6 ສະຖານະການທີ່ທ່ານບໍ່ຄວນອາບນ້ຳ

- advert banner 728 90 728x90 -  6 ສະຖານະການທີ່ທ່ານບໍ່ຄວນອາບນ້ຳ

ມີໜຶ່ງບົດຮຽນຈາກ ທ່ານ ຫລິວ ຄົນສັນຊາດຈີນ ເປັນຄົນຮູບຮ່າງອວບ ອາຍຸ 51 ປີ ໂດຍວັນທີ 1 ສິງຫາປີຜ່ານມາ ຮ່າງກາຍຂອງລາວມີອຸນຫະພູມ 38 ອົງສາ ຫລັງຈາກເລີກວຽກມາຮອດເຮືອນເຫື່ອອອກທົ່ວໂຕ ລາວກໍຕັກນຳ້ເຢັນມາອາບ ຫົດແຕ່ຫົວຮອດຕີນ. ຄືນນັ້ນ ທ່ານຫລິວ ບອກຜູ້ເປັນເມຍວ່າຮູ້ສຶກຄືຫົວໃຈເຮັດວຽກບໍ່ປົກກະຕິ ເຊິ່ງຄົນໃນເຮືອນຄິດວ່າເປັນຍ້ອນຕາກແດດມາໝົດມື້ຈຶ່ງບໍ່ສະບາຍ ຈຶ່ງໃຫ້ລາວນອນພັກຢູ່ເທິງຕຽງ, ແຕ່ອາການກໍບໍ່ດີຂຶ້ນ ເພາະລາວເຈັບໜ້າເອິກຫລາຍກ່ວາເກົ່າ.

ເມື່ອຖືກນຳໂຕສົ່ງໂຮງໝໍ ແພດກວດພົບວ່າ ທ່ານ ຫລິວ ກ້າມຊີ້ນຫົວໃຈຕາຍ ແລະ ຫລອດເລືອດອັດຕັນ. ຄະນະແພດ ແລະ ພະຍາບານຮ່ວມກັນຊ່ວຍຊີວິດ ແຕ່ສຸດທ້າຍ ທ່ານ ຫລິວ ກໍບໍ່ຟື້ນຂຶ້ນມາ.

ນຳ້ເຢັນເປັນສາເຫດໃຫ້ຫລອດເລືອດອັດຕັນ ເຖິງວ່າໃນມື້ທີ່ອາກາດຮ້ອນຫລາຍໆກໍເກີດຂຶ້ນໄດ້ ເຊິ່ງທ່ານໝໍ ບອກວ່າ : ອາການກ້າມຊີ້ນຫົວໃຈພົບຫລາຍໃນຍາມໜາວ, ແຕ່ມັນກໍມີໂອກາດເກີດຂຶ້ນໃນຍາມຮ້ອນຄືກັນ, ການກະຕຸ້ນດ້ວຍຄວາມເຢັນຢ່າງກະທັນຫັນ ບໍ່ພຽງແຕ່ເຮັດໃຫ້ຫລອດເລືອດໃນຮ່າງກາຍຫົດໂຕ ເຮັດໃຫ້ຄວາມດັນຕໍ່າລົງ ບາງເທື່ອອາດເປັນສາເຫດໃຫ້ຫລອດເລືອດຫົວໃຈຕີບຢ່າງກະທັນຫັນຮຸນແຮງ,​ ຫລອດເລືອດແຕກ ຫລື ຕັນ ເຮັດໃຫ້ເກີດອາການຫົວໃຈວາຍກະທັນຫັນຈົນເປັນອັນຕະລາຍເຖິງຊີວິດ.

- 1 1 -  6 ສະຖານະການທີ່ທ່ານບໍ່ຄວນອາບນ້ຳ
- Tiger Head 728x90 -  6 ສະຖານະການທີ່ທ່ານບໍ່ຄວນອາບນ້ຳ

6 ສະຖານະການທີ່ບໍ່ເໝາະສົມຕໍ່ການອາບນຳ້ມີດັ່ງນີ້ :

