ວິທີເກັບຮັກສາຄຸນຄ່າຂອງວິຕາມິນ

- advert banner 728 90 728x90 - ວິທີເກັບຮັກສາຄຸນຄ່າຂອງວິຕາມິນ

ຮູ້ວິຮັກສາວິຕາມິນໃຫ້ມີຄຸນຄ່າຢູ່ດົນ, ຄາລາກໍບໍ່ຖືກ, ຊື້ມາແລ້ວຕ້ອງຮັກສາໃຫ້ຖືກຕ້ອງ ຍ້ອນຖ້າບໍ່ລະວັງວິຕາມິນທີ່ມີຄຸນຄ່າຈະກາຍເປັນແປ້ງລ້າໆ ແລະ ບໍ່ເກີດປະໂຫຍດ, ແຕ່ອາດເປັນໂທດໄດ້.

- new3 - ວິທີເກັບຮັກສາຄຸນຄ່າຂອງວິຕາມິນ

ໃນສັງຄົມປະຈຸບັນ ເຮົາຈະເຫັນຄົນຈັບກ່ອງວິຕາມິນ, ອາຫານເສີມຫລັງຈາກກິນອາຫານແລ້ວ, ບາງຄົນກໍເລີ່ມກິນມື້ລະ 1 – 2 ເມັດ, ແຕ່ບາງຄົນກິນວິຕາມິນເປັນຂອງຫວານລ້າງປາກເລີຍກໍມີ, ກິນເທື່ອລະເປັນກຳ, ແຕ່ການພົກພາວິຕາມິນຫລາຍໆຊະນິດໄປພ້ອມໆກັນຄົງບໍ່ມີໃຜແຍກວິຕາມິນອອກຈາກກັນ ມີແຕ່ລວມກັນໃສ່ກ່ອງດຽວ, ແຕ່ອາຫານເສີມ ແລະ  ວິຕາມິນແຕ່ລະຊະນິດຕ້ອງລະມັດລະວັງເບິ່ງແຍງຮັກສາແຕກຕ່າງກັນ ເພາະບາງຊະນິດຕ້ອງຢູ່ໃນກ່ອງສະເໝີ ເພາະບໍ່ຄວນຖືກແສງແດດ ແລະ ສ່ວນຫລາຍບໍ່ຄວນປະໄວ້ໃຫ້ຢູ່ໃນສະພາບອາການຮ້ອນ.

ເຮົາມີຂໍ້ແນະນຳສຳລັບການຮັກສາ ແລະ ການພົກພາວິຕາມິນຕິດຕາມເຮົາໄປທຸກບ່ອນ ໂດຍຍັງຮັກສາຄຸນຄ່າສານອາຫານຢ່າງເຕັມທີ່ ບໍ່ກາຍເປັນວິຕາມິນໝົດອາຍຸທີ່ເປັນໂທດຕໍ່ຮ່າງກາຍ.

- lattana 1 - ວິທີເກັບຮັກສາຄຸນຄ່າຂອງວິຕາມິນ
  1. ເກັບມ້ຽນວິຕາມິນບໍ່ວ່າຈະເປັນຮູບແບບເມັດ ຫລື ແຄັບຊູນໄວ້ໃນບ່ອນແຫ້ງ, ບໍ່ອັບຊຸ່ມ, ບໍ່ຮ້ອນ ເຊັ່ນ : ບໍ່ເກັບມ້ຽນໄວ້ໃນ ຫ້ອງທີ່ມີແດດສ່ອງເຖິງ ຫລື ປະໄວ້ໃນລົດ. ວິຕາມິນປະເພດນຳ້ມັນປາ ຫລື ພວກສານສະກັດທຳມະຊາດ ຄວນເກັບມ້ຽນໄວ້ໃນຕູ້ເຢັນ.
  2. ຢ່າເກັບມ້ຽນວິຕາມິນໃນຕູ້ເຮືອນຄົວ : ເພາະເຮືອນຄົວສ່ວນຫລາຍຈະອາກາດຮ້ອນ ຫລື ພົບກັບຄວາມຮ້ອນຈາກອຸປະກອນໃນເຮືອນຄົວ ຄຳນຶງສະເໝີວ່າວິຕາມິນບໍ່ມັກຄວາມຮ້ອນ ຫລື ບັນດານັກເດີນທາງຢ່າເອົາວິຕາມິນໃສ່ໃນກະເປົ໋າເດີນທາງແລ້ວເອົາຂຶ້ນເຮືອບິນ ເພາະຫ້ອງທີ່ເກັບມ້ຽນກະເປົ໋າເດີນທາງມີອຸນຫະພູມສູງເກີນໄປ.
  3. ຢ່າໃສ່ວິຕາມິນຕ່າງຊະນິດກັນໃນກ່ອງດຽວກັນ ເຊັ່ນ : ນຳ້ມັນປາທີ່ມີຄວາມຊຸ່ມສູງ ເມື່ອໄປວາງກັບການຊຽມທີ່ບໍ່ຕ້ອງການຄວາມຊຸ່ມ ຈະເຮັດໃຫ້ຄຸນຄ່າຂອງທັງສອງຢ່າງຫລຸດລົງ.
  4. ສຳລັບການເດີນທາງໄກບໍ່ເທົ່າໃດມື້ ໃສ່ວິຕາມິນຊະນິດໃກ້ຄຽງກັນໄດ້, ແຕ່ຖ້າຈຳເປັນຕ້ອງມີການເດີນທາງຍາວກ່ວາ 2 ອາທິດ ຄວນໃສ່ທັງສອງກ່ອງໄປດີກ່ວາເພື່ອຄຸນນະພາບທີ່ດີ.
  5. ວິຕາມິນໝົດອາຍຸຕ້ອງຖິ້ມທັນທີ ຢ່າເສຍດາຍ ເພາະວິຕາມິນທີ່ໝົດອາຍຸອາດກາຍເປັນພິດຕໍ່ຮ່າງກາຍໄດ້.
error: Content is protected !!