ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

- advert banner 728 90 728x90 - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

- 1501558870078 960x0 - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

ທາງ​ການ​ຈີນ​ຕອ​ບ​ໂຕ້​ກັບ​ຄຳ​ວິຈານ​ຂອງ​ປະທານາທິບໍດີ ​ໂດນ​ັນ ທຣຳ ຜູ້ນຳ​ອາ​ເມ​ລິ​ກາ ​ເຊິ່ງຕຳ​ນິຈີນ​ເລື່ອງ​ບໍ່​ຊ່ວຍ​ແກ້​ໄຂ​ບັນຫາ​ພຶດຕິ​ກຳ​ຂອງ ສປປ ​ເກົາຫລີ ວ່າ: ຄວາມ​ຫຍຸ້ງຍາກ​ທີ່​ເກີດ​ຂຶ້ນທັງ​ໝົດ​ນັ້ນບໍ່​ໄດ້​ມາ​ຈາກ​ຈີນ ​ແລະ ຄວາມ​ຈິງ​ທຸກ​ຝ່າຍ​ກໍ​ຕ້ອງ​ຊ່ວຍ​ກັນ​ເພື່ອ​ຫາ​ທາງ​ອອກ​ໃນ​ເລື່ອງ​ນີ້.

ກະຊວງ​ການ​ຕ່າງປະ​ເທດ​ຈີນ​ອອກ​ຖະ​ແຫລ​ງການ, ຫລັງ​ຜູ້ນຳອາ​ເມ​ລິ​ກາສະ​ແດງ​ຂໍ້ຄວາມ​ວິຈານ​ຈີນ​ໃນ​ວັນ​ທີ 30 ກໍລະກົດ​ແລ້ວ​ນີ້ວ່າ: ຈີນ​ດີ​ແຕ່​ເວົ້າ ​ແຕ່​ບໍ່​ລົງມື​ປະຕິບັດ ​ເພື່ອ​ແກ້​ໄຂ​ບັນຫາ​ເລື່ອງ ສປປ ​ເກົາຫລີ.

 

+ ຈີນຂໍໃຫ້ ສປປ ເກົາຫລີ ເຄົາລົບມະຕິ ສປຊ ສ່ວນ ສ.ເກົາຫລີ ຈະຕິດຕັ້ງ THAAD ເພີ່ມ

+ ສປປ ເກົາຫລີ ອາດຈະຍິງ ລູກສອນໄຟໃໝ່ 27 ກໍລະກົດ

 

ທ່ານ ຫລິວ ​ເຈຍ​ອີ້ ທູດ​ຈີນ​ປະຈຳ​ສະຫະ​ປະຊາ​ຊາດ ລະບຸ​ວ່າ: ບັນຫາ​ດັ່ງກ່າວ​ຂຶ້ນຢູ່​ກັບ​ອາ​ເມ​ລິ​ກາ ​ແລະ ສປປ ​ເກົາຫລີ ​ເປັນ​ສຳຄັນ ບໍ່​ແມ່ນ​ຂຶ້ນກັບ​ຈີນ. ອາ​ເມ​ລິ​ກາ ​ແລະ ສປປ ​ເກົາຫລີ ​ເປັນ​ຝ່າຍ​ທຳ​ອິດ​ທີ່​ຕ້ອງ​ຮັບຜິດຊອບ​ໃນ​ການ​ເຮັດ​ໃຫ້​ສິ່ງ​ຕ່າງໆ​ຂັບ​ເຄື່ອນ​ໄປ​ໃນ​ທາງ​ທີ່​ຖືກຕ້ອງ ທັງ​ຫລຸດ​ສະຖານະ​ການ​ຄວາມ​ເຄັ່ງ​ຕຶງ ​ແລະ ພະຍາຍາມ​ໃຫ້​ເກີດ​ການ​ເຈລະຈາ ​ເພື່ອ​ຢຸດຕິ​ໂຄງການ​ພັດທະນາ​ລູກ​ສອນ​ໄຟ ​ແລະ ອາວຸດ​ນິວ​ເຄຼຍຂອງ ສປປ ​ເກົາຫລີ ຕໍ່​ໄປ.

- 1 1 - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ
- Tiger Head 728x90 - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

ທ່ານ ຫລິວ ຍັງ​ກ່າວ​ອີກ​ວ່າ: ບໍ່​ວ່າ​ຈີນ​ຈະ​ມີ​ຄວາມ​ສາມາດ​ສໍ່າ​ໃດ, ຄວາມ​ພະຍາຍາມ​ຂອງ​ຈີນ​ຈະ​ບໍ່​ເກີດ​ຜົນ​ໃນ​ທາງ​ປະຕິບັດ ​ເພາະ​ເລື່ອງ​ນີ້​ຂຶ້ນຢູ່​ກັບ​ຄູ່​ກໍລະນີຕົ້ນ​ຕໍ​ເປັນ​ສຳຄັນ.