  1. ເມື່ອຄວາມດັນຫລຸດລົງຕໍ່າ ບໍ່ເໝາະສົມຕໍ່ການອາບນຳ້: ເພາະເວລາອາບນຳ້ ອຸນຫະພູມຂອງນຳ້ມັກຈະສູງກ່ວາອຸນຫະພູມຮ່າງກາຍ, ນຳ້ອຸ່ນໆຈະໄປເຮັດໃຫ້ຫລອດເລືອດຂະຫຍາຍໂຕ ຄົນທີ່ມີອາການຄວາມດັນຕໍ່າຈະມີເລືອດໄປລ້ຽງພາກສ່ວນຕ່າງໆຂອງຮ່າງກາຍບໍ່ພຽງພໍ ເປັນສາເຫດໃຫ້ເປັນວິນໝົດສະຕິ.
  2. ແມ່ຍິງທີ່ສຸຂະພາບບໍ່ແຂງແຮງບໍ່ຄວນອາບນຳ້ເຢັນ : ແມ່ຍິງທີ່ສຸຂະພາບບໍ່ດີ ບໍ່ຄວນອາບນຳ້ເຢັນ ເພາະພູມຕ້ານທານຕໍ່າ ເວລາໄປຖືກນຳ້ເຢັນກະຕຸ້ນ ອາດຈະເປັນໄຂ້ຫວັດໄດ້.
  3.   ຫລັງດື່ມເຫລົ້າ ຫລື ສິ່ງມຶນເມົາບໍ່ຄວນອາບນຳ້ : ອານກໍຮໍຈະໄປຂັດຂວາງການເຮັດວຽກຂອງຕັບ ເຮັດໃຫ້ການປ່ອຍກລູໂກສອອກມາສູ່ກະແສເລືອດໜ້ອຍລົງ ແລ້ວເວລາອາບນຳ້ຮ່າງກາຍຈະຕ້ອງການກລູໂກສຫລາຍຍິ່ງຂຶ້ນ. ສະນັ້ນ, ການອາບນຳ້ຫລັງດື່ມສິ່ງມຶນເມົາ ປະລິມານນຳ້ຕານໃນເລືອດຈະບໍ່ພຽງພໍ ເຮັດໃຫ້ເກີດອາການວິນຫົວ, ໜ້າມືດຕາລາຍຮ່າງກາຍບໍ່ມີແຮງ.
  4. ບໍ່ຄວນອາບນຳ້ທັນທີຫລັງຈາກອອກກຳລັງກາຍມາເຕັມທີ່ : ບໍ່ວ່າຈະເປັນຫລັງການອອກກຳລັງທາງຮ່າງກາຍ ຫລື ສະໝອງຢ່າງໜັກ ຮ່າງກາຍຕ້ອງການພັກຜ່ອນຈັກໄລຍະກ່ອນຈະອາບນຳ້ ບໍ່ດັ່ງນັ້ນຈະເປັນສາເຫດໃຫ້ເລືອດໄປລ້ຽງຫົວໃຈ ແລະ ສະໝອງບໍ່ພຽງພໍ ເຮັດໃຫ້ເກີດອາການເປັນວິນໄດ້.
  5. ເມື່ອເປັນໄຂ້ບໍ່ຄວນອາບນຳ້ : ເມື່ອອຸນຫະພູມຮ່າງກາຍສູງເຖິງ 38 ອົງສາ ປະລິມານການເຜົາຜານຄວາມຮ້ອນໃນຮ່າງກາຍເພີ່ມຂຶ້ນ 20% ໃນເວລານັ້ນຮ່າງກາຍຈະອ່ອນແອ ເຊິ່ງຖ້າໄປອາບນຳ້ອາດເກີດອັນຕະລາຍໄດ້.
  6. ຫລັງກິນເຂົ້າອີ່ມບໍ່ຄວນອາບນຳ້ທັນທີ : ຫລັງກິນເຂົ້າອີ່ມ ເລືອດຈະໄປລ້ຽງລະບົບຍ່ອຍອາຫານເປັນຈຳນວນຫລາຍ ເພື່ອໃຫ້ລະບົບຍ່ອຍອາຫານເຮັດວຽກໄດ້ເຕັມທີ່ ຖ້າໄປອາບນຳ້ໃນເວລານີ້ເລືອດຈະຕ້ອງແບ່ງໄປລ້ຽງພາກສ່ວນອື່ນ ເຮັດໃຫ້ລະບົບຍ່ອຍອາຫານເຮັດວຽກບໍ່ເຕັມທີ່ ເພາະມີເລືອດມາລ້ຽງບໍ່ພຽງພໍ ເກີດອາການອາຫານບໍ່ຍ່ອຍ ແລະ ອື່ນໆ.
error: Content is protected !!