຳ​ເລັດ. ທັງ​ນີ້​ເຊື່ອ​ວ່າ​ຍັງ​ມີ​ສະມາຊິກ​ກຸ່ມ​ຕິດ​ອາວຸດ​​ເຫລືອ​ຢູ່​ໃນ​ພື້ນທີ່​ດັ່ງກ່າວ​ປະມານ 40-60 ຄົນ ​ແລະ ມີ​ຜູ້​ທີ່​ຖືກ​ຈັບ​ເປັນ​ຕົວ​ປະກັນ​ອີກ​ປະມານ 80-100 ຄົນ ​ໂດຍສ່ວນ​ຫລາຍ​ອາດ​ຈະ​ຢູ່​ພາຍ​ໃນ​ມັດ​ສະ​ຢິດ. ​ເຖິງ​ຢ່າງ​ໃດ​ກໍ​ດີ, ຈະ​ບໍ່​ມີ​ການ​ບຸກ​ໂຈມ​ຕີ ​ແລະ ພາລະກິດ​ຕົ້ນຕໍ​ຄື​ການ​ຊ່ວຍ​ຕົວ​ປະກັນ​ທັງ​ໝົດ.

ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ສັ່ງ​ໃຫ້​ເຈົ້າໜ້າ​ທີ່​ໃຊ້​ຄວາມ​ລະມັດລະວັງ ລວມທັງ​ບໍ່​ໃຫ້​ປະຕິບັດ​ການ​ຈູ່​ໂຈມ ​ເຊິ່ງອາດ​ຈະ​ກໍ່​ໃຫ້​ເກີດ​ອັນຕະລາຍ​ຕໍ່​ຊີວິດ​ຂອງ​ຕົວ​ປະກັນ, ​ເຖິງ​ວ່າ​ສະຖານະ​ການ​ຄວາມ​ບໍ່​ສະຫງົບ​ໃນ​ພື້ນທີ່​ຈະ​ຕ້ອງ​ຍືດ​ເຍື້ອອອກ​ໄປ​ກໍ​ຕາມ. ຫລ້າ​ສຸດ​ເຫດ​ປະ​ທະ​ລະຫວ່າງ​ທະຫານ ​ແລະ ກຸ່ມ​ຕິດ​ອາວຸດ ທີ່​ມີ​ສ່ວນ​ເຊື່ອມ​ໂຍງ​ກັບ​ກຸ່ມ​ລັດ​ອິດສະ​ລາມ ຫລື IS ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ​ຫລາຍ​ກວ່າ 650 ຄົນ ​ໃນ​ຈຳນວນ​ນີ້​ເປັນ​ພົນລະ​ເມືອງ 45 ຄົນ.

- Tiger Head 728x90 - ທະຫານຟີລິບປິນຍຶດຂົວໃກ້ຖານທີ່ໝັ້ນ ຂອງກຸ່ມຕິດອາວຸດຢູ່ມາລາວີ
- 1 1 - ທະຫານຟີລິບປິນຍຶດຂົວໃກ້ຖານທີ່ໝັ້ນ ຂອງກຸ່ມຕິດອາວຸດຢູ່ມາລາວີ

ສ່ວນ​ທ່ານ ​ເດ​ວຟິນ ລໍ​ເຣນຊາ​ນາ ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ສະ​ແດງ​ຄວາມ​ກັງວົນ​ວ່າ: ຕົວ​ປະກັນ​ຈະ​ຖືກ​ໃຊ້​ເປັນ​ເຄື່ອງມື​ບັງຄັບ​ໃຫ້​ກໍ່​ເຫດ​ລະ​ເບີດ​ຂ້າ​ຕົວ​ຕາຍ​ໂຈມ​ຕີ​ເຈົ້າໜ້າ​ທີ່.

error: Content is protected !!