- 97147093 e45907b3 47a6 44d3 b88b db33797e80be - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

 

ກະຊວງ​ການ​ຕ່າງປະ​ເທດຣັດ​ເຊຍ​ອອກ​ຖະ​ແຫລ​ງການ​ເຊັ່ນ​ກັນ​ວ່າ: ອາ​ເມ​ລິ​ກາ ​ແລະ ປະ​ເທດ​ອື່ນ​ໆ​ອີກ​ຈຳນວນ​ໜຶ່ງ ພະຍາຍາມ​ຈະ​ໂຍນ​ຄວາມ​ຮັບຜິດຊອບ​ເລື່ອງ​ບັນຫາ ສປປ ​ເກົາຫລີ ​ໃຫ້ຣັດ​ເຊຍ ​ແລະ ຈີນ ​ໂດຍ​ກ່າວ​ໂທ​ດວ່າ​ທັງ​ສອງ​ປະ​ເທດ​ສະໜັບສະໜູນ​ຄວາມ​ພະຍາຍາມຂອງ ສປປ ​ເກົາຫລີ ​ໃນ​ການ​ພັດທະນາອາວຸດ​ນິວ​ເຄຼຍ.

ທ່ານ ສຽນ ​ເຄີ​ໝິງ ຮອງ​ລັດຖະມົນຕີ​ກະຊວງ​ການ​ຄ້າ​ຂອງ​ຈີນ ຍັງ​ໄດ້​ອອກ​ມາ​ຕອບ​ໂຕ້​ກໍລະນີ​ທີ່​ທ່ານ ທຣຳ ຕຳນິຈີນ​ວ່າ​ບໍ່​ຊ່ວຍ​ເຫລືອ​ເລື່ອງ ສປປ ​ເກົາຫລີ ທັງ​ທີ່​ອາ​ເມ​ລິ​ກາຍອມ​ເສຍ​ດຸນ​ການ​ຄ້າ​ໃຫ້​ຈີນ​ໄປ​ເປັນ​ມູນ​ຄ່າ​ມະຫາສານ​ໃນ​ອະດີດ​ວ່າ: ບັນຫາ​ນິວ​ເຄຼຍ ສປປ ​ເກົາຫລີ ​ແລະ ບັນຫາ​ການ​ຄ້າ​ລະຫວ່າງ​ ຈີນ-ອາ​ເມ​ລິ​ກາ ນັ້ນ ​ເປັນ​ຄົນ​ລະ​ເລື່ອງ​ກັນ ​ແລະ ບໍ່​ຄວນ​ນຳ​ມາ​ເວົ້າ​ເຊື່ອມ​ໂຍງ​ວ່າ​ມີ​ຄວາມ​ກ່ຽວຂ້ອງ​ກັນ.

- 95456385 icbm missiles ranges 624 e1491726738325 600x534 - ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

ສຳນັກ​ຂ່າວຣອຍ​ເຕີ​ລາຍ​ງານ​ວ່າ: ຜົນ​ການ​ວິ​ເຄາະ​ວີ​ດີ​ໂອ​ທີ່​ບັນທຶກ​ພາບ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ ຮວາ​ຊອງ-14 ຂອງ ສປປ ​ເກົາຫລີ ​ໃນ​ການ​ທົດ​ລອງ​ຍິງ​ຄັ້ງຫລ້າ​ສຸດ​ໃນ​ວັນ​ທີ 28 ກໍລະກົດ​ຜ່ານ​ມາ ​ໄດ້​ສະ​ແດງ​ໃຫ້​ເຫັນ​ວ່າ​ຫົວ​ຮົບ​ຂອງລູກ​ສອນ​ໄຟ​ໄດ້​ແຕກ​ລະ​ເບີດ​ອອກກ່ອນ​ຕົກ​ສູ່​ເປົ້າໝາຍ ​ເຊິ່ງໝາຍ​ຄວາມ​ວ່າການ​ທົດ​ລອງ​ເຕັກ​ໂນ​ໂລ​ຊີ​ນຳ​ຫົວ​ຮົບ​ກັບ​ເຂົ້າສູ່​ຊັ້ນບັນຍາກາດ​ໂລກ​ຂອງ ສປປ ​ເກົາຫລີ ນັ້ນ ຍັງ​ບໍ່​ປະສົບ​ຜົນສຳ​ເລັດ​ດັ່ງ​ທີ່​ກ່າວ​ອ້າງ​ແຕ່​ຢ່າງ​ໃດ.

error: Content is protected !!