ຕໍາຫລວດແຂວງຫລວງນໍ້າທາຈັບເຄືອຂ່າຍຄ້າຢາເສບຕິດອັນຕະລາຍມາດໍາເນີນຄະດີ

- advert banner 728 90 728x90 - ຕໍາຫລວດແຂວງຫລວງນໍ້າທາຈັບເຄືອຂ່າຍຄ້າຢາເສບຕິດອັນຕະລາຍມາດໍາເນີນຄະດີ

ເຈົ້າໜ້າທີ່ ປກສ ແຂວງຫລວງນໍ້າທາ ໃຫ້ຮູ້ວ່າ: ເມື່ອບໍ່ດົນມານີ້, ກໍາລັງເຈົ້າໜ້າທີ່ຕົນສາມາດຈັບເຄືອຂ່າຍຄ້າຢາເສບຕິດຕົວອັນຕະລາຍມາດໍາເນີນຄະດີຕາມລະບຽບກົດໝາຍຄື: ທ້າວ ລໍຈາ ອາຍຸ 22 ປີຢູ່ບ້ານຈາພະ, ເມືອງຊຽງລາບ, ແຂວງທ່າຂີ້ເຫລັກປະເທດມຽນມາ, ທ້າວ ຢາແຫລະ ອາຍຸ 20 ປີ ແລະ ທ້າວ ອາປາ ອາຍຸ 17 ປີຢູ່ບ້ານຈ່າແກ້ວ, ເມືອງລອງ, ແຂວງຫລວງນ້ຳທາ ພ້ອມຂອງກາງຢາບ້າຈຳນວນ 1 ແສນເມັດ, ໂທລະສັບມືຖື 5 ໜ່ວຍ, ພ້ອມລົດຈັກທີ່ໃຊ້ເຄື່ອນໄຫວກະທໍາຜິດໜຶ່ງຄັນ ແລະ ເງິນສົດຈໍານວນໜຶ່ງ ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

- new3 - ຕໍາຫລວດແຂວງຫລວງນໍ້າທາຈັບເຄືອຂ່າຍຄ້າຢາເສບຕິດອັນຕະລາຍມາດໍາເນີນຄະດີ

ຜ່ານການສືບສວນ-ສອບສວນຂອງເຈົ້າໜ້າທີ່ພວກເຂົາຮັບສາລະພາບວ່າ: ຢາເສບຕິດດັ່ງກ່າວເປັນຂອງທ້າວ ລໍຈາ ທີ່ເອົາມາສົ່ງໃຫ້ທ້າວ ຢາແຫລະ ແລະ ທ້າວ ອາປາ ເພື່ອໄປຈໍາໜ່າຍໃຫ້ລູກຄ້າແຕ່ຖືກເຈົ້າໜ້າທີ່ຈັບຕົວໄດ້ກ່ອນ.

ເຈົ້າໜ້າທີ່ ໃຫ້ຮູ້ວ່າ: ປັດຈຸບັນຄະດີຢາເສບຕິດລາຍນີ້ພວມຂະຫຍາຍຜົນຫາເຄືອຂ່າຍ ແລະ ຜູ້ຮ່ວມຂະບວນການເພື່ອຈັບຕົວມາດຳເນີນຄະດີຕາມລະບຽບ ກົດໝາຍ.

- lattana 1 - ຕໍາຫລວດແຂວງຫລວງນໍ້າທາຈັບເຄືອຂ່າຍຄ້າຢາເສບຕິດອັນຕະລາຍມາດໍາເນີນຄະດີ

ຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ກໍາລັງ ປກສ ເມືອງວຽງຄໍາແຂວງວຽງຈັນ ໄດ້ຈັບຕົວທ້າວ ຕ້ອມ ອາຍຸ 34 ປີຢູ່ບ້ານໂພນໝີໃຕ້, ເມືອງວຽງຄໍາ ມາດໍາເນີນຄະດີຕາມລະບຽບກົດໝາຍ ໃນຂໍ້ຫາຄ້າຂາຍຢາເສບຕິດ, ພ້ອມຂອງກາງຢາບ້າ 146 ເມັດ ແລະ ຢາໄອຈໍານວນໜຶ່ງ.

ຂະນະດຽວກັນ, ເຈົ້າໜ້າທີ່ ປກສ ເມືອງໄກສອນ ພົມວິຫານແຂວງສະຫວັນນະເຂດ ກໍໄດ້ຈັບຕົວທ້າວ ກຸ້ງ ອາຍຸ 24 ປີຢູ່ບ້ານວຽງສະຫວັນເມືອງໄກສອນ ພົມວິຫານ, ພ້ອມຂອງກາງຢາບ້າ 150 ເມັດມາດໍາເນີນຄະດີຕາມລະບຽບກົດໝາຍ ແລະ ຍັງໄດ້ນໍາຕົວເປົ້າໝາຍພົວພັນຢາເສບຕິດຈໍານວນ 26 ຄົນຢູ່ບ້ານຈອມແກ້ວເມືອງໄກສອນ ພົມວິຫານ ມາສຶກສາອົບຮົມກ່າວເຕືອນເພື່ອໃຫ້ຮັບຮູ້ຜົນຮ້າຍ ແລະ ຢຸດເຊົາພົວພັນກັບສິ່ງເສບຕິດທຸກປະເພດ ແລະ ຖ້າຫາກພົບເຫັນມີການພົວພັນຢາເສບຕິດອີກແມ່ນເຈົ້າໜ້າທີ່ຈະປະຕິບັດຕາມລະບຽບກົດໝາຍເຂັ້ມງວດ.

error: Content is protected !!