ປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ

- advert banner 728 90 728x90 - ປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ

ວັນທີ 30 ກໍລະກົດນີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມປະຊາຊົນບ້ານບວມອໍ້ເມືອງຊຽງເງິນແຂວງຫລວງພະບາງ, ໂດຍມີທ່ານ ສາຍສະໝອນ ທິດາກອນ ເຈົ້າເມືອງຊຽງເງິນ, ອົງການປົກຄອງບ້ານ ແລະ ພໍ່ແມ່ປະຊາຊົນໃຫ້ການຕ້ອນຮັບຢ່າງອົບອຸ່ນ, ໂດຍທ່ານເຈົ້າເມືອງຊຽງເງິນໄດ້ລາຍງານສະພາບໂດຍຫຍໍ້ຕໍ່ທ່ານປະທານສະພາແຫ່ງຊາດຮັບຊາບກ່ຽວກັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ວ່າ: ບ້ານບວມອໍ້ ເປັນບ້ານຊົນເຜົ່າກຶມມຸ, ມີ 98 ຄອບຄົວ 102 ຫລັງຄາເຮືອນ, ພົນລະເມືອງທັງໝົດ 404 ຄົນ, ຍິງ 206 ຄົນ, ຊຶ່ງໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟດັ່ງກ່າວໃນເນື້ອທີ່ດິນທັງໝົດຫລາຍກວ່າ 3 ເຮັກຕາ, ໃນນີ້ມີດິນຂອງປະຊາຊົນ 94 ຕອນ, ດິນໂຮງຮຽນ, ສະໂມສອນ ແລະ ດິນສາທາລະນະ 4.119 ຕາແມັດ, ຜົນກະທົບດ້ານສິ່ງປຸກສ້າງມີເຮືອນ 102 ຫລັງ, ເຊິ່ງເປັນເຮືອນຖາວອນ 55 ຫລັງ, ເຄິ່ງຖາວອນ 33 ຫລັງ, ປະຖົມປະຖານ 11 ຫລັງ, ໂຮງຮຽນປະຖົມສົມບູນ 1 ແຫ່ງ ແລະ ສະໂມສອນບ້ານ 1 ຫລັງ, ຜົນກະທົບດ້ານເຄື່ອງປູກຂອງຝັງປະເພດໄມ້ໃຫ້ໝາກ 639 ຕົ້ນ, ໄມ້ອຸດສາຫະກຳ 591 ຕົ້ນ ແລະ ອື່ນໆ.

- new3 - ປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ

ໃນໂອກາດດັ່ງກ່າວນີ້, ທ່ານປະທານສະພາແຫ່ງຊາດ ກໍໄດ້ມີຄຳຖາມເຈາະຈິ້ມຕື່ມກ່ຽວກັບຄວາມຮັບຮູ້ຂອງປະຊາຊົນຕໍ່ການປະຕິບັດໂຄງການກໍ່ສ້າງທາງລົດໄຟລາວ-ຈີນ, ພ້ອມທັງໄດ້ທິດຊີ້ນໍາໃນການປະຕິບັດໂຄງການຢູ່ເຂດເມືອງຊຽງເງິນ ແລະ ຕ້ອງໄດ້ປະຕິບັດການຊົດເຊີຍຜົນກະທົບໃຫ້ແກ່ປະຊາຊົນຕາມດຳລັດຂອງນາຍົກລັດຖະມົນຕີວ່າດ້ວຍການແກ້ໄຂຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນຢ່າງຮັບປະກັນ, ມີຄວາມຖຶກຕ້ອງ, ໂປງໃສ ແລະ ຍຸຕິທຳ. ນອກນັ້ນຍັງໄດ້ຮຽກຮ້ອງໃຫ້ພາກສວນທີ່ກ່ຽວຂ້ອງເປັນຕົ້ນແມ່ນການນຳຂອງແຂວງ, ເມືອງ ພາຍຫລັງທີ່ສຳເລັດການຍົກຍ້າຍແລ້ວ ຕ້ອງຮີບຮ້ອນຈັດສັນພື້ນທີ່ທຳການຜະລິດໃຫ້ແກ່ປະຊາຊົນໂດຍດ່ວນ.

- lattana 1 - ປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ
error: Content is protected !!