ລວມຄໍາຄົມ ບຸກຄົນສໍາຄັນຂອງໂລກ

- advert banner 728 90 728x90 - ລວມຄໍາຄົມ ບຸກຄົນສໍາຄັນຂອງໂລກ

 

- 1 1 - ລວມຄໍາຄົມ ບຸກຄົນສໍາຄັນຂອງໂລກ
- lattana 1 - ລວມຄໍາຄົມ ບຸກຄົນສໍາຄັນຂອງໂລກ
  1. ຖ້າເຈົ້າຕ້ອງການຄວາມສໍາເລັດຫຼາຍຂຶ້ນໜຶ່ງເທົ່າ ຈົ່ງເພີ່ມຄວາມລົ້ມເຫຼວເປັນສອງເທົ່າ. (ທ່ານ ທີ ວັຕສັນ ຈູເນຍຣ໌ ຜູ້ກໍ່ຕັ້ງບໍລິສັດ IBM).
  2. ເຮົາຄວນຫ່ວງ​ໄຍກ່ຽວກັບອະນາຄົດ ເພາະເຮົາຕ້ອງໃຊ້ຊີວິດທີ່ເຫຼືອຂອງເຮົາໃນອະນາຄົດ (ທ່ານ ຊາຣ໌ລສ໌ ເດດເດີິຣິງ ວິສະວະກໍາໄຟຟ້າ ຊາວອາເມລິກາ).
  3. ຖ້າເຮົາຍັງຜິດຖຽງກັນເລື່ອງມື້ວານນີ້ ເຮົາຈະສູນເສຍວັນຕໍ່ໄປ (ທ່ານ ເຊີຣ໌ວິນສຕັນ ເຊີຣຊິລ ອະດີດນາຍົກລັດຖະມົນຕີ ແລະ ລັດຖະບູລຸດຂອງປະເທດອັງກິດ).
  4. ຈົ່ງຖະໜອມນາທີໃຫ້ດີ ແລ້ວຊົ່ວໂມງຈະຖະໜອມມັນເອງ (ທ່ານ ຈິມເບິຣ໌ຕ ຄີຣ ເຊສເດີຣ໌ຕັນ ນັກຂຽນຊາວອັງກິດ).
  5. ໃນຊີວິດນັ້ນມີຄໍາຖາມຢູ່ 3 ຄໍາຖາມທີ່ຈໍາເປັນຕ້ອງຖາມກັບຕົນເອງຢູ່ສະເໜີ ນັ້ນຄື ດີ ຫຼື ຊົ່ວ?, ແທ້ ຫຼື ຂີ້ຕົວະ ?, ງາມ ຫຼື ຂີ້ຮ້າຍ ? ແລະ ການສຶກສາຈໍາເປັນຢ່າງຍິ່ງທີ່ຈະຕ້ອງຊ່ວຍເຮົາຕອບຄໍາຖາມເຫຼົ່ານັ້ນ (ທ່ານ ຈອນຫ໌ ລອບບອດ ນັກຄະນິດສາດ ແລະ ດາລາສາດຊາວອັງກິດ).
  6. ຄວາມສໍາພັນລະຫວ່າງຜູ້ປົກຄອງກັບສາມັນຊົນ ກໍຄືກັບຄວາມສໍາພັນລະຫວ່າງນໍ້າກັບເຮືອ ຜູ້ປົກຄອງຄືເຮືອ ສາມັນຊົນຄືນໍ້າ ນໍ້າສາມາດເຮັດໃຫ້ເຮືອລອຍໄດ້ ຫຼື ບໍ່ເຊັ່ນນັ້ນກໍສາມາດເຮັດໃຫ້ເຮືອຈົມໄດ້ ( ທ່ານ ສິນຈື່ ນັກປັດຊະຍາຈີນ).
  7. ຢ່າຢ້ານການຕໍ່ຕ້ານ ຈົ່ງຈື່ໄວ້ວ່າ ວ່າວຈະລອຍສູງໄດ້ເມື່ອທວນລົມ ບໍ່ແມ່ນຕາມລົມ (ທ່ານ ແຮມິລຕັນ ມາບີ ນັກຂຽນ ສິລະປິນ).
  8. ເປັນຫຍັງໃນຍາມຝັນ ເຮົາຈຶ່ງເຫັນສິ່ງຕ່າງໆໄດ້ຊັດເຈນຍິ່ງກວ່າເມື່ອນຶກຈິນຕະນາການໃນຍາມຕື່ນ (ທ່ານ ລີໂອນາຣ໌ໂດ ດາວິນຊີ ນັກປະດິດ ແລະ ຈິດຕະກອນຊາວອີຕາ​ລີ).
  9. ປັດຊະຍາທີ່ຂຽນຢູ່ໃນປຶ້ມຫົວຍິ່ງໃຫຍ່​ເຊິ່ງວາງຢູ່ເບື້ອງໜ້າເຮົາຕະຫຼອດເວລາ ໝາຍເຖິງຈັກກະວານ ຖ້າວ່າເຮົາຈະບໍ່ສາມາດເຂົ້າໃຈຖ້າເຮົາບໍ່ຮຽນພາສາກ່ອນ ແລະ ຈັບຄວາມໝາຍສັນຍາລັກທີ່ໃຊ້ຂຽນ (ທ່ານ ກາລິເລໂອ ກາລິເລອີ ນັກຟີຊິກ ແລະ ນັກດາລາສາດຊາວອົດສະຕຣາລີ).
  10. ສິ່ງທີ່ສອນໃນໂຮງຮຽນ ແລະ ມະຫາວິທະຍາໄລ ບໍ່ແມ່ນການສຶກສາ ແຕ່ເປັນວິທີການສຶກສາ (ທ່ານ ຣາລ໌ຟ ວັລໂດ ເອເມີຣ໌ສັນ ນັກຂຽນ ແລະ ນັກປັດຊະຍາຊາວອາເມລິກັນ).
  11. ຕະຫຼອດທີ່ຈິນຕະນາການ ນໍາເຮົາໄປສູ່ໂລກທີ່ບໍ່ມີຢູ່ຈິງ ແຕ່ຖ້າປາສະຈາກຈິນຕະນາການ ເຮົາກໍຈະບໍ່ໄດ້ໄປບ່ອນໃດເລີຍ (ທ່ານ ດາຣ໌ລ ຊາແກນ ນັກດາລາສາດ ຊາວອາເມລິກາ).
  12. ປະສົບການຄືສິ່ງທີ່ເຈົ້າໄດ້ ເມື່ອເຈົ້າບໍ່ໄດ້ສິ່ງທີ່ເຈົ້າຕ້ອງການ (ທ່ານ ແດນ ສແຕນຟໍຣ໌ຕ ຜູ້ອໍານວຍການ Mcknight Associates Inc ).
  13. ຈະມີຢູ່ສະເໝີທີ່ຄົນຕ້ອງເບິ່ງເຂົ້າໄປໃນຄວາມມືດເພື່ອທີ່ຈະເບິ່ງເຫັນ (ທ່ານ ອະແລນ ແມັກລາເຊນ ຈິດຕະແພດຊາວອັງກິດ).
  14. ຊີວິດທີ່ດີຄື ຊີວິດທີ່ໄດ້ຮັບແຮງບັນດານໃຈໂດຍຄວາມຮັກ ແລະ ນໍາທາງໂດຍຄວາມຮູ້ (ທ່ານ ເບີຣ໌ຣັນດ໌ ຣັທເຊລສ໌ ນັກປັດຊະຍາ, ນັກຄະນິດສາດ ຊາວອັງກິດ).
  15. ເຮົາມີສອງຫູ ແຕ່ມີລິ້ນພຽງອັນດຽວ ເພື່ອວ່າເຮົາຈະໄດ້ຟັງຫຼາຍ ແລະ ເວົ້າໃຫ້ໜ້ອຍ (ທ່ານ ດິໂອຈິເນສ ນັກປັດສະຍາເກຣັກບູຮານ).
  16. ຈົ່ງໃຊ້ເວລາຄິດໄຕ່ຕອງໃຫ້ຮອບຄອບ ແຕ່ເມື່ອເວລາປະຕິບັດການມາເຖິງ ຈົ່ງເຊົາຄິດ ແລະ ລົງມືປະຕິບັດຢ່າງດຽວ (ທ່ານ ພລແອນດຣູ ແຈັຄສັນ ປະທານາທິບໍດີສະຫະລັດ ຄົນທີ 7).
  17. ໃນວັດຈະນານຸກົມຂອງຄົນໜຸ່ມສາວ ບໍ່ມີຄໍາວ່າລົ້ມເຫຼວ (ທ່ານ ເອດວາຣ໌ດ ບຸລເວີຣ໌ ລີຕຕັນ ລັດຖະບູລຸດ ແລະ ກະວີຊາວອັງກິດ).
  18. ລັດຖະບູລຸດມີຄວາມກັງວົນ 3 ຢ່າງຄື: ເມື່ອບໍ່ໄດ້ຮັບຮູ້ສິ່ງທີ່ດີ ເຂົາຈະຮູ້ສຶກກັງວົນຈົນກວ່າຈະໄດ້ຮັບຮູ້ ເມື່ອໄດ້ຮັບຮູ້ແລ້ວເຂົາກໍເລີ່ມກັງວົນວ່າຈະບໍ່ໄດ້ຮຽນຮູ້ ເມື່ອໄດ້ຮຽນຮູ້ແລ້ວເຂົາກໍເລີ່ມກັງວົນວ່າຈະສາມາດປະຕິບັດໄດ້ຕາມທີ່ໄດ້ຮຽນມາ.
  19. ພະເຈົ້າ​ໄດ້ປະທານອາຫານໃຫ້ນົກທຸກໂຕ ແຕ່ພະອົງບໍ່​ໄດ້ປະທານໃຫ້ເຖິງຮັງ ( ທ່ານ ເຈ ຈີ ຮອລແລນດ໌ ນັກຂຽນຊາວສະຫະລັດອາ​ເມ​ລິ​ກາ).
  20. ກ່ອນທີ່ເຮົາຈະພະຍາຍາມປີນຂຶ້ນຈຸດສູງສຸດຂອງວິທະຍາສາດ ເຮົາຈະຕ້ອງຮຽນຈາກພື້ນຖານຂອງມັນກ່ອນ (ທ່ານ ອີວານ ພາຟລອຟ ນັກຊີວະວິທະຍາ).
error: Content is protected !!