ອາເມລິກາຂວ້ຳບາດ ປະທານາທິບໍດີເວເນຊູເອລາ

- advert banner 728 90 728x90 - ອາເມລິກາຂວ້ຳບາດ ປະທານາທິບໍດີເວເນຊູເອລາ

ລັດຖະບານ​ວໍ​ຊິງ​ຕັນ​ອາ​ຍັດ​ຊັບ​ສິນ​ທັງ​ໝົດ​ຂອງ​ປະທານາທິບໍດີ ນິ​ໂກ​ລັດ​ ມາ​ດູ​ໂຣ ທີ່​ມີ​ຢູ່​ໃນ​ອາ​ເມ​ລິ​ກາ, ພາຍຫລັງ​ຜູ້ນຳ​ເວ​ເນ​ຊູ​ເອລາ​ຈັດການ​ເລືອກ​ຕັ້ງສະພາ​ປະຊາຊົນ ທີ່​ຫລາຍ​ຝ່າຍ​ເບິ່ງ​ວ່າ​ເປັນຄວາມ​ພະຍາຍາມ​ຄວບ​ຄຸມ​ອຳນາດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ອາ​ເມ​ລິ​ກາ ​ໃນ​ວັນ​ທີ 31 ກໍລະກົດ​ແລ້ວ​ນີ້​ວ່າ: ກະຊວງ​ການ​​ເງິນ​ອາ​ເມ​ລິ​ກາ​ອອກ​ຖະ​ແຫລ​ງ​ໃນ​ວັນ​ທີ 31 ກໍລະກົດ ​ເພີ່ມ​ຊື່​ຂອງ​ປະທານາທິບໍດີ ນິ​ໂກ​ລັດ ມາດ​ູ​ໂຣ ​ເຂົ້າສູ່​ບັນຊີ​ດຳ​ລາຍ​ຊື່​ເຈົ້າໜ້າ​ທີ່​ລະດັບ​ສູງ​ຂອງ​ລັດຖະບານ​ເວ​ເນ​ຊູ​ເອລາ ​ເຊິ່ງຈະ​ຖືກ​ອາ​ຍັດຊັບ​ສິນ​ທັງ​ໝົດ​ທີ່​ມີ​ຢູ່​ໃນ​ອາ​ເມ​ລິ​ກາ ​ແລະ ການ​ຫ້າມ​ບຸກຄົນ ​ແລະ ນິຕິບຸກຄົນ​ທີ່ຢູ່​ພາຍ​ໃຕ້​ຂອບ​ເຂດ​ອຳນາດ​ກົດໝາຍ​ຂອງ​ລັດຖະບານ​ວໍ​ຊິງ​ຕັນ ​ເຮັດ​ທຸລະ​ກຳ​ຮ່ວມ​ກັບ​ຜູ້ນຳ​​ເວ​ເນ​ຊູ​ເອລາ. ທັງ​ນີ້ ​ໃນ​ອາທິດ​ຜ່ານ​ມາ, ລັດຖະບານ​ວໍ​ຊິງ​ຕັນ​ຂວ້ຳບາດ​ເຈົ້າໜ້າ​ທີ່ລະດັບ​ສູງ​ຂອງ​ລັດຖະບານ​ກາຣາກັດ 13 ຄົນ ໜຶ່ງ​ໃນ​ນັ້ນຄື​ທ່ານ ​ເນສ​ເຕີ ​ເຣ​ເວຣອລ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ.

- 1 1 - ອາເມລິກາຂວ້ຳບາດ ປະທານາທິບໍດີເວເນຊູເອລາ
- lattana 1 - ອາເມລິກາຂວ້ຳບາດ ປະທານາທິບໍດີເວເນຊູເອລາ

ທ່ານ ມາ​ດູ​ໂຣ ປະກາດ​ວ່າ: ທ່ານ​ບໍ່​ຢ້ານ​ກົວ​ມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ ​ແລະ ຈະ​ບໍ່​ມີ​ທາງ​ປະຕິບັດ​ຕາມ​ຄຳ​ສັ່ງ​ຂອງ​ລັດຖະບານ​ຕ່າງປະ​ເທດ. ການ​ເລືອກ​ຕັ້ງທີ່​ເກີດ​ຂຶ້ນຄື​ການ​ຕັດສິນ​ໃຈ​ຂອງ​ຊາວ​ເວ​ເນ​ຊູ​ເອລາ ​ໂດຍ​ຄະນະ​ກຳມະການ​ການ​ເລືອກ​ຕັ້ງລາຍ​ງານ​ຈຳນວນ​ຜູ້​ອອກ​ມາ​ໃຊ້​ສິດ 41,5% ຈາກ​ຜູ້​ມີ​ສິດ​ອອກສຽງ​ທັງ​ໝົດ​ປະມານ 20 ລ້ານ​ຄົນ, ​ແຕ່​ຂໍ້​ມູນ​ຂອງ​ອົງການ​ອິດ​ສະລະ ​ແລະ ພັກ​ຝ່າຍ​ຄ້ານ​ລະບຸ​ວ່າ​ຈຳນວນ​ຜູ້​ອອກ​ມາ​ໃຊ້​ສິດ​ພຽງ 12% ທ່າມກາງ​ການ​ປະ​ທ້ວງ​ຢ່າງ​ດຸ​ເດືອດ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 10 ຄົນ ​ໃນ​ວັນ​ທີ 30 ກໍລະກົດ​ຜ່ານ​ມາ​ພຽງ​ວັນ​ດຽວ ​ແລະ ຖ້າ​ລວມກັບ​ຈຳນວນ​ຜູ້​ເສຍ​ຊີວິດ​ຈາກ​ການ​ປະ​ທ້ວງ​ທີ່​ຍືດ​ເຍື້ອມາ​ແຕ່​ເດືອນ​ເມສາ​ຜ່ານ​ມາ ​ເພີ່ມ​ຈຳນວນ​ຜູ້​ເສຍ​ຊີວິດຫລາຍ​ກວ່າ 120 ຄົນ​​ແລ້ວ.

error: Content is protected !!