ສາທານະຄອນຫລວງ​ເຕືອນ​ໃຫ້​ລະວັງ​ການລະບາດຂອງພະຍາດ​ໄຂ້​ເລືອດ​ອອກ

- advert banner 728 90 728x90 - ສາທານະຄອນຫລວງ​ເຕືອນ​ໃຫ້​ລະວັງ​ການລະບາດຂອງພະຍາດ​ໄຂ້​ເລືອດ​ອອກ

ວັນ​ທີ 1 ສິງຫານີ້, ທ່ານ ຈັນທະ​ໄລ ໄຊຍະວົງ ຫົວໜ້າຂະ​ແໜງລະບາດ​ວິທະຍາ, ພະແນກສາທາລະນະ​ສຸກນະຄອນຫລວງ​ວຽງຈັນ ​ໄດ້​ອອກ​ມາ​ເຕືອນ​ໃຫ້​ປະຊາຊົນ​ເຝົ້າ​ລະວັງ ​ແລະ ປ້ອງ​ກັນ​ການລະບາດ​ຂອງ​ພະຍາດ​ໄຂ້​ເລືອດ​ອອກ ທີ່ກຳລັງ​ລະບາດໃນປັດຈຸບັນ, ຊຶ່ງນັບ​ແຕ່​ຕົ້ນ​ປີມານີ້​ເຫັນ​ວ່າ​ມີ​ຜູ້​ຕິດ​ເຊື້ອພະຍາດ​ດັ່ງກ່າວແລ້ວ​ຫລາຍ​ກວ່າ 1.200 ຄົນ, ຊຶ່ງ​ສະ​ເລ່ຍ​ແຕ່​ລະອາ​ທິດ​ຈະ​ມີ​ຜູ້​ຕິດ​ເຊື້ອປະມານ 10 ກວ່າ​ຄົນ, ​ສົ່ງ​ຜົນ​ເຮັດ​ໃຫ້ມີ​ຜູ້​ເສຍ​ຊີວິດ 1 ຄົນຢູ່​​ເມືອງ​ໄຊ​ທານີ ແລະ ປັດຈຸບັນໄດ້​​ຂະຫຍາຍ​ເພີ່ມ​ເປັນ 7 ​ເມືອງ​ຄື: ຈັນທະ​ບູລີ, ສີ​ສັດຕະນາກ, ປາກງື່ມ, ນາຊາຍ​ທອງ​ ​ແລະ ຫາດ​ຊາຍ​ຟອງ. ດັ່ງນັ້ນສາທາລະນະສຸກ ນະຄອນຫລວງ ຈຶ່ງໄດ້ເລັ່ງ​ໃຫ້​ແຕ່​ລະ​ຄອບຄົວ​ເອົາ​ໃຈ​ໃສ່​ຮັກສາ​ຄວາມ​ສະອາດ, ກຳຈັດ​ແຫ​ລ່ງ​ເພາະ​ພັນ​ຂອງ​ຍຸງ​ລາຍ.

- new3 - ສາທານະຄອນຫລວງ​ເຕືອນ​ໃຫ້​ລະວັງ​ການລະບາດຂອງພະຍາດ​ໄຂ້​ເລືອດ​ອອກ

ຕາມ​ສະຖິຕິ​ການ​ລົງ​ສຳ​ຫລວດ​ຂອງ​ພາກສ່ວນ​ກ່ຽວຂ້ອງ​ໃນ​ຕົ້ນ​ເດືອນ​ພຶດສະພາ​ເປັນ​ຕົ້ນ​ມາ​, ທົ່ວ​ປະ​ເທດ​ມີ​ຜູ້​ຕິດ​ເຊື້ອພະຍາດ​ໄຂ້ຍຸງ​ລາຍກວ່າ 2.500 ຄົນ, ​ເສຍ​ຊີວິດ 5 ຄົນ, ​ໃນ​ນັ້ນຢູ່ນະຄອນຫລວງ​ວຽງຈັນມີ​ຜູ້​ເສຍ​ຊີວິດ 1 ຄົນ, ​ແຂວງຈຳປາ​ສັກ 3 ຄົນ ​ແລະ ​ແຂວງຄຳ​ມ່ວນ 1 ຄົນ.

- lattana 1 - ສາທານະຄອນຫລວງ​ເຕືອນ​ໃຫ້​ລະວັງ​ການລະບາດຂອງພະຍາດ​ໄຂ້​ເລືອດ​ອອກ
error: Content is protected !!