ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ

- 1501561096470 960x0 - ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ
- Untitled design - ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ

ລັດຖະມົນຕີ​ວ່າ​ການ​ກະຊວງ​ສາທາລະນະ​ສຸກ​ຈາກ​ປະ​ເທດ​ອາຊີ​ໃຕ້​ມີ​ມະຕິ​ຮັບຮອງ​ປະລິນຍາ​ໂກ​ລົມ​ໂບ ວ່າ​ດ້ວຍ​ການ​ຍົກ​ລະດັບ​ການ​ຮ່ວມ​ມື​ໃນ​ການ​ແກ້​ໄຂ​ບັນຫາ​ດ້ານ​ສຸຂະພາບ​ໃນ​ພາກພື້ນ ລະຫວ່າງ​ກອງ​ປະຊຸມ​ສະມາຄົມ​ການ​ຮ່ວມ​ມື​ແຫ່ງ​ພາກພື້ນອາຊີ​ໃຕ້ (SAARC) ​ໃນ​ອາທິດ​ຜ່ານ​ມາ.

ກອງ​ປະຊຸມ​ດັ່ງກ່າວ​ຈັດ​ຂຶ້ນຢູ່​ສີ​ລັງກາ​ລະຫວ່າງ​ວັນ​ທີ 27-30 ກໍລະກົດ​ຜ່ານ​ມາ ​ໂດຍ​ເປັນ​ການ​ຫາລື​ກັນ​ລະຫວ່າງ​ຜູ້​ແທນ​ຈາກ​ປະ​ເທດ​ສະມາຊິກ​ຂອງ​ສະມາຄົມ​ການ​ຮ່ວມ​ມື​ແຫ່ງ​ພາກພື້ນອາຊີ​ໃຕ້ ​ເຊິ່ງປະກອບ​ມີ​ອັບ​ກາ​ນິດ​ສະຖານ, ບັງ​ກະລາ​ເທດ, ພູ​ຖານ, ອິນ​ເດຍ, ມານ​ດິວ, ​ເນ​ປານ, ປາ​ກິດ​ສະຖານ ​ແລະ ສີ​ລັງກາ.

ຖະ​ແຫລ​ງການ​ລະບຸ​ວ່າ: ບັນດາ​ລັດຖະມົນຕີ​ໃນ​ກອງ​ປະຊຸມ​ໄດ້​ມີ​ມະຕິ​ຮັບຮອງ​ປະລິນຍາ​ໂກ​ລົມ​ໂບ ວ່າ​ດ້ວຍ​ເລື່ອງ​ການ​ຮ່ວມ​ມື​ດ້ານ​ສາທາລະນະ​ສຸກ​ທີ່​ສຳຄັນ​ຕ່າງໆ​ເຊັ່ນ: ບັນຫາ​ພະຍາດ​ຕິດ​ຕໍ່​ທີ່​ມີ​ແມງ​ໄມ້​ເປັນ​ພາຫະ, ກຸ່ມ​ພະຍາດ​ບໍ່​ຕິດ​ຕໍ່, ​ໂພຊະ​ນາ​ການ, ສຸຂະ​ອານາ​ໄມ, ການ​ແພດ​ແຜນ​ບູຮານ ​ແລະ ບັນຫາ​ຊັບພະຍາກອນ​ມະນຸດ​ໃນ​ລະບົບ​ສຸຂະພາບ. ນອກຈາກ​ນີ້ ຍັງ​ເຫັນ​ພ້ອມ​ກັນ​​ໃນ​ເລື່ອງ​ຂອງ​ການ​ຮ່ວມ​ມື​ລະດັບ​ພາກພື້ນ​ໃນ​ການ​ເບິ່ງ​ແຍງ​ສຸຂະພາບ​ໃຫ້​ບັນດາ​ຜູ້​ອົບ​ພະຍົບຍ້າຍ​ຖິ່ນ​ຖານ​ນຳ​ອີກ.

- Wave100S AD to Website 2020 0 - ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ

​ເລຂາທິການ​ສະມາຄົມ​ກາ​ນຮ່ວມ​ມື​ແຫ່ງ​ພາກພື້ນອາຊີ​ໄດ້​ສະ​ເໜີ​ປະ​ເທດ​ສະມາຊິກ​ຈັດຕັ້ງມະຫາວິທະຍາ​ໄລ​ການ​ແພດ​ແຫ່ງ​ອາຊີ​ໃຕ້ ​ເພື່ອ​ສະ​ໜັບສະ​ໜູນ​ການ​ສຶກສາ​ດ້ານ​ການ​ແພດ​ໃຫ້​ບັນດາ​ນັກ​ສຶກສາ​ໃນ​ພາກພື້ນ ​ແລະ ການ​ຊ່ວຍ​ໃຫ້​ບັນດາ​ຜູ້​ທຸກ​ຍາກ​ເຂົ້າ​ເຖິງ​ບໍລິການ​ສາທາລະນະ​ສຸກຂັ້ນພື້ນຖານ​ໄດ້ ຖື​ເປັນ​ພັນທະ​ກິດ​ຕົ້ນຕໍ​ຂອງ​ສະມາຄົມ.

- WhatsApp Image 2020 05 27 at 5 - ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ
- WhatsApp Image 2020 05 27 at 5 - ປະເທດອາຊີໃຕ້ຍົກລະດັບການຮ່ວມມື ແກ້ໄຂບັນຫາດ້ານສຸຂະພາບ
error: Alert: ເນື້ອຫາຂ່າວມີລິຂະສິດ !